عالجي معي الظواهر السيئة الي تتمني زوالها

[علولي]

مرحبا اخواتي الغاليات
كتبت قبل فترة موضوع عن الظواهر السيئه التي تودين زوالها
والحمد الله لقيت تفاعل الكثير منكم وكتبو ظواهر سيئة كثيرة يبغو المجتمع يتخلص منها

ودحين حابة اعرف
ايش الطرق لكي نتخلص من هذي الظواهر السيئة؟؟؟
<<<< كلمة بالفصحى وكلمة بالعامي ياحليلي:eh_s(6):

اتمنى التفاعل عشان نتخلص من هذي الظواهر
هو صحيح مانقدر نلغيها
بس نحاول نقلل منها

 

[النهج الاسمى]

رد: طرق الخلاص من الظواهر الاجتماعية السيئة

من حظي ان اكون اول وحده ترد عليج!!!!

الوازع الديني اهو اهم شي يصلح الامور

"الا بذكر الله تطمئن القلوب"

اختيار الزوج او الزوجه الصالحه لتربية الابناء

حتى لايكون هناك تشتت بالاسر او السلوب الرجعي اللي يتعامل به بعض الاباء لابنائهم

احترام قوانين الدوله

طاعة ولي الامر

العقاب الشديد للمجرمين>>>>من امن العقوبه اساء الادب>>>>>هذه اكبر ظاهره بالكويت000الواسطه للمجرمين

وهذا اللي في بالي

ودمتم

 

[علولي]

رد: طرق الخلاص من الظواهر الاجتماعية السيئة

وهذي بعض من الظواهر الي تمنو البنات زوالها

اتمنى ظاهرة المعاكسات الشبابيه تزول والتدخين يختفي خلاص محد يورد زقاير للديره عشان نفتك ع

وايد أشياء مخالفة لشريعتنا الإسلامية ومنتشرة بكثره للأسف بين مجتمعاتنا
الإسلامية وهي دخيلة علينا من البلاد الأوروبية كظاهرة إرتداء الفتيات للبنطرونات و
الملابس الضيقة جدا و التي ترسم جميع أجزاء جسم الفتاة ، وظاهرة البويات ( الفتيات المسترجلات)
وحجاب بو تفخة وغير ذلك ..
شكرا ع الطرح المميز

التدخيييييييييييييييييييييييييييين + العبايات الضيقه+ الشعر للطويل بالنسبه حق الشباب ...
او الله يصلح الحال

الحقد/الحسد/الكره/القطاعه/الخيانه


تسلمييين يالغلاا عالطرح

التدخين والحسد

elboyat
9ij9ij waaai3 allah yahdeehoom ya rab wallah thlath arba3 mdrsatna booyat o elli yeb6 elchabd akthaar elbanat elli ymashonhom o y9eron 7bebat'hom
oo ba3dain a7b ard 3ala elli galt 3n lebnaya elli tg6 kalemat belenglish ambeeh 7adda ma feha shay ya3ne hatha elshay tsamena thahra ejtema3iya bel3akss yemkn halbnaya mothaqafa oo 7atta leblack berry aham shay enna thahra ejtima3iya 7adda shakuw e9ra7a ma 3ndich salfa

وايد ظواهر

الحسد الحش المخدرات الزنى الفساد

بالنسبة لمجتمعي اتمنى زوال ظاهرة التحرش الجنسي بالاطفال

المصخره الى صايره بالاسواق......اشكره الصبى يتحرش بالبنت جدام البشر واهى تضحكله ولا بالبال ولا معبرين البشر الى يطالعونهم ؟؟؟؟؟؟؟؟الحمدالله والشكروعسى الله يستر على بناتى انشالله

الـــــــــواســــــــــــــطة

قلة الحيا عند بعض البنات بس بنسبه كبيره ولبس الضيق
والمغازل والبويات والجنوس
وسحر والحسد ووووووووووو
مع الاسف الظواهر سيئه منتشره بشكل ملحوظ

اهي مو من ضمن الي كتبتيها

بس الي مضايقتني حييييل سالفة الواسطة وايد ناس قاعدين ياخذون شي مايستاهلونه ويشتغلون بأماكن ناس ثانية أحق فيها والسبة الواسطة

وهم الدديرة قاعدة تخترب والسبة الواااااسطة

وعن أسبابها مادري ليش او متى انتشرررت

سالفة الاصيل
والبيسري
والبدوي والحضري
والعيمي والنجدي

ابي نصيير كلنا وااحد

تدرووووووووووون ليييييييييييييش !!

عشان تختفي العنوسه من الديره

والله من صجي بنات

اوصخ ظاهر ( سوري على اللفظه)

الجنس الثالث
والجنس الرابع

مشكورة حبيبتي انج فتحتي هالموضوع انا الصراحه عندي ظاهرتين اتمنى زوالهم الاولى البويات و الثانيه تخزز الحريم و البنات اذا شافوا واحد مع وحده سواء زوجته او رفيجته

نظره الناس السئيه للبنت اذا تقدم فيها العمر خلاص كأنها انتهت صلاحيتها
التمييييييييز الفارغ بين شيعي وسني وهابي وصوفي وووووووو اف كلنا مسلمين وبس

ظاهره الخز

اشكركم جميعا على تفاعلكم
والله يبعد عنا كل الظواهر السيئة

 

[علولي]

رد: طرق الخلاص من الظواهر الاجتماعية السيئة

منورة والله يالغالية غريبة الدار <<<< فديتك والله

واكيد اهم شي الوازع الديني
بسبب قلة الدين انتشر الفساد

 

[علولي]

رد: طرق الخلاص من الظواهر الاجتماعية السيئة

عدي وخربطي ..
السحر
الزنا
البويات والجنوس
الخمروالمخدرات
حجاب بو تفخه مادري شسمه
والعبايه الضيجه مثل ماذكرت اللي قبلي
ووووووووووووو
وايد اشياء

ظـــــــــــــــــــــــاهـــــــــــــرة (( قـــــــــــــوطــــــــي الــــروب اللــــي البنـــــــات يحـــــــــطونــــها على روسهم ))

و ظاهرة اللبس العاري و المصكصك و العياذ بالله ،،

قال الرسول صلى الله عليه و سلم : (( نساء كاسيات عاريات ،)) (( رؤوسهن كاسنمة البخت المائله )) لا يدخل الجنه و لا يجدن ريحها ))

ماستوى والله ماتسوى انجرم من الجنه علشان الفت النضر و لا علشان اغري الناس و الناس كلها اطالعني ،،

الله يستر علينا و على كل مسلم و يهدينه اجمعين

أولا : أتمنى زوال الحسد والحقد من قلوب الناس
ثانيا : أتمنى أشوف لبس البنات والشباب محترم ( لا للضيق / لا للشفاف / لا للبخت )
ثالثا : أتمنى أن نسبة الطلاق تقل الى أن تصل للصفر

الجهل :eh_s(14):
الجهل هو ساس كل بلوه تصير بهدنيا
لو مو الجهل جان الدنيا بخيييير

وااااااااااااااااااااااايد ..

اول شي الزنى .. والعياذ باللهـ .. ،،

ومثل ماقلتو العبايه المخصرة ..

والتدخين ..

الخيانة .. > اهم شي هع ..

الحقد والكرهـ ..

اممم هذيلي اكثر شي يع ــني .. !

ظاهرة البلوتوث جدا تزعجني عالفاضيه والمليانه:0bee2e8d89:

وهذ بعض الظواهر السيئة

يلا خلونا نعالجها ونشوف انتو ايش طرق علاجكم

 

[علولي]

رد: طرق الخلاص من الظواهر الاجتماعية السيئة

وينكم؟؟؟

 

[نور الضي]

رد: طرق الخلاص من الظواهر الاجتماعية السيئة

سبحان الله
تفكيري نفس غريبه الدار
الوازع الديني
لو ان الواحد عند ايمان بالله جان ما صار عنده من هالطواهر السلبيه اللي ذكروها البنات
مثل البويات والزني والحقد والحسد والبلوتوث والمخدرات ....الخ
لو تلاحظون كلها قله ايمان بالله
ولا هذا الشي مو بديننا
الله يرحمنا برحمته

 

[علولي]

رد: طرق الخلاص من الظواهر الاجتماعية السيئة

فعلا
قلة الوازع الديني سبب لكل المشاكل
والله يهديهم
منورة نور الضي
اسعدني مرورك

 

[علولي]

وينكم ؟؟؟
ابغى اعرف ارائكم وعلاجكم
يعني ياكثر المساوء
وما نبغى نعالجها؟؟!
لييش؟؟؟

 

[جلاديلياس]

حبيبتي واااايد ظواهر فعلا نتمنى زوالها الحسد والحقد - الفتنه وخراب لبيوت - المغازل والزنه وهذي صايره فضييعه عندنا والله شي يعور القلب بعض الحريم متزوجات ويغازلون ويزنوون والله احتقرهم وانصحهم بالدوام لكن لاحياته لمن تنادي - وظاهرة شرب الشيشه بالمطاعم علني جدام الريايل عيييب والله عيب ومن ورا ازواجهم - وظاهرة اللبس الفاصخ الي قاعدين نشوفه بالاسواق والمشكله ان الام مستانسه ومفتخره فبنتها وتمشي معاه - والشباب الي يلبسون البنطلون الي واصل لي فخذه وشعره واقف جنه ديج ومستانس علباله حلو واهو جنه ارقوز يمشي عسي ربي يهديهم اجمعيييين

 

[علولي]

الله يهديهم طيب انتو ايش ودكم تسوو عشان هذي الظواهر تقل شوي
اكيد ما نبغى نكون مكتفين ونستنى هذي الظواهر تروح لازم نسوي شي عشان نقللها

 

[علولي]

.............

 

[حساويه عسوله]

التفرقه في المذاهب وهذا بدوي وهذا حضري

والشيشه لدى البنات صارت موضه وشرب الدخان