عاجل ساعدوني أطقم اللمسات الاخيرة وين ألقى مثلها

[ام الجهوري]

السلام عليكم أخواتي الحبيبات أرجوكم ساعدوني وين أقدر أحصل نفس أطقم الاستقبال اللي عند معرض اللمسات الاخيرة اللي بالشويخ بصراحة اسعاره غالية وأقل طقم بثلاث الاف وانا محتاجة اربع اطقم حق استقبالي غير الديكور والصبغ والاكسسوارات منو تعرف معرض او محل يقدم نفس البضاعة بس اسعاره معقولة ؟؟ ووين ألاقي القماش المطرز بالايد جنه قماش هندي حق القنفات وشكرا انتظر مساعدتكم ..عاجلا:blueSmCLR:

 

[msmshasnsn]

نفس الحاله انا عاجبني اثاث دومين وهم اسعاره ناااااار
ان شاءالله البنات يفيدونج

 

[ام الجهوري]

رد : رد: عاجل ساعدوني أطقم اللمسات الاخيرة وين ألقى مثلها

نفس الحاله انا عاجبني اثاث دومين وهم اسعاره ناااااار
ان شاءالله البنات يفيدونج

مشكورة ذهبية على الرد يقولون في معرض اسمه الصيني الامريكي الاطقم تصمم امريكا والتنفيذ في الصين بس درجة أولى بس بعد ما اعرف عنوانهم بالكويت ياريت اللي مأثثه من هالاماكن يساعدونا بليز أخواتي ساعدونا ترى متوهقين بسبت الغلا
:krkrkr:

 

[&الماس&]

اختي لما كانت تجهز بيتها قالت لي اباخذ الكنب من لمسات و رحت ويا ها عجبني بس

موحيل لدرجت السعر الخيال صدقيني هاللبنانيين لاقيينا مقصه اسعارهم خيال وما فيه هذاك الزود وبعدين احنا الكويتيين

مومن اللي يبيهم يعمرون طول العمر نفس حالات الاجانب

يعني نحب التغيير حسب الموضه والالوان والله تعالي شوفي صالات اختي ماشاء الله شحلاتهم سوتهم عند كاكولي اللي

بالضجيج وكا هي تقول لي جزاج االله الف خير اللي ما خليتيني اخذ من لمسات وغيرها تقول احس ان ذوقي كان عجوز

وهما فيه صبغات عند دومين عاجبينها ديكور خشب وسويناه برا وطلع زوغه احلى من اللي شفناه

اهم شي انج تفرين وتشوفين قصات الكنب الزينه وصبغت الخشب والله يوفقج

 

[نفيشه]

رد : عاجل ساعدوني أطقم اللمسات الاخيرة وين ألقى مثلها

اسعارهم صج ماتسوى
وكله تفصال اصلا مو جاهز ولا امريكي
انا اسمع البنات يمدحون ميداس بس خبري فيه من سنين

 

[ام الجهوري]

رد : عاجل ساعدوني أطقم اللمسات الاخيرة وين ألقى مثلها

مشكورين أخواتي برونزية صج كلامج بس في أكثر من كاكولي في الضجيج أيهم سويتو عنده الاطقم وبعدين ياريت تطرشين لي رقم النجار والديكور لان اللي شفته اسعاره غالية متر الديكو 44 دينار وعليج الحسبة !! عموما ماقصرتي حبيبتي
اختى نفيشه ميداس اطقمه بسرعة تروح فيها بس خل نتبادل المعلومات ونفيد بعض عزيزاتي :eh_s(2):

 

[*قمر 2005*]

رد : عاجل ساعدوني أطقم اللمسات الاخيرة وين ألقى مثلها

الله يوفقج حبيبتي وانا مثل حالتج متوهقه وما ادري وين اروح ومن وين ابدي من صبغ او تاثيث اوستاير :krkrkr:وغيره وغيره ويا ليتج اذا لقيتي شي حلو ويسوى انج تخبريني ويفضل على الخاص وانا بعد ان لقيت راح ارسلج رسالة على الخاص

 

[داهية مطير]

اي والله دوووومين مادري دوومير حـيل غالي بس حلووين يعني يبيضون الوجه كد ومد بس حيل غالين وياليت اللي عندهاا خبره بهالشغلاات تسااعدناا لان قااعدين ناثث بيتناااااااااااااا :rerrerek:

 

[ام الجهوري]

رد : عاجل ساعدوني أطقم اللمسات الاخيرة وين ألقى مثلها

اخواتي لان الميزانية محدودة عندنا فأحنا دايخين لكن لو كانت مفتوحة جان رحنا الصين وشرينا أثاث يطير العقل عموما أختى قمر لفيت في الضجيج ولقيت أطقم تصميمها حلو يعني شكل القنفات والخشب المحفور بس المشكلة ان القماش ما عجبني ودي شي ارقى من جذيه وبخاطري حيل القماش اللي حياكة وتطريز يدوى ورود لان هذا الموضة الحين بروح الديرة وأخبركم وداهية مطير موفقة حبيبتي معانا انشالله على الخط

 

[داهية مطير]

تسلمين حبيبتي الحمدالله الحين خلصناااا 3 جلساات بااقيلناااااااااااااااا

جلستين
مووفقين انشالله

 

[ذبحني صمتي]

خوااااااااااااتي مروا نووبلز عجييييييييييييييب احلا من لمسات وامرريكي بعد ...صج مو رخيص بس ع الاقل وكاله امريكيه


اللمسات صناعه الكويتيه وماايحكي الا ب3000 ديناررر


وصدق اللمسات نصابين بقيت البرده منهم تخيلوو ب 750 ؟؟؟؟؟


واي سؤال حاضره انا تو مخلصه بيتنااااااااااا ...واثثته من نووبلز والضجيج



حتي بالنسبه للديكور والصبغ انا حاااااااااااضره ..

 

[عاالية]

رد : عاجل ساعدوني أطقم اللمسات الاخيرة وين ألقى مثلها

نوبلز وينه
وصوري الي بالمسات الاخيرة وسوي مثله
عندج الاختيار الاول عوار قلب بالضجيج واسعاره زينه

 

[ذبحني صمتي]

نوبلز بمركز واره بالشووووووووووووووووويخ

 

[بنت السليل]

مشكوووووووره اي كاكولي فيهم لانهم كثير

 

[الغاااااالية]

ام الجمهوري شصار عليح شسويتي وشنو اخترتي من قنفات للاستقبال ومن وين خذيتيهم
افيدينا افادك الله​