عانيت بسكااات < واقعية >

[توتا كويتيه]

لاااااااااااااااااااااااااااااا
بليز بليز بليز
نبي البارت
حرام مريومه ما تسناهل
مشكوره حبيبتي وبليز لا طولين علينا

 

[so_what]

مسكينه مريم ناطرينج حبيبتي

 

[عانيت بسكااات]

لاااااااااااااااااااااااااااااا
بليز بليز بليز
نبي البارت
حرام مريومه ما تسناهل
مشكوره حبيبتي وبليز لا طولين علينا

حـــــــــــاضر من عيوني ، الحين اكتب البارت وانزله ان شاءالله ^_^

 

[عانيت بسكااات]

مسكينه مريم ناطرينج حبيبتي

فديتج انا ، ماراح انطركم وايد ، بأذن الله الحين اكتبه :nbptr:

 

[عانيت بسكااات]

سلامات حبيبي مو على بعضك سلامات

سلامات اشوف الحزن في عيونك سلامات

بلقياك القلب يشفي غنينه انا وياك مثل قيس ليلى

روايات ياما الفوا عنا روايات

اذا اراد زمن يجرح اذا راد

ولو زاد العمر ولو ينقص العمر واحد

ياطيوب ابي منك دقيقه تشجع وقلي بالحقيقة

حرامات نقضي العمر بالحسرة و الأهات

يامهموم تعال ابجي على صدري يامهوم

ولاتلوم تبي مني دمع وعيونك غيوم

ترى العين دمع مابقى فيها

ولاالنوم رقة وسلم عليها

مسافات ياحسرة بينا لاتطول المسافات

------------------------------------

الدكتور = ها مريم شلون النفسية؟

مريم=الحمدلله ، اللي كاتبة الله لي بيصير سواء مرتاحة ولا لا.

محمد = دكتور تكفى قولي النتيجة اعصابي اتلفت مو قادر

الدكتور = ألف ألف مبروك مريم مافيها ولا شي

فز محمد من مكانه ومريم = احلف

الدكتور = هههههههه اي والله شفيك

راح محمد بيحضن مريم بس نبهته مريم عيب الدكتور يمنا

محمد = هههههه اسف دكتور والله مستانس وايد

الدكتور = طيب قعدوا.

وقعدوا مريم ومحمد

الدكتور= انا مستغرب ليش حولوا مريم عندنا ، ماكان له داعي الورم اللي فيها من أثر طيحتها عالدرج والدوخة سببها فقر الدم ونسبته بسيطة، وعلاجه بسيط ، ولكن الحمدلله اهم شي تطمنا عليج وعلاجج بسيط مايحتاي عملية مجرد ادوية وكمادات ثلج.

محمد = حاضر ومشكور دكتور والله يطمنك يارب.

-----------------------------------------------------------------------

اول ما طلعوا من غرفة الدكتور رن تلفون محمد.

محمد = هلا عمي

بوموسى = ها يبا طمنا والله قلوبنا على نار

محمد = لا ابشرك ابشرك الحمدلله مافيها ولا شي

بوموسى بجى = الف حمد وشكر لك يارب.

وكلموا مريم ابوها وامها واختها واخوها.

--------------------------------

غدير = وي ما يمديها طابت اختك هالمرض جايد

موسى = ويعة شكو تقولين مريضة قلنا لج كانوا شاكين مو متأكدين

غدير = اممممم

موسى = غديرووو انا اعرفج كونا لايكون قلتي عن اختي مريضة

غدير = ها ، لا ابد شكو اقول

موسى سكت

------------------------------

مريم = حمود حبيبي خل نروح المسيد نصلي شكر

محمد = حبيبتي والله ، الحين بنروح المسيد ، وبعده بنتغدى انتي اليوم لي بروحي

مريم = هههه اوكي حبيبي بس نمر اهلي شوي .

محمد = حاضر عمتي

طبعا محمد طرش لأمه مسج يبشرها ودقت وهم بالطريق

محمد = هلا بالغاليه هلا

ام محمد = عطني مريم عطني مو وقتك

محمد = افا طيب طيب زعلت انا هاج

مريم = هلا خالتي

ام محمد = هلا حبيبتي انتي ، الف الحمدلله على سلامتج عين وماصلت عالنبي

مريم = الله يسلمج من كل شر يارب

ام محمد = هايمه شفتي امج

مريم = بنروح لها عقب الصلاة ان شاءالله

ام محمد = بارك الله فيكم حبيبتي ، الله يعنيج على حنة محمد اليوم

مريم مستحية = ههههه

محمد = هاااا شنو تقولين لها ليش استحت

ام محمد = مريوم بطلي سبيكر

وبطلته

ام محمد = اقولها الله يعينج على حنة محمد اليوم

محمد = وانتي ساكتة يامريم اوريج

مريم غمزت لمحمد

محمد= ياويلي انا بروح فيها

مريم استحت تأشر له

محمد = يمه فيها شي اذا اغازل الحب

ام محمد = ههههه لا مافيها شي ديروا بالكم من الطريج ، الله وياكم.

----------------------------------------

محمد = حبي الحين بنروح مستشفى خاص عشان الادوية وبوكلج طمام لين تنفجرين

مريم = ههههه حاضر حبيبي

صلوا وعقبها وراحوا المستشفى وبعد حللوها والحمدلله سليمة وعطوها الادوية اللي تحتاجها ، ومرت اهلها قعدوا شوي واستأذنوا عشان يتغدون برا.

------------------------------------

مريم = حمودي مالي خلق لوية المطاعم

محمد = حبي بناخذ الاكل ونروح الشاليه

مريم = حلو

محمد = انتي الحلو
-----------------------------------

وصلوا الشاليه محمد يحط الاكل عالطاولة ومريم تعدل شعرها ، وراحت صوب محمد

محمد يلمس شعرها ومبتسم = عسى دوم هالابتسامة يارب

ونزلت مريم ايدينه

محمد ماتكلم

ولمته مريم حيل = الله لا يحرمني منك حبيبي

محمد = ولا منج حياتي

ورفعها وقام يدوور فيها

نزلها = ها حبي نتغدى

راحت مريم قعدت عالقنفة ورد راسها لي ورا = عقب هالدوخة اتغدى شنو يصير فيني

وراح قعد يمها محمد =ههههه فديتج انا الحين اطير الدوخة

-------------------------------------------------


تغدوا وردت مريم البيت تنام ومحمد بعد لانهم ثنينهم مواصلين

دخل محمد البيت = السلام عليكم

شوق بروحها بالصالة = هلا محمد وعليكم السلام

محمد = شلونج شوق

شوق = بخير الله يسلمك انت شلونك وشلون مريم

محمد = بخير الله يسلمج

واستأذن محمد ينام

---------------------------------------

فبيت مريم رن تلفون بيتهم والكل كان موجود

ام موسى = هلا ام خالد هلا والله

ام خالد = هلا فيج يختي والله زعلت على مريم الله كريم ويشافيها

ام موسى = اسم الله على بنتي مافيها شي شتقولين انتي

ام خالد = وي جنتكم قالت لنا بأستقبال ام جراح الاسبوع اللي فات

ام موسى = حسبي الله ، لا والله ياختي كانوا محتملين بس الحمدلله ما طلع فيها شي

ام خالد = الف الحمدلله على سلامتها ، وخلوا جنتكم تنجعم ليش تفاول على مريم

ام موسى = الله يسلمج ، مع السلامة

-----------------------------------------------

ام موسى = غدير ليش تقولين مريم فيها الخبيث ماتخافين ربج

قام موسى = انتي مو قلتي انا ماقلت لأحد

رغد = انتي هي ليش تسوين جذي ماتخافين من الله

غدير بأرتباك = شدراني انا توقعت مو احتمال الا فيها

رغد = مو دكتورة حضرتج انتي ثانية ثنوي وما اخذيتها متى صرتي تفهمين بالدكتوراة

قامت غدير غرفتها وهي تأفف

-------------------------------------------

محمد قاعد بغرفته بروحه = انا ومريم انشغلنا وايد مابقى شي على دوام مريم بالجامعة المفروض نتزوج هالصيف ، بالليل لازم اخلص الموضوع مع مريم

------------------------------------------

عبير قاعدة بروحها تزهب خطة جديدة عشان تخرب علاقة محمد ومريم

------------------------------------------


انتهى بـــــــــــــــــــــارت اليوم

 

[توتا كويتيه]

لاااااااااااااااااااااااااا


غدير قثيثه تبط الجبد


ننطرج حبيبتي

 

[so_what]

وييع عبير مليقه اوف ، يسلمو

 

[عانيت بسكااات]

لاااااااااااااااااااااااااا


غدير قثيثه تبط الجبد


ننطرج حبيبتي

صاجة حياتي
يسلمو عالحضور الحلو فديتج .

 

[عانيت بسكااات]

وييع عبير مليقه اوف ، يسلمو

‏^‏_^ ولا يهمج بتقرين شنو بيصير فيها بالأخير.

ولكمووو فديتج.

 

[gala q8]

عبير ماكو أملق منها ويييييييييييييع ...
ناطرينج حبيبتي

 

[عانيت بسكااات]

عبير ماكو أملق منها ويييييييييييييع ...
ناطرينج حبيبتي

بالبارتات الجاية بتكرهونها أكثر .

تسلمين قلبي عالحضور :33_1185028183:

 

[توتا كويتيه]

متى البارت يا قلبي

 

[عانيت بسكااات]

متى البارت يا قلبي

ان شاءالله الحين انزله حيـــــــاتو ^_^

 

[عانيت بسكااات]

الساعة 7 بالليل

رن تلفون محمد وهو نايم

محمد وهو نايم = الووو

مريم = وي اسفة حبيبي نايم.

محمد = جب حبيبتي لا تتأسفين

مريم = هههه زين بقولك شي انا بروح بيت اختي اودي لها ولدها عندنا هي موقادرة تجي وقالت لي هاتيه

محمد = خل افكر اوافق ولا لا امممممم اوكي بس بشرط

مريم = انت تامر امر

محمد = فديتها انا تعالي لبيتنا بيت اختج قريب من بيتنا وماخلق اطلع برا .

مريم = اممممم خل افكر

محمد = عشتوا

مريم = طيب موافقة بس مابي اشوف شي يغثني (قصدها عبير)

محمد = من عيوني ،ديري بالج من الطريق

------------------------------------------

قام محمد تسبح وصلى وبدل وطلع من غرفته.

محمد = يمه

امه = هلا حموود

محمد = مريم بتجي اهني

امه = صج ، حيااها الله

محمد = بس يمه الدعلة اللي اهني مابي اشوف ويها تحت

امه = ياربي شسوي يعني اربطها ، تحمل كلها جم يوم وبيرحون

----------------------------------------

عبير = وين خالتي شوق

شوق = قاعد تزهب العشا بتزورهم مريم زوجة محمد

عبير = حلفي؟

شوق طالعتها = عبير انضبطي وتعوذي من ابليس وعن افكار الشيطان.

عبير = جبي زين انا بقوم ابدل.

----------------------------------------

لبست مريم وكشخت واستأذنت من ابوها وطلعت وودت ولد اختها لبيته وراحت بيت محمد

---------------------------------------

مريم = احم احم كاني عندك

محمد = هلا هلا شحلاتج منورة السيارة.

نزلت مريم وباس راسها محمد وبطل باب بيتهم

الكل كان قاعد بالصالة

مريم = السلام عليكم

الكل = وعليكم السلام

محمد = نور البيت نور

مريم ابتسمت له وراحت سلمت عليهم

شوق = ماشاءالله عليها مزيونة زين ماخترت محمد

مريم = تسلمين

ام محمد = شلون امج واهلج

مريم = الحمدلله خالتي تسلمين ، انتو شلونكم

ام محمد = بخير الله يسلمج

-----------------

عبير كانت لابسة بلوزة جبنيز بيضا وشورت اسود ضيق ، مريم نقدت عليها من لبسها طبعا بقلبها ، ومحمد عصب من اللي لابسته.

محمد بصوت واطي = شوق

شوق = هلا محمد

محمد = ماشفتي اختج شنو لابسة قبل لا تنزلون

شوق = والله يامحمد تهاوشت معاها ومافاد وامي شوفة عينك ماتقولها نص كلمة.

محمد = عن اذنكم شوي بقعد مع مريم بالصالة الثانية

امه = اخذوا راحتكم يمه

وعبير بس تخز مريم ومحمد

راحوا مريم ومحمد قعدوا

مريم = هي كل يوم تلبس جذي

محمد = لا والله ، بس التعبانة تسوي جذي عشان تقهرج

مريم = وي ولا همتني اصلا تلوع الجبد

محمد = صاجة والله ، دام معاي القمر مالي ومال الحشرات

مريم = ههههه فديتك انا

--------------------------------------

عالعشا

عبير = واي مريم لو تشوفين محمد لما يجي بريطانيا بس يلحق الشقر ويغازلهم

مريم = عادي الواحد لازم يشوف اشياء حلوة احسن من لوعة الجبد

وضحكوا وعبير ماتت قهر

محمد داس على ريل مريم وقالها بصوت خفيف = عجبتيني

عبير = تصدقون عاد محمد المفروض يدش غينيس لانه اكثر واحد حب وغازل بهالدنيا

محمد = والله ماحبيت غير حبيبتي ونور عيني مريم وبتم احبها طول عمري.

شوق = الله يخليكم لبعض ويسعدكم

محمد = هذا الحجي السنع مشكورة

وابتسمت لها مريم

-----------------------------------------------------

طبعا مريم انغثت وايد من عبير واسلوبها وطلعت بتشغل سيارتها.

محمد = حبي لا تشغلينها انا اوصلج بسيارتي والصبح امرج .

مريم = اوكي حبيبي

وفاتحها محمد بموضوع الزواج وكان حاط باله انه العرس عقب مايرحون خالته وبناتها بشهر

مريم مبتسمة = اللي تشوفه حبيبي

محمد = ليش ويهج حمر

مريم تطالع الارض = عادي

محمد = اقولج حبي كيفج من اليوم لين قبل العرس بيوم استحي على كيفج عقبها نو

مريم = هههه ، بس بتعب وايد شهر مايكفي اجهز

محمد = يكفي ان شاءالله بنساعد بعض وبنخلص

مريم = ان شاءالله

--------------------------------------------------

عقبها بأسبوع سافروا خالته وبناتها ، وتم تحديد موعد العرس والكل كان مستانس

--------------------------------------------------

اأدري البارت قصير وأختصرته وايد لأنه البارت الجاي بارت تجهيز العرس والعرس بعد ^_^

 

[توتا كويتيه]

مشكوره حبيبتي
ولا طولين علينا

 

[♥ الــزيــن ♥]

البارت وايد حلو

ناطرينج

 

[عانيت بسكااات]

مشكوره حبيبتي
ولا طولين علينا

العفو حياتي ، وان شاءالله ما اطول ^_^

 

[عانيت بسكااات]

البارت وايد حلو

ناطرينج

حضــــــــــورج الحلــــــــو ، تسلميــــــــــــ،ن

 

[so_what]

waiting

 

[عانيت بسكااات]

waiting

I write now ^_^