عاجل.. وين اشتكي الحين؟

[شذور الذهب]

السلام عليكم ..

توني رايحه مطعم حدا معروف وتفاجأنا بلحم ( كباب ) ريحته .. لاتطااااق ..
فاسد .. اشلون اكتشفنا !!
الطبق كان حق اليهال فجأة قالت اختي : ماما الكباب ماادري اشلون طعمه !! سمعها اخوي جان يقول: اي ريحته مو حلوه مابي اكل ..
استغربنا يوم شفناه ولاااا موشي ( الجبد تقلب من ريحته ) اللي ما يفهم يعرف انه لحم فااااسد ويوم كلمنا المطعم جان يبرر: لان برد الكباب فا اطلعت ريحته!!!!!!!

( من علييييه هالكلام )

المهم ابي احفظ حقي وحق الناس .. وهم خااايفه على اليهال اللي كلو ..

منو يعرف اليوم عيد شاسوي ؟؟​

 

[خبز مسمسم]

اشتكي عند حماية المستهلك وهم مايقصرون

 

[فاقده حنان ابوه]

حمايه المستهلك والبلديه

الله يعينهم والله

انا مره صارت فينا يوم سوينه لويه بالمطعم مادفعنا الحساب خافو خلو اكلنا بلاش

 

[شذور الذهب]

رحنا مسكرين .. دقينا 135 رقم الشكاوي محد يرد..

 

[monmon12]

لا حول الله ما يخافون الله

الواحد يتسمم يعني المفروض مثل ما قلت الأخت ما تدفعون وتكلمون مدير المطعم وتقوليله انا مشتكيه غند حماية المستهللك

 

[chanel N22]

حمايه المستهلك

 

[شذور الذهب]

الغلطه الوحيدة اللي كلمن لامنا عليها ان دفعنا 33دينار على لحم فاااسد وباجي الطلب من خرعتهم يوم كلمنا المدير والشيف ما يابوه وكل شوي يو يشيلون من جدامنا اقولها ( ويت ام ايت )جان تقول قاعدة انظف!! حرتني
اللي متوترين حدهم ويحوسون يبونا بس نقوم..
يعني ما راضونا ولاخدمة سنعة والشيف يقول :اكيد بتطلع ريحة فقكم المكيف !!!!!!!!!!!!

احنا اشتكينا عند ادارة المجمع نفسه بس ابي حقي هذا ماراح يردعه شكوى ادارية محد يدري عنها
المشكلة اليوم عيد ابي اثبت الحالة وخذيت قطعة الكباب بس شاسوي ..


الصراحة مرات نسكت عن حقنا وهذا شي ما ينسكت عنه اخوي كان فيه لوكيميا يعني خطر عليه ..
وانا وكلنا ما نرضى احد يستغلنا ويتاجر بصحتنا ..

 

[أم حمودي**MALL**]

ماروحي حماية المستهلك بالجابريه اللي يم المخفر
من اي مطعم كليتو؟
قولي اسمه عشان لا ننغش فيه

 

[جروح خالده]

رد : عاجل.. وين اشتكي الحين؟

حمايه المستهلك

 

[شذور الذهب]

عادي اقول اسم المطعم ؟؟

لان الصراحه حدا حدا استغفال للناس وغش الله فوقهم..

 

[المهفة]

قولى اللة يعافيج وانقذى اللى راح ياكلون وراكم ترى حرام تسكتين ونتى تدرين

 

[قـمـر..دنـيـاي]

رد : عاجل.. وين اشتكي الحين؟

آنشالله مافيهم آلا العافية

وحسبي الله عليهم ..

 

[خوآطر خفوقي]

شي ماينسكت عنه ..!

حبيبتي اشتكوو ..

بس شسم المطعم ؟!

 

[MoonDiamond]

حمايه المستهلك والبلديه
ولو مصوره الاحداث بالموبايل من غير لا يحسون افضل (ترى هذي سوالفي كل شي اصوره)

 

[شذور الذهب]

مطعم ( رايس ) الافينيوز

رحنا ادارة حماية المستهلك مسكرين اندق ما يردون .. قالو اول تروحين طوارئ البلدية ادق الحين محد يرد بحاول اروح..
علينا بالعوض وعليهم بالتلف ..
ربي يحفظنا ويحفظ ديرتنا..​

 

[FeShinGoOo]

رد : عاجل.. وين اشتكي الحين؟

وشكو تدفعووووووووووووووووون؟
لحم فاسد
ومايابولكم كل الاكل

وفوق هاذا قاعدين يشيلون الاكل من جدامكم
من خرعتهم مايبونم تاخذون عينه وتودونه مكان تشتكون عليهم من جذي بيشيون بسرعه
واله لو مكانج اسوي زمبليطه ومادفع ولا فلس

 

[شذور الذهب]

والله ما ادري اشلون ما فكرنا عاد انا اللي دفعت على نيتي .. كل ما قلت السالفة حق احد قال ليش تدفعين
والمطعم بس كلمناهم عن اللحم قامو يطالعونا ويحوسون مو اعتفسنا ما كلينا عدل كل شوي يايين يشيلون
اقولها ماخلصت لحظة طالعتني جان تقول قاعده انظف ..
جان انقوم .. ونسينا ان بعد ما يقدمون العيش يشيلونه وعلى طول يحطون جدامج الجاي مع الحلو تكملة الطبق ..
اهما طبقين ولا يابو الحلو مع ان احنا قاعدين ولما قمنا كلنا ما اسالو منفسييين حدهم وبسرعه ينظفون اثر جريمتهم

لحم فاسد وخدمة سيئة واستغلال.. شقول بعد

 

[أم حمودي**MALL**]

عاد هالمطعم شكله من بره هلله هلله ومن داخل يعلم الله

 

[brettey]

رد : عاجل.. وين اشتكي الحين؟

لا تسكتين اشتكي عند حمايه المستهلك لما يبطلون قولوا لهم اتصلنا بحزتها محد يرد

 

[كلمات عابره]

رد : عاجل.. وين اشتكي الحين؟

صاجه اكلهم صاير مو شي وقديم مو بس اللحم حتى الدجاج ريحته مو طبيعيه والربيان اكلهم احسه بايت
حطيت عليه اكس هالمطعم بس تصدقين من قبل خمس شهور رايحه له اكلهم رووعه ويجنن بس الحين يوم رحتله قبل شهر وييييييع الله يديم النعمه اكلهم مو شي
وياليت احد يشتكيهم عند البلديه اما يتسنع او يسكرونه ويصير عبره لغيره