عاصفة الطائفية

[julanar]

السلام عليكم ورحمة الله وبركاته
اول شي أقول الحمدلله الحمدلله الحمدلله اللي انا انولدت كويتيه
ثاني شي .. خواتي قعد تشوفون شقعد يصير بالعالم ؟؟
الشعوب ينت !!
سني وشيعي
واحد يسب بالثاني ويدعي ويفتري الخ الخ الخ
والمشكله ناس عاديين .. يعني لاهم متدينين ويتروالي لاهم صوب دين ولا يحزنون .. بس طائفيه جاهليه
خواتي والله خوفي من العاصفة هذي تدش عندنا الديره
وخوفي على الكويت من رؤوس التعصب الطائفي اللي فيها ( بدون ذكر أسماء )
تعتقدون هالعاصفه هذي راح اتحوشنا بالكويت ؟؟
خصوصا مع صعود التيار الاسلامي في البلد وقوته وسلطته على بعض القطاعات مثل قطاع التعليم ( أهم قطاع بالدولة )
شرايكم بالوضع ؟

 

[[]نهاوند[]]

الطائفية موجوده بكل مكان
حتى بالكويت وهذا شي محد يقدر ينكره​

 

[جنتي^و^ناري]

الطائفيه موجوده عند اللي يبي الفتنه

بس الله يبعدنا عنها وياربي يتمم علينا ويحفظ ديرتنا اللي هم حاسدينها إن السنه والشيعه خوان

انا سمعت إن بالعراق ماكان في طائفيه بس في دول كانت تثير فيهم هالشي

الله يكافينا شر الفتنه

إذا بتصير فتنه بصير قتل مقاتل

والحمدالله على كل نعمه أنعمها علينا- آمين

 

[bnt q8 in usa]

لاتخافين انشالله مهما بالكويت نختلف لكن دايما تشوفين السني والشيعي بالنهايه همه الكويت
ومحنة الغزو اكبر دليل اهم شي محد يير مثل هالسوالف

والحمدالله علي نعمة الامن والامان بالكويت الحبيبه

 

[Harmony]

و الله حبيبتى عندنا طائفية لكن الفرق ان احنا نعد اختلافنا قوة لنا و مكسب ما نعدة شيء لازم طائفة تناحر الثانية و تحكمة و تنكل فية
ايي احنا عندنا طوائف لكن كلنا واحد و ماكو فرق بينا

 

[لؤلؤية]

شي يعوووور القلب

هذي سيااسه انتهجتهاااااا امريكا ( حسبي الله ونعم الوكيل)

عشان تفتك من المسلمييين

تبيهم ناااس تذبح ناااس...واهي المستفيدة

خصوصا بعد تفجير ابراج التجارة​

 

[julanar]

الحمدلله ..
بس خواتي .. ترى عندنا ناس تبي تشعللها .. مثل ندوة ماذا يحدث لأهل السنه في العراق
واللحين داشين على محرم .. الله يستر
جان مرت هالسنه بسلام من دون هوشات .. احنا بخير

 

[أم أوراد]

خواتي ماكو فرق بين سني وشيعي كلهم يوحدون الله سبحانه وتعالى السني والشيعي اخوان واكبر دليل مثل ماقالت الاخت وقفوا وقفه وحده ودافعوا عن الكويت وانشالله الله يحفظ اهل الكويت ويخليه امه وحده والحمدالله الكويت معطه كل صاحب حق حقه والكويت ماتقصر وكلنا اخوان وكلنا اعيال الكويت وابونا جابر الله يخلي شعب الكويت يارب ويحفظه من كل مكروه ويحفظه من الي ينشرون الفتن ويحاولون يخربون اهل الكويت لانهم حاسدينهم والله يوفق الكويت

 

[رنين]

وعليكم السلام ورحمة الله وبركاته

يبى معروفه من عمر الدنيا فرق تسد......

و اذا البلوى تدور حوالينا ما ينفع نقول اشوى ماهي عندنا...باجر نصيح قتلنا يوم قتل الثور الأحمر.

يبيلنا نفتح و نصك اذونا عن الفتن....
ليش كل ماحد حاول يشييشنا ششنا معاه.
و مو بس سالفة سنه و شيعه.
اخذي اي وتر عند اي شعب عربي و دوسي عليه علخفيف بتشوفين الكل قام يشيش.

و اقرب مثال عقب اعدام صدام و الهوشات اللي صارت سواء بها المنتدى و الا غيره.


اهي السالفه جذيه تبدي ناس تثقل قلبج على ناس لين تصيرين جبريت ناطره الشراره.

و الحين بادين على وتر السنه و الشيعه .
و لو نسمع للنبي عليه الصلاة و السلام جان نعرف ان علاج الفتنه هي ان الواقف خير من الماشي و القاعد خير من الواقف.

نسكت عنها او نهديها لكن ما نشارك فيها.

 

[غاده]

السلام عليكم ورحمة الله وبركاته
الفتنه موجوده والله يستر منها,وقاعده تتفشى بس ببطء فلازم نتدارك هالشي وما انخليه ياثر فينا
الله يحفظ الكويت واهلها من كل شر

 

[Venice]

رفيجاتنا شيعيات زميلاتنا بالشغل بكل مكان الحمدالله ماندش بمواضيع مذهبية

لانه شي اكيد كل واحدة بتدافع عن مذهبها حتى لو كانت من ديانة ثانية بعد

وبالكويت احنا مجتمع صغير والحمدالله متعايشين مع بعضنا

اللي يبون يشعلون الطائفية ناس متخلفة ولهم اهداف سياسية

والله يحفظ شعبنا وديرتنا واللي يقول عكس جذي ماعنده وطنية ولا حب

لهذا البلد وشعبه

بالنسبة لندوة لو انه الحكومة شافت انها سليمة جان خلوها عادي بس كان في انه ومو بس جذي الداخلية منعت مسيرات عاشوراء وتركت لشيعة الحق

باقامة مجالسهم في الاماكن المخصصة فقط

 

[سبائك]

عسى الله يحفظ ديرتنا وديار المسلمين من كل شر وفتنه

ولازم ندعي بكل وقت

(((اللهم قنا الفتن ما ظهر منها وما بطن)))​

 

[زلابيا]

هذا الشي اللي دايم افكر في وانشاءالله انشاءالله مايصير ..

وعلى طول صايره ادعي

اللهم آمنا في اوطاننا اللهم آمين

 

[أسيرة موني]

الله يهدي بعض الناس الي تولع هالسوالف

سنة و شيعه ..

يعني الحين طول العمر عايشين على هالوضع ييتو الحين خلصتوا من الحضر والبدو وخلصتو من الابيض والاسود ييتو عالسنة و الشيعه

مو عارفين يهيعون كلش ..

والناس الي تفتحلج مواضيع السنة فيهم و الشعيه فعلتهم ..

شهالخرابيط كل واحد مقتنع بمذهبه من الغباء اني افتح وياه موضوع مذهبه

خلاص هذي عقيده شي بالقلب مو لعبه اتكلم عنها مني والطريج ..

الله يهدي ويستر

 

[أم روعة]

الله يكافينا شر الفتن ويهدي الناس المتعصبين لانهم اساس الفتنه

 

[ii DareeN ii]

الديره انشاء الله بعيده عن هالسوالف وماعليها الا العافيه وياريت احنا بعد نبتعد عن حتى الكلام بسوالف الطائفيه لان هذا الموضوع مايفيد احد فينا في اشياء وايد حلوه ومفيده ممكن نتكلم فيها خلونا مثل الكويتين قبل لاعمرهم تكلموا في والله هذا سني وذاك شيعي كلهم كويتين وكل واحد معتقده شي خاص فيه والتقرب لله في الطاعات مو في نبذ معتقد الاخر ​