عاجل عاجل عاجل بنات مساعدتكم لاهنتو :)

[رووونه]

مساء الخير يابنوتات ياحلوين




شلونكم شخباركم




بغيت منكم مساعده ولاتردوووني ولا تفشلوني مع ريلي




ريلي بسوي تبييض اسنان وسألني شنو احسن دكتور يسوي تبييض اسنان اللي يخلي الاسنان تلق جنهم لولو




وانا قلتله ماكو الا كويتيات حبايبي اسألهم بنات بلييييييييييز لاتفشلوني




انزين بنات اشرايكم بتبييض الاسنان بالليزر انا العام ناويه اسويه وخليته لان الدكتور قالي انه له اثار جانبيه بس ماتبين الحين بعد جم سنه




بليييز فيدوني

 

[رووونه]

نسيت لا اقولكم في بنات وايد امدحولي بيرفكت دنتل كير بس خالتي لما راحتله بتسوي زراعه اسنان تقول انه عادي بس مسويله دعايه زياده عن اللازم



اللي مسويه عندهم تبييض بلييييييييز فيديني




اي صح بنات سمعتو عن برايت سمايل المنتج الللي يبيض الاسنان وتبين النتيجه بعد 5 دقايق تبيعه شركة لارسيا ساعات ودي اجربه واخاف تكون له اثار جانبيه ولا يأثر على مينا الضرس وترد ضروس ريلي صفر ويقعد يقولي كله منج ومن المنتدى خو اهو من يشوفني شابكه يغااار
جنه طلعت عن الموضوع احم احم نرجع لمحور حديثنا تثقون بهالشركه اللي تبيع زيت بنت النور انا للامانه ماجربت عندهم ولاشي فاللي جربت ختفيدنا

 

[*دبدوووبه*]

هلا والله حبيبتي
انا الي اعرفهم
فيرجينيا كلينك
و مركز ابها التخصصي

بصراحه هذولي الاثنين توب بالتبييض
وانا بسوي ومحتاره مابين ابها و فيرجينيا كلينك

 

[om_talal]

ما يبيله كلام أحسن عياده باب هاني

 

[mdoo]

:eh_s(6)::eh_s(6):مرحبا يابنات انا منتسبة جديدة انا لا انصح بتبييض الأسنان لأن العملية عبارة عن كشت طبقة من مينة الاسنان فيصبح السن على المدى البعيد السن ضعيف لاي مأثر خارجي وادا كان يشرب الشاي والقهوة ويدخن راح يرجع اللون الطبيعي بظرف شهر

 

[رووونه]

دبدوووبه : مشكوره حبيبتي على الرد شنو نوع التبييض اللي يسوونه ؟ انا اختي مسويه عند مركز ابها التخصصي تبييض بالليزر تقول زين بس تمدح فيرجينيا اكثر اهي الصراحه ماسوت تبييض عندهم سوت عصب وتمدح شغلهم


om_talal : مشكوره حبيبتي على الرد بس بعرف شنو نوع التبييض اللي يسووونه ليكون ليزر مابي ليزر ووين مكانهم او رقم تلفونهم ؟


mdoo : مشكوره حبيبتي على الرد بصراحه انا قلت لريلي ان التبييض يضر المينا بس اهو مصر يبيض اسنانه لانه ولا مره سوا تبييض فحاب يجرب عاد انا بخلي يسويه اي نوع تبييض الا اليزر

 

[supermarket]

ترى مو زين التبييض لان تنشال طبقة منها وتصير حساسة زيادة عن اللزوم

استعملي لزقات كرست يمدحونهم البنات بالمنتدى

 

[رووونه]

هلا حبيبتي مشكوره على الرد انا سمعت عن هاللزقات موجوده بأمريكا بس وين احصلهم بالكويت




يبيعونهم البنات بكويتيات مول ؟؟

 

[*دبدوووبه*]

بنات حبيباتي
التبيض غير عن التلبيس
التلبيس اهوا الي ييشيلون طبقه من السن ويلبسونها

بس تبييض الاسنان
ازاله الطبقه الصفراء
مو حك الضرس وتلبيسه في فرق

والله حبيبتي مركز ابها التخصصي تبيضهم وايد زين
وبالنسبه لفيرجينيا كلينك
بالعلاج زين
وطريقة تبييض عندهم وايد حلوه
ووالدكتور ينصح قبل مايسوي اي شي

والله يوفقج
والمكانين زينين

 

[رووونه]

تسلمين حبيبتي دبدوووبه