عااجل ابي مسااعدتكم

[miss -lemon]

السلام عليكم
بنات
بصرااحه اليووم لا احسد عليه
اول شي اليووم انبااق ايميلي من نااس ماا تخااف ربهاااا
صج الايميل تعودت عليه الله خلاص رااح الايميل وسووويتلي ايميل ثااني

بس المشكله اللحين لماا ادخل المسنجر
ابي اكلم رفيجااتي يطلع نافذه تقوول نعتذر بدء المحادثه رجاءالمحاوله لاحقاا يعني ماا اقدر اكلم احد بالمسن بلييييييز اذاا احد صاارتله المشكله وحلهاا تقوولي شلوون ​

واكووون شااكرتلهاااااااا​

 

[CANDLES]

كانت اتصير وياي مرات لما اطرش رد او احد يطرش لي مايوصل الكلام ويطلع تعذر يكون جنى معلق
لما سويت ريستارت ورديت شغلت رد طعبيعي فمادري جربي وشوفي شنو يصير وياج

 

[miss -lemon]

انا فصلت ودخلت اكثر من مره من العصر واهواا جذي
يعني ابي اكلم رفيجااتي محاادثه فووريه يطلع جذي
هبل فيني
ماا ادري والله شسوي اللحين يعني انزل مسن الجديد الاجدد شي او شنوو

 

[zoozoo]

اول شي قسمي المشكلة قسمين

من الجهاز نفسه اذا كان معلق

أو من المسنجر نفسه
::

شوفي حبيبتي
انتي جربي سوي ريستارت

أو اذا ما نفع يعني الغلط من المسنجر

حاولي تنزلين المسنجر اليديد و تمسحين القديم البنات مثبتين الموضوع

::

و اذا على ايميلج القديم

اذا كنتي عارفة السؤال السري تقدرين تردينه

::

سوووري طولت عليج بالحجي :tomato2:

موفقة حبيبتي

هذا اللي اقدر عليه و أي استفسار انا حاظرة

 

[miss -lemon]

مشكوووره اختي على مسااعدتج

المشكله موو من الايميل من المسن
يعني اي احد يدخل ايميله بالمااسنجر الي عندي يصيرله جذي ماا تقدر تكلم اي احد

يعني الحل اللحين انزل المسن الجديد
مشكوورين خوااتي وماا قصرتواا
اللحين بنزل المسن واشووف اذاا صاار تطوراات ​

 

[zoozoo]

موفقة حبيبتي

و اذا ما نفع عطيني خبر

 

[miss -lemon]

اهلين حبيبتي
ماا صاار اول شي
دخلت المسن وحاطين احدث اصدارات المااسنجر تثبيت ونزلته بس كتبووو خطأ ماا ادري ليش
:0bee2e8d89:​

 

[zoozoo]

شوفي حبيبتي في موضوع عن اخطاء المسنجر و حلولها انتي شوفي رقم الخطأ اللي بالerror box

و انشالله يتثبت

... و اذا كلش كلش وديه حق مهندس كمبيوتر يحط لج برامج حماية قوية

و يعدل لج البرامج

...

سوي الي قلت لج عليه و عطيني خبر