عادي التحاميل وانا حامل ولا مايصير !!

[om MaRyooM]

السلام




شخباركم حوامل و موحوامل




بنات بسالكم

سوووري بس انا من دهر واعاني من رطوبة المنطقة مابقى تحليل ومسحة عق رحم وكل شي سويته مافيني التهابات ولا شي

عاد كنت استخدم البيتادين كان يآزرني لوووول


بس الحين حملت ... مادري يصير استخدم البيتادين ولا لأ :bbbiu:


انا موعدي طاف وماسالت الدكتور نسيت .. بليز فيدوني:eh_s(4):

 

[ناتشوو]

ام مريوم
بصراحة الافضل تسألين و تنطرين طبيبتج
وعندي وصفة عجيبة
للرطوبة
لدرجة استغنيت فيها عن كل شي اخر من سوالف الحسو واللهوم بنفاسي الاخير حتى التحاميل مو ضرورية معاها
ومااستخدمت غيرها
وهي لاخر النفاس والدورة
اسمها خلطة الخمس فناجيل
بس للاسف مادري اذا الحامل تستعملها او لا
لا تطوفج باخر النفاس والدورة

 

[om MaRyooM]

ناتشو


ايييييي فديتج .. انا ناقلة خلطتج مرة قريتها بأحد المواظيع

بس ماتوقع تصير للحامل

مشكورة

 

[بنت ريلي]

يا زين المنقذ بيتادين
حتى انا ودي اعرف الحامل تقدر تستخدمه والا لا ؟ مع انه يخوف لانه مايخلي شي ما يطلعه

 

[sweeta77]

دكتورتي قالت لي اكو تحاميل تصلح للحامل
بس ما خذيت اسمهم

 

[^noonaa^]

والله مادري سالي دكتورج احسن او دقي عليه

 

[sweet fashion]

آم مريوم مبروك آلحمال عسي الله يتمم عليج حبيبتي

بآلنسبه للتحاميل آلافضل آنج ماتستخدمينها آبتعدي عن هآلسوالف بس دام آلافرازات مافيها لون وريحه اجل مافيج آلا آلعافيه لان بآلحمل آلواحد يتجنب كثرة آلادويه وخصوصا آلتحآميل
واللى آعرفه آن آلبتادين بآلحمل مآيصير

 

[كوكي العسل]

اختي ماادري اذا التحاميل يصير الحامل تاخذهم او لا

بس ترى الافرازات والرطوبه طبيييعية بالحمل كل حامل تعاني من الافرازات اللي ماتخلص

 

[really cat]

انا دكتورتى عطتني تحاميل
استخدمهم كل 3 ايام مره بس أنا ما أستخدمتهم
الصراحه خفت

 

[روعة خيال]

اي عادي انا كنت استخدم تحاميل لان كانت فيني التهابات

و استخدمتهم مرتين مره بالشهر السابع و مره بالشهر التاسع و عاااادي

الله يسهل عليكم

 

[روعة خيال]

و كنت استخدم البيتادين مره بلاسبوع

و تحاميل جينو بافاريل للالتهابات

 

[om MaRyooM]

مشكورييييييييين حبايبي


really cat

مشكورة بس الله يهداج لو مكملة معروفج وقايلة اسم التحاميل

 

[Violetta]

ليش ماتسالين دكتورتج و اذا مالج خلق دقي عليها و سئليها احسن