عادي أكثر من درس بحصة وحدة

[شيماء المطيري]

:eh_s(10): آنا ولية أمر لبنت ثانية ابتدائي دقيت اليوم على وكيلة مدرسة بنتي وقلت لها مدرسة الرياضيات شرحت سبغ دروس بيوم واحد واهي كثيرة الغياب واصدمتني بجوابها


:rgewrg: قالت لي عادي شنو يعني سبع دروس أهي أخذت أكثر من حصة ومو ذنبها اهي مضغوطة من الوزارة عشان تخلص المنهج بسرعة وغيابها باجازة رسمية

أبي أعرف المدرسة تقدر تاخذ اجازة غير اجازة الصيف وسبع دروس مو واجد على طلبة ثاني ابتدائي وخصوصا الرياضيات---بنتي مميزة بالمادة أخاف هالضغط يأثر على مستواها وشرايكم برد الوكيلة ان عادي تغيب وتضغط الطالبات :krkrkr:

 

[sweet patchouli]

طبعاً ما يصير اكثر من درس
و يحق للمدرسة تاخذ اجازة مسكينة يمكن عندها ظروف بس رئيسة القسم ليش ما حطت مدرسة بديلة ادرس عنها و اهيه غايبة اذا المدة طويلة وايد
حرام اصلا وايد على البنات

​

الله يعينج انصحج كل يوم راجعيلها الدروس اللي خذتهم ​

 

[(كويتيه عسل)]

:eh_s(10): آنا ولية أمر لبنت ثانية ابتدائي

الله يخليلج بنتج وتفرحين فيها وتشوفينها في الجامعه

دقيت اليوم على وكيلة مدرسة بنتي

انتي غلطتي دقيتي على الوكيله المفروض تكلمين الابله وتعرفين منها السالفه

وقلت لها مدرسة الرياضيات شرحت سبغ دروس بيوم واحد واهي كثيرة الغياب واصدمتني بجوابها

:rgewrg: قالت لي عادي شنو يعني سبع دروس أهي أخذت أكثر من حصة ومو ذنبها اهي مضغوطة من الوزارة عشان تخلص المنهج بسرعة وغيابها باجازة رسمية

موقلتلج المفروض تسألين الابله بنفسج علشان تعرفين السالفه

يمكن التوجيه طالب منهم يدمجون الدروس وشدراج ان بسبت الغياب ؟

توجيهه الرياضيات غلجين ساعات يدمجون المفاهيم اذا متشابهه وساعات يحذفون مفاهيم وتصير الدروس قصيره ويدمجون 7 و8 و9 دروس كل شي تتوقعين منهم هالتوجيهه الفاشل



والابله انسانه ولها ظروفها من حقها تغيب مثل ماانتي تبين الابلات يراعون ظروف بنتج اذا استمرضت ويعيدون الدروس لها هم الابله بشر لها اهل ومن لحم ودم

أبي أعرف المدرسة تقدر تاخذ اجازة غير اجازة الصيف

ايه تقدر ومن حقها تاخذ اجازه عرضيه ومرضيه واجازة امومه واجازه خاصه واجازه اداء امتحان واجازه وضع ... الخ

الابله بشر من لحم ودم مومكينه حتى المكينه يبيلها راحه ولا تقب

وسبع دروس مو واجد على طلبة ثاني ابتدائي وخصوصا الرياضيات---بنتي مميزة بالمادة أخاف هالضغط يأثر على مستواها وشرايكم برد الوكيلة ان عادي تغيب وتضغط الطالبات :krkrkr:

الله يحفظ بنتج وانشالله دوم متميزه

لاتخافين حبيبتي الابله ادرى بمصلحة الطالبات وانتي درسيها الدروس اي تمرين من الدروس موفاهمته

وصي بنتج تروح للابله وتسألها وماظنتي الابله بتطردها او ترفض بالعكس الابله راح تستانس من بنتج لانها مهتمه بالماده

انا ابلة رياضيات متوسطة بس اذا تبين اساعدج بشي بخصوص بنتج لا يردج الا لسانج :eh_s(7): وماابي الا الاجر والدعوه الحلوه وموفقه حبوبه

 

[السنعة2]

انا نفس المشكله معاي
الاجازات والغياب الي صار
ومع تقديم الامتحانات اسبوع
سبب ربكه في خطة توزيع المنهج
يعني عادي الرياضيات كل يوم درسين يخلصون وكلها مفاهيم صعبه
المساحه مع المحيط
اللتر والسنتميتر والمتر
والله يعين
الانجليزي امس اربع صفحات ممشين!!!!!!!!!!
لازم تكثفين المراجعة وايد هالايام والله يعينا لان اليهال خلاص ملو وقفل المخ عندهم

 

[جيتك تعال]

عزيزتي ولية الامر ....

جرت العادة انه اذا التوجيه شاف انه المنهج طويل والخطة الموضوعة من قبله لم يكفيها الوقت المحدد بايام السنة

جرت العادة ان يعطي الاقسام العلمية الضوء الاخضر لشرح اكثر من درس في حصة او في حصص متتالية يتم

تقديرها بما يتناسب مع الجدول المدرسي واليوم الدراسي وكل مدرسة تضع خطة خاصة فيها وبالقسم المتاخر

وهالخطة متغيرة حسب كل مدرسة ... عشان جذيه هالشي طبيعي ... لانه اصلا البنت بتاخذ وقت بعدين للدراسة والمراجعة

سواء في البيت او في المدرسة ... وهالشي عزيزتي طبيعي لان الخطة اصلا ما تراعي الفروق الفردية

والي يراعيها القسم العملي والمعلمة نفسها ... عشان جذيه يتفاجأون بانه الوقت قل عن المنهج ...

وطبعا اكيد انتي عارفة انه جرى تعديل على مواعيد الاختبارات لمرحلة بنتك عشان جذيه تغيرت الخطط

لانه تم تحديد موعد جديد لانتهااء المناهج الدراسية وفق مواعيد الاختبارات المعدلة

لا تحااتين هذا شي طبيعي وان شااء الله تشووفين بنتك من الفائقااات دووم

 

[يامطوله صبري]

اذا كان الضغط على بنتج مرة

فتأكدي انه على هالمعلمة الف مرة

ترا مو شوية انها تعطي كذا درس بيوم واحد

تعب وارهاق عليها بالدرجة الاولى


وبصراحة قرار تقديم الاختبارات قرار فاااشل جدا

سبب ازمة للكل

 

[شيماء المطيري]

كويتية عسل-- انا معاج أن المدرسة من حقها الاجازة بس حرام سبع دروس مو جذيه

 

[شيماء المطيري]

انا نفس المشكله معاي
الاجازات والغياب الي صار
ومع تقديم الامتحانات اسبوع
سبب ربكه في خطة توزيع المنهج
يعني عادي الرياضيات كل يوم درسين يخلصون وكلها مفاهيم صعبه
المساحه مع المحيط
اللتر والسنتميتر والمتر
والله يعين
الانجليزي امس اربع صفحات ممشين!!!!!!!!!!
لازم تكثفين المراجعة وايد هالايام والله يعينا لان اليهال خلاص ملو وقفل المخ عندهم

:eh_s(10): اشلون أكثف المراجعة وأهي تاخذ الكتابين معاها وترد تشرح أكثر من درس وترجع ناخذ الكتب أصلا بنتي ما أدري وين واصله كنت متعودة أحضر الدرس وأشرحه قبل الابلة

 

[شيماء المطيري]

الله يخليلج بنتج وتفرحين فيها وتشوفينها في الجامعه





انتي غلطتي دقيتي على الوكيله المفروض تكلمين الابله وتعرفين منها السالفه


موقلتلج المفروض تسألين الابله بنفسج علشان تعرفين السالفه

يمكن التوجيه طالب منهم يدمجون الدروس وشدراج ان بسبت الغياب ؟

توجيهه الرياضيات غلجين ساعات يدمجون المفاهيم اذا متشابهه وساعات يحذفون مفاهيم وتصير الدروس قصيره ويدمجون 7 و8 و9 دروس كل شي تتوقعين منهم هالتوجيهه الفاشل






الله يحفظ بنتج وانشالله دوم متميزه

مشكورة على الدعوة

انا ابلة رياضيات متوسطة بس اذا تبين اساعدج بشي بخصوص بنتج لا يردج الا لسانج :eh_s(7): وماابي الا الاجر والدعوه الحلوه وموفقه حبوبه

ما تقصرين يا قلبي ان شاءالله نشوفج مديرة المدرسة :yaaaaaarb:

 

[PuPa^^SWeeT]

حياتي التوجييه حاليا طالب انه ندمج درووس لأنه لو ماندمج ماراح انخلص المنهج ( انا رياضيات متوسط )

بس ماجربت ادمج 7 درووس بالاماانة

بس يمكن الابلة المسكيينة ترا مضغووطة من شي ظرووف لاتفكرين انه الابلة متكاسلة ولا فيها ان


بس يمكن لها ظرووف اضطرت انها اتغييب

اذا عندج اي شي يخص الابلة لاتكلميين الادارة الا اذا شفتي الابلة مو متعاونة وياج

بس من البداية اتكلميين الوكييلة صعبة

الوكييلة هذي شكلها صفت وياج بس شوفي الحيين بتكلم الابلة

وبتقوولها و بتنبها و اتنقص تقدييرها

انتي كلمي الابلة و شوفيها شتقوول

 

[randomy]

اانا الموجه دخلت علي فجأة وكنت دامجه درسين مختلفين بالاهداف كل درس بصوب عن الثاني

ماقالت شي , بالعكس قالت لازم تدمجون علشان تلحقون تخلصون المنهج !!

ولا عزاء في التربية

 

[Maryam]

والله التربية على اخر لحظة تغير وقت الفاينلز
و عيال الكويت ما شاء الله وزارة بحالها متى ما يبون اقرو لهم عطله
و المنهج مضغوط

و بعدين لا تبالغين شنو 7 دروس مستحييييييييييييييييييييل
درسين ثلاث اي تمشي
بس 7 قوية صراحة


و في شغلات حشو مالها سسالفة فعادي الدمج

 

[توتي فروتـي]

...


بغض النظر عن حالة وظروف المعلمة
أعتقد زيادة معدل الغيابات للطالبات في مختلف مراحلها في بداية الكورس الثاني (( أقصد شهر 2 ))
جعل المناهج تتأخر جدا ., فهذا الخطأ ليست في يد المعلمة بل الطلبة انفسهم .,!!!!

ولان المعلمة مجبورة بأن تنتهي من المنهج بتاريخ معين لقرب اختبارات الفاينل ., أدى بها الى ذلك .,

.

.

نحول عربي الحين .,

.

.
مو حلوة تروحين للوكيلة علطووول لان المعلمة اهي صاحبة الشأن .,

اعتقد هذي اهي الاسباب ., والله يوفق بنيتج وعقبال مانشوفها بالجامعة

 

[M!s$ GoOnA]

انا طالبه متوسط

بس كنت بالاول بقولج ان عادي عندهم الابلات يغيبون ويشرحون درس ولا درسين بالحصه واحنا اللي ناكلها

بس الصراحه انصدمت لما قلتي ان سبع درووس !! لا وبنتج بثانيه ابتدائي !!
ترى سبع دروس مو شويه احنا بالمتوسط عليناا واااااايد واكثر من وايد لو بتسويها ابله من ابلاتنا
ما نرضى نحتج ولا نروح نشتكي عليها
شنو احنا مو كمبيوتر لا وحرام ياهل يعني شنو ماكو رحمه !!

الله يخليها لج ويوفق لج بنتج انشالله وانشالله تشوفينها متخرجه بالجامعه

 

[رضاهم جنه]

اذا ضاق علينا الوقت ندمج درسين وتكون بالحصه الاساسيه درس وبالاحتياط درس اما 7 دروس مره وحده قويه

 

[درة أهل الطولات]

حبيبتي احنا مضغوطين من التوجيه جدموا العطله شهر وتوهقنا بالمنهج اللي ما احذفوا منه شي

وقالوا لنا دمجوووووووووووووووا

 

[شيماء المطيري]

كلمت الأبلة اليوم قالت لي السبب أنها ادمجت المهارات المتشابهة و عطتهم فيها ورقة عمل والمهارات المختلفة لها حصة بروحها تقول الابلات ينحاشون من حصصهم وآناآخذ اكثر من حصة عشان أمشي المنهج صراحة كسرت خاطري حسيتها صج تتعب


السؤؤؤؤؤؤؤؤؤاااااااااااال أشلون أكافأها شلي يحبونه الابلات

 

[أحاسيس ومشاعر]

كلمت الأبلة اليوم قالت لي السبب أنها ادمجت المهارات المتشابهة و عطتهم فيها ورقة عمل والمهارات المختلفة لها حصة بروحها تقول الابلات ينحاشون من حصصهم وآناآخذ اكثر من حصة عشان أمشي المنهج صراحة كسرت خاطري حسيتها صج تتعب


السؤؤؤؤؤؤؤؤؤاااااااااااال أشلون أكافأها شلي يحبونه الابلات

قوية من صجج 7 دروس باليوم هاذي تخدعج وبتكرمينها بعد:rgewrg:!!!
أنا أدرس ثانية مستحيل أقدر أشرح 7 دروس بيوم واحد عفيه عقل عند البنات !!
وبعدين توزيع المنهج بالرياضيات (ابتدائي ) يختلف عن بقية الأقسام مو بكيفنا نوزع الدروس لازم نمشي على التوزيع اللي تعطينياها رئيسة القسم ومستحيل يقبل الموجه بدرس ينعرض عنده مدموج .

 

[شيماء المطيري]

قوية من صجج 7 دروس باليوم هاذي تخدعج وبتكرمينها بعد:rgewrg:!!!
أنا أدرس ثانية مستحيل أقدر أشرح 7 دروس بيوم واحد عفيه عقل عند البنات !!
وبعدين توزيع المنهج بالرياضيات (ابتدائي ) يختلف عن بقية الأقسام مو بكيفنا نوزع الدروس لازم نمشي على التوزيع اللي تعطينياها رئيسة القسم ومستحيل يقبل الموجه بدرس ينعرض عنده مدموج .

بس اهي قالت مهارات متشابهة وعطتهم ورقة عمل فيها-----صراحة ما أدري بنتي مميزة بالمادة وأخاف عليها تفقد هالتميز وعلى فكرة الوكيلة تدافع عنها وتقول عادي

 

[mo3lema2007]

انا مدرسه رياضيات وثانيه ابتدائي

الصراحه المنهج وايد طووويل وللعلم انا ماغيب بس لحد الحين مادري شلون بنخلص هالمنهج
واحس ان ضغط وحشو للبنات .