عااجل .. ابي رقم غمازة تسوي لليهال !!

[om MaRyooM]

السلاااااام










بنات الغمازة اللي كانت تسوي حق عيال عايلتنا مسافرة . .



بلييز ابي رقم غمازة زينة



هذي 4مرة هالشهر بنتي تلتهب بلاعيمها .. هلكت من المضادات بعد عمري



بليز help
عشان باجر اوديها

وحرارتها مو راظية تنزل :eh_s(4):

 

[عنووشه]

شنو يعني غمازه

وحده يعني تعالج ولا شنو

 

[حرم_الغلا]

شنوو غماازه..
قصدج وحده ترفع البلاعيم؟؟؟​

 

[om MaRyooM]

لوووول شفيكم بنات
اي اللي ترفع البلاعيم


مادري اهلي يقولولها غمازة ههه

 

[اللولو الغالي]

اول مره اسمع بشي اسمه غمازه؟؟!!!!


بس اذا قصدج اللي ترفع للجهال
في وحده اسمها ام عبدالله بالفردوس قطعه٥
ما اعرف عنوانها بالضبط ولا اعرف رقم تلفونها
بس اهي حيييل معروفه وزينه

 

[الأمل الأبيض]

شربيها مره دافيه اول ما تقعد
بس اهم شي خفيفيها لها
وان شاءالله ماتشوف شر

 

["GloRia"]

اول مره اسمع غمازه

ما اعرف ان شاءالله البنات يفيدونج

وماتشوف شر يااارب

 

[shai6ona19]

لوووول اول مره اسمع بغمازه

اب لعيوونج

 

[Hello_kitty]

لما قريت العنوان انصدمت حسبالي وحده تسوي غمازات حق اليهال ههههههههه

فهمت قصدج احنا نسميها السقاطه تسقط البلاعيم اللي نعرفها ماتت الله يرحمها

 

[om MaRyooM]

تسلمون بنات

معقوولة مااودون عياالكم؟؟؟

 

[ريح قهوه]

اول مره بعد انا نفسكم اسمع انها غمازه


انا اسويها بالبيت سويتها لولدي قبل جم يوم وعليج بالمضاد ترا راح اطول اسبوع بالكثير واكل ماتاكل والله حتى ولدي هلك يشوف الحليب ومايقدر يمص الممه كنت اعطيه الحليب بإبرة الدواء وسويت له خواجوا مع زيت زيتون ومره ومقله على النار وكنت اشربه منها واحد سانتي وادهن بلاعيمه وخشمه منها والله يومين رد طبيعي يالله لك الحمد واسوي له مره واخليه يشربها وادفي الجو عشان مايتنفس هواء بارد ويتعب صج البلاعيم مشكله الله يشفيها


شوفي اذا الحراره مانزلت ضروري تردين للطبيب يمكن المضاد ماناسبها لازم تردين له قبل لا تلتهب اكثر

 

[ناصر حياتي]

انا اعرف وحده بالصباحيه
والله زينه تعطي صعوط بس ماترفع واذا الجاهل مافيه شي تقولج مافيه شي
بس ابي اقولج اذا بنتج فيها حراره شوفي يمكن فيها التهاب
وهذا رقمها ٢٣٦١٠١١٩

 

[زين ودلال]

ههههههههههه خرعتيني قلت شفيها مو من صجها تبي تسوي حق بنتها غمازه ههههههههههههههههههههههههههههه

وعلى رفعة البلاعيم والله ماعرف لان يدتي اهي اللي تسوي حق عيالنا

 

[ام شيخوه]

الله يشفيها وان شاء الله البنات يفيدونج

 

[~*~الملكة~*~]

هههههههههههههههههههه على بالي بتسوين لها غمازه

نقول عنها تسقط البلاعيم

لا والله ولامره سويناها شربيها اشياء دافيه وسخني زيت زيتون ودلكي بلاعيمها واقري عليها

 

[الريمـ اللعوبـ]

اول مره بعد انا نفسكم اسمع انها غمازه


انا اسويها بالبيت سويتها لولدي قبل جم يوم وعليج بالمضاد ترا راح اطول اسبوع بالكثير واكل ماتاكل والله حتى ولدي هلك يشوف الحليب ومايقدر يمص الممه كنت اعطيه الحليب بإبرة الدواء وسويت له خواجوا مع زيت زيتون ومره ومقله على النار وكنت اشربه منها واحد سانتي وادهن بلاعيمه وخشمه منها والله يومين رد طبيعي يالله لك الحمد واسوي له مره واخليه يشربها وادفي الجو عشان مايتنفس هواء بارد ويتعب صج البلاعيم مشكله الله يشفيها


شوفي اذا الحراره مانزلت ضروري تردين للطبيب يمكن المضاد ماناسبها لازم تردين له قبل لا تلتهب اكثر

اما معاها بكل كلمه اولا اذا ملتهبه اللي تسقط ماراح تنفعج
والخوجوا والمره مع زيت زيتون علي النار وبعدها تصفينهم خياااااااااال والله وحده بوحده لكل شي
سواء بلاعيم او اذونها او خشمها او حتى للي مسنن

 

[om Firas]

الله يشفيها