عاجل لمعلمات الروضة فقط

[مزيونة الهيلا]

:eh_s(16):السلام عليكم ورحمة الله وبركاته

اشلونكم يا ابلات حبيت اسالكم عن التدريس في الروضة هل هو متعب ولالأ وصج تقطون من معاشكم على الصف والاطفال لاني حابه انقل للتدريس

لا تبخلوووووووووووووون بالرد

 

[رضاب]

شوفي اول سؤال إذا تحبين اليهال وبالج طويل عليهم توكلي على الله

إما عن التدريس واجهتنا صعوبات لكن مع الأيام تتعودين

إما بخصوص الصرف ما أحس وايــــــــد
إلا إذا استلمتي صف إنتي تجهزينه سنه وحده وتستفدين منه باقي السنين


وأي سؤال أنا بالخدمــــــــــــــه

 

[لمعة الماسه]

السلام عليكم ....

انا اختي مدرسة روضه من زمان يعني مخضرمه .. وتنصحج انحاااااااااااااااااشي واركضي بعيييييييييييييد على كثر ما تقدرين ..

وبصراحه شوووف عيني كراااف هي ورفيجاتها ..... ودااايم رايحين مكاتب وروحات وجيات على دسمان ( منبع الوسائل) .. والمعااااش والله ما يقعد على قولة امي مو مبارك ... وبصراحه ترى اختي حدددها مجتهده ومثااااليه بشغلها .وماخذه جائزة المعلمه المثاليه ... بس عشان احطج بالصوره .

ملاحظه : اذا عزمتي تصيرين مدرسة روضه لاتنسين اتزهبين عمرج حق فلعات الاطفال وطيحاتهم .... وبسسسسسس

 

[Designer 2008]

انا مدرسه روضه
التدريس في الروضه متعب اول سنتين بس لانج ما تعرفين شي
وحتى الاغراض اول سنتين و راح يساعدج اذا كنت تعرفين على النت كثير .....
و بين مدرسه روضه و مدرسه ابتدائي او متوسط او ثانوي
لا مدرسه روضه افضل
لان مافي درجات
مافي امتحانات
مافي منهج متأخر و لازم يتم
تعطلين قبل الناس ومجرد ما يغيبون الجهال ما عندج شي
و عموما الاطفال يغيبون قبل عطلة نص السنه بشهر
و قبل عطلة اخر السنه بشهر
و اخر اسبوعين من الرمضان
يعني فترة مقابل الاطفال شويه نسبيا
اما بالنسبه لطبيعه الشغل
عندنا
اول شي استقبال الاطفال تقريبا 7:30 الى 7:50 و هاذي تكون لازم تكون المدرستين مع بعض
بعدين فترة النشاط الصباحي 7:50 الى 8:20 و هاذي تكون وحده من الممعلمتين الفصل
بعدها الحلقه مدتها 20 دقيقه ولازم تكون المدرستين مع بعض
بعدها فتره المطعم 45 دقيقه و هاذي تمسكهاوحده من المعلمتين
بعدها الفرصه 45 دقيقه تمسكها المعلمه الثانيه
بعدها ساعه فترة الاركان لازم يكون المدرستين موجودتين وهذا الفترة عبارة عن مراقبه الاطفال و هم يلعبون في الاركان و تسجيل المعلومات
و بعد الاركان اللاصفي تمسكها وحده من المعلمات مدتها 40 دقيقه
بعدهم تجي فترة الانصراف مدتها ربع ساعه و هنى لازم نكون المعلمتين موجودتين
الدوام في الروضه يبدى 7:30 الى الساعه 12:20
ومثل ما انتى شايفه اكثر شي يضايق معلمة رياض الاطفال هو ان في ايام يكون جدولها مزحوم و ما عندها فترة راحه الا فترة واحده
بس هذا ممكن يحله اذا كانو معلمتين الفصل متفاهمين و يشيلون عن بعض او يكون للفصل ثلاث معلمات يا ســـــــــــــــــــــــــــــــــــــــــــــــــــــلام راح ترتاحين حيل
و الله يوفقج في اللى تختارينه
و صلي استخاره
و توكلى على الله

 

[مزيونة الهيلا]

مشكورين على الرد حطيتوني في الصورة انشا الله بستخير وتوكل على الله

جزاكم الله خير

 

[miamy]

انا جديده بالروضه صار لي سنه بس

اليهال متعبييين بس حلوييييييييين

والشغل متعب بس ماكو شغل بدون تعب

واذا تحبين اليهال توكلي على الله

 

[الـلـؤلـؤه]

ذا تحبين اليهال توكلي على الله
والتدريس في الرياض مميزاته اكثر من سلبياته

 

[فطيرة فراوله]

حبيبتي انا رايي من راي البنات اذا اتحبين اليهال من قلبج دشي المجال لان حرام صج يبيلهم وحده تصبر عليهم عدل وايجابيات الرياض اكثر من سلبياته

 

[لانا]

استخيري احسن...

بس عن نفسي ....ما انصحج

اذا قدرتي تشتغلين اداريه واااايد احسن واريح

والله يوفقج

 

[dark-sound]

هذاك اول الي يغيبون قبل العطله بشهر

الحين احنا انعطل واهم للحين يدامون

 

[توته احلى بنوته]

هذاك اول الي يغيبون قبل العطله بشهر

الحين احنا انعطل واهم للحين يدامون

هههههههههههههههههه اعجبتني حلــــــــــــــوة



التدريس في الروضة ممتع والصرف في البداية اذا تحبين التعامل مع اليهال وعندج سعة صدر توكلي على الله

 

[زلابيا]

هذاك اول الي يغيبون قبل العطله بشهر

الحين احنا انعطل واهم للحين يدامون

لوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول ذبحتيني من الضحك ههههههههههههههههههههههه

اي والله صاجه

 

[ملاك-77]

بصراحه انا احب مهنتي ودشيتها عن قناعه

ونسبتي عاليه ولكل يقول حرام على هالنسبة دشي شي يسوى

مو رياض اطفال بس انا حابه هالتخصص ودخلته عن اقتناع...

والتعب بكل وظيفه بتلقينه..لاتصدقين اللي يقولون الادارية شغلها راحه

انا اختي ادارية وبالعه السم وساكته..وصدقيني اذا حبيتي الشي بتعطينه حقه

وبتتميزين فيه والجهال مجابلهم تعب بس بامكانج تضبطينهم وتعودينهم

على طريقتج من اول يوم ..كل وحده وشخصيتها

طولت عليج خخخخ عالعموم الله يوفقج والاستخارة مطلوبه