عاجل جدا مساعدع في الرضاعه الطبيعيه

[حلوه بكيفي]

السلام عليكم

شلونكم

والله تعبت مع ولدي الحين له تقريبا 12 يوم من انولد
ما رضعته غير مرتين من صدري
وبخاطري ارضعه حيييييل بس مع الام الخياط ماكان لي خلق من التعب
واحس نفسي الحين احسن

بس خايفه لا يكون حليب صدري اخترب
متى فتره صلاحيته في الصدر ظروري؟

توني شفطت شوي من الجهتين وفيني حليب للحين الحمدالله

وشكله يوعان وودس ارضعه الحين بس خايفه لا يضره حليبي ويكون خربان


تكفوووووووووووووون ساعدوني

 

[انساانه]

لا حبيبتي عادي ترضعين طول مافيك حليب

 

[ام الحلوااات]

؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟

 

[ام وحش]

عادي يرضعيه الحين ،،والله لو تدرين بفوائد حليبج لج وله اشياء عجيبه ،،،انا عيالي كلهم طبيعي الحمدالله وصحتهم حلوه لا غازات ولا غيره وتحسين ارحامج ترتفع سبحان الله وغيره الحنان الي يحسه البيبي وهو قريب منج لا تحرمينه

 

[ام غازي 2012]

سبحان الله حليب الام يغني ولدها عن كل شي ويعطيه همن مناعه
رضعي حليبج طبيعي من عند الله سبحانه مو صناعي ينتهي

 

[*kim*]

رضعيه طبيعي حليبج ماله صلاحيه اكيد زين

 

[بنت الثانوية]

خربااااااان ؟؟؟؟؟؟؟؟؟

شلون يخترب .. انا الي اعرفه حليب الام ما يخترب ,,

الا اذا انتي شافطته وحاطتله اياه بمميه ,, وسبحان الله يقولج لو تسحبين من حليبج وتحطينه بالفليزر حتى اسبوع ما يخترب او اكثر بعد مو ذاكره قاريه كنت موضوع عن الرضاعه الطبيعيه

رضعيه ولا تحاتين .. ويتربى بعزكم ان شاء الله

 

[غرومه غنوجه]

فديتج ضحكت لمن قريت خربان جنه حليب الام مكتوب عليه تاريخ انتاج وتاريخ انتهاء صلاحيه
هذي نعمة من الله دام مو ناشف حليبج رضيعه طول مابسدرج حليب وافيد له
لان حليب القواطي يتفخه على الفاضي
والله يسلمج حليب الام فيه نسبه من الماي بدل لا تشربينه ماي

حبيبتي لا تحاتين رضعيه وتوكلي على الله

 

[@ام يوسف@]

للرفع

 

[جـــواهر]

لامايخرب اذكر لمن كان ولدي بالحضانه كنت اروح الطبيب اشفط له
يعطوني ممتين اعبيهم عشان اليوم وباجر الصبح مااايخرب
يحطونه بالثلاجه وصراحه الدكتور قالي ولدج تشافي من حليبج
والحين عمره ٤ سنين اسم الله عليه

 

[حلوه بكيفي]

مشكورين والله كنت خايفه
ما تدرون شكثر ودي ارضعه بس اهو عنيييد مو راضي
وامي ما ترضا تخليه يبجي اول حفيد

بس الحين مو بكييييفه يتعود

 

[Perfume]

حبيبتي يمكن مايطلع له حليب وايد عشان جذي يبجي
اكلي زين وشربي سوائل وايد وكلما رضع منج بيزيد حليبج

 

[كـ غلا ــلي]

رضعيه عادي وحتا لو سحبتي له حليب اذا في الثلاجه يتم اسبوع ما يخترب واذا فريز يتم شهرين واكثر

 

[بنت الثانوية]

املي بعد بيض وبقل بس مو تحمسين البقل مع البيض

وأاايد يزيد الحليب ما شاء الله . .

 

[tbola]

حطي بثلاجه مااايخترب مدته 24 ساعه <<كلام الدكتور