عانيت بسكااات < واقعية >

[عانيت بسكااات]

حاضر من عيوني واسفة عالتأخير والله موبيدي

 

[عانيت بسكااات]

يوم اقبلت طلت علي مثــل القمـــر
========== هي من بنات الحور ماهي من البشر
جماله الفتان اشعــل بــي الجمــــر
========== سبحان من صــــور وابــــدع بالصــــــور
لها ابتسامـــه خلت القلــب انأســر
========== وعيان كحلى سود وشفايـــف حمــــر
ومن خدوده بـــرق خاطف للبصـــــر
========== ومــــن لسانــــه لو نطـــق ينثـــــر درر
تليــن القلـــب اللذي هـو كالحجــــر
========== لي ما يشوفـــه راح نصف مـن العمـــر
خجلت منها والقمـــر خجــلان فــــــر
========== قال القمـــر اجلس مكانـــي ياالقمــــر
لو قلت باوصف ذا الجميل اللي حضر
========== كيف اوصــف الـــؤلـــؤ ومرجان البحــــر
وطرفــــه النعسان اضنانـــي السهــر
========== وتشــتــت لفكـــار والعقـــــل انبـهــــــر
مـــن كــل حاسد لو راه ولــــو نظــــر
========== يحفظــــه ربــــي ولا يصيبه اي شـــــر
والختم صلوا عالنبي سيد البشـــــر
========== بعداد مـــا لمـــزان تهطـــــل بالمطــــر

--------------------------------------------------------

تأجلت الملجة شهرين لين خلص محرم وصفر .
--------------------------------------
قبل الملجة بيوم.

محمد = مريومتي باجر بتصيرين حلالي يعني مو امسك ايدينج (لا مايصير مثل ) بدلع

مريم = هههههه حمود شفيك علي المفروض تدلعني باجر يومنا

محمد = اخييييه متى يجي باجر

مريم = الله يتمم لنا على خير

-------------------------------------


(يوم الملجة )

مريم بغرفتها توها ماخذه شاور وقاعد تنشف شعرها ودخلت عليها فروح


فرح = الف الصلاة والسلام عليك ياحبيب الله محمد كلللللللللللللللللللللللوششش

مريم استحت = هلا فروحة هلا حبيبتي

فرح = وي وي شفيج مستحية خو اليوم الملجة خخخخ مو ليلة الدخلة.

مريم = فرووووووووووح ويعه عيب عيب

فرح = لوووووول ، زين يالله ياحلوة تأخرنا عالصالون جهزتي كل شي.

مريم = كل شي اوكي ، تعالي وانتي داخلة ماشفتي صالتنا اذا خلصوها ولا لا.

فرح = اي حبيبتي كل شي جاهز وحتى الدي جي قاعد يركب ، ودقيت عالمصورة وكل شي اوكي لاتحاتين

مريم = فديتج انا اخدمج يوم عرسج يارب.

فرح رفعت ايدها للسماء = اميــــــــــــــــــــن يارب

مريم = ههههه امين امين لاتموتين علينا.

--------------------------------------------------------------------

راحت مريم الصالون وطلعت تينن ماشاءالله عليها ، وثوبها كان روعة لونه اخضر وقصته كت كان وايد حلو وكشخة لووست ونافش شوي من تحت
ورفعوا لها شعرها كلها وطلعت التسريحة تهبل عليها. وحطو لها شدو سلفر بأخضر والتحديد أسود وحمره حمرا ^_^

فالبيت فرح مع مريم بدارها قبل لاتنزل.

فرح = يالله حبي انا بنزل قبلج انتي لازم تنزلين بروحج بس مريم لاتنسين المعوذات وانتي نازلة محد يعطي خير

مريم خايفة = لافروح خلج مابي انزل بروحي

فرح = عن الدلع يالله بيشغلون اغنيتج. تيك كير ياحلوة (وغمزت لها)

نزلت مريم من الدرج وكان كله مزين بالورد والصالة ، وكانوا مطفين الاضاءة
وليزر على مريم وهي نازلة.

الكل يبب ويسمون بالرحمان ويصلون عالنبي على مريم.

قعدت مريم عالكوشة وقلبها يدق حيل.


فرح يت يمها = شفيج مرتبكة ياحظي فرحي فرحي اليوم يومج ياحلوة

مريم = واي فرح سكتي قلبي بيوقف.

فرح = اسم الله عليج

يت ام مريم وقالت = يابنات المعرس بيدخل .

مريم من زود الارتباك قالت لفرح = وين شيلتي وين شيلتي

وفرح ماتت عليها من الضحك وحتى مريم ضحكت على روحها

ودش محمد وعيونه تارستها فرحة الدنيا ودش معاه اخو مريم وصله لين كوشته وطلع.

راحو خوات محمد له وامه وصوروا معاه ، وصوروا محمد ومريم وهم ماسكين ايدين بعض

وكل شي يقط كلمة على مريم عشان يضحكها وهي مستحية من الناس

وقاموا الحريم يتعشون وظلوا محمد ومريم بروحهم ، وراحت رغد تنادي المصورة عشان تصورهم وهم بروحهم


محمد قال لمريم = .


---------------------------------------------



تبوني اقولكم شقال ولا لا ( نحيسة لووووول )

 

[عانيت بسكااات]

خلاص بنزل البارت على طول اخاف تزعلون علي :eh_s(2):


محمد مستانس وايد ومسك ايدها = احببببببببببببببببببببببببببببببببج

مريم مستحية = محمد خاف احد يشوفنا عيب

محمد = ههههه هي شنو عيب خلاص يبا تدبستي فيني وانا تدبست فيج

مريم = ضحكت


ويت المصورة


المصورة = بسم الله ماشاءالله بسم الله ماشاء الله ، عروستك ئمر ئمر

محمد = وعريسها مو ئمر على قولتج

مريم ضحكت

المصورة = بسم الله ماشاءالله كلكم ئمرات

وضحكوا مريم ومحمد


المصورة يالله نصور

محمد = يالله يبيله والله.

---------------
بنات كلام المصورة بخليه نفس كلامنا احس اني بضيع على ما اترجم الكلام
--------------



المصورة = اوقف وراها وحط ايدينك الاثنين على خصرها

مريم = لا عيب عيب

محمد = تم طال عمرج ماعليج منها.


المصورة = هي هي هي هي (تضحك يعني ) = خلاص ماتستكفيش ده جوزك


مريم ابتسمت ولا ردت.


ومحمد طبعا كيف على حركات المصورة خصوصا البوس لوووول بس مريم مارضت على حركات جريئة حيل

بس اثنيناتهم حبوا حركة لما شالها وثنياتهم مستانسين ( الله يتمم عليهم يارب )

راحت المصورة ، وراحو مريم ومحمد قعدوا بصالة الاستقبال الثانية بروحهم


----------------------------------------------




تبون تعرفون شقالو ولا لا




ها عسا استانستوا حمسوني اكثر عشان اسرع بالبارت :eh_s(9):

 

[بنت^النور]

وااااااااااااااااي كملي كملي شوقتيييييينا

 

[عانيت بسكااات]

وااااااااااااااااي كملي كملي شوقتيييييينا

:aha: نورتينا حبيبتي

 

[Riooma]

yala plzzzzzzzzzzzzzzzzzzzzzzz kamlai

 

[عانيت بسكااات]

yala plzzzzzzzzzzzzzzzzzzzzzzz kamlai

حاضر من عيوني ، بس اللي يقراها من العضوات شنو تخسر لو قالت شكرا ^_^

 

[توتا كويتيه]

مشكوره ياقلبي

 

[عانيت بسكااات]

مشكوره ياقلبي

فديتج أنا ^_^

 

[MISS ZOZO]

يسلمووووووووووووووووووووووو

 

[عانيت بسكااات]

يسلمووووووووووووووووووووووو

ولكمو و و و و و حياتووو ^_^

 

[عانيت بسكااات]

حــــبـــــيـــــبـــــي نـــــــــــــــــــام يــــــاعـــــــمـــــــري عــــــــــلــــــــــى صــــــــــــــــــــدري وصــــــارحـــــــنـــــــي

وفــــــــــــــض الــــصـــــمـــــت بـــاحــــســــاســــك وخـــــــــــــــل الـــــــحــــــــب لـــــــــــــــي يـــــــجــــــــري

وفـــــــضـــــــفـــــــض لـــــــــــــــــــــي بــــــــــعـــــــــــد عــــــــــمـــــــــــري وعـــــاتـــــبـــــنــــــي وفـــــهـــــمـــــنــــــي

أنـــــــــــا أطـــــــــــري عـــــلــــــى بــــــالــــــك كــــــثــــــر مــــــــــــا أنــــــتــــــه عــــــلــــــي تــــــطــــــري؟!

تــــــــعــــــــال أقــــــــــــــــرب مــــــــــــــــن أحـــــضـــــانــــــي تــــــــــــــــرى خــــــــــــــــدك مـــــواعــــــدنــــــي

يـــــبــــــي يـــــلامــــــس شـــــغــــــف روحـــــــــــي ويـــقــــطــــف بـــــوحــــــي مـــــــــــن شــــــعــــــري

تـــــــــعــــــــــال أنــــــــــثــــــــــر هــــــــــنــــــــــا لــــــيـــــــلـــــــك وخــــــــــــــــــــل ويــــــــــلــــــــــك يـــــولـــــعـــــنـــــي

أنـــــــــــــا أحــــــبـــــــك وأبـــــــــــــي قــــــربـــــــك.. تــــــــــــــرى مـــــــنـــــــي قـــــــضـــــــى صـــــــبـــــــري

أنـــــــــــــــــا نـــــبــــــضــــــك زهـــــــــــــــــر أرضــــــــــــــــــك وأنــــــــــــــــــت؟! ايــــــــــــــــــه تـــمـــلــــكــــنــــي

بـــــنـــــحــــــل خــــــــصــــــــرك ..جــــــــمـــــــــر ثــــــــغـــــــــرك وزود بـــــلــــــونــــــك الـــــخــــــمــــــري

تــــــتـــــــوهـــــــنـــــــي .. تــــــغـــــــرقـــــــنـــــــي.. ومـــــــــــــــــــــــــــن بـــــــــــــــــــــــــــردك تـــــــــدثـــــــــرنـــــــــي

وتــــبـــــكـــــي لــــــــــــــي وتـــــشـــــكـــــي لـــــــــــــــي ولـــــــــــــــه قـــــلـــــبـــــك ومـــــــــــــــن ســـــــحــــــــري

أبــــــــــــــــي دمــــــــوعــــــــك مـــــــــــــــــع أنـــــفــــــاســــــك بــــــــصـــــــــدق الـــــــــــــــــود تــــحــــرقــــنـــــي

وأبــــــــــــــــي عــــــــطــــــــرك مــــــــــــــــع ســــــــحــــــــرك وآهـــــــــــــــــك بــــالــــحــــشـــــا تــــــــســـــــــري

أبـــــــــــــــــــــي هـــــــمـــــــســـــــك يــــبــــعــــثــــرنـــــي غـــــــــــــــــــــلا ولـــــــمـــــــســــــــك يـــلـــمــــلــــمــــنــــي

وأبـــــــــــــي عــــيــــونـــــك مـــــــــــــن عــــيـــــونـــــي تــــــــــــــذوب مــــــــــــــن الـــــــولـــــــع كـــــــثـــــــري

وأبــــــــــــــــــي عـــــــــهـــــــــدك مــــــــــــــــــع وعــــــــــــــــــدك وأبـــــــــــــــــــي كـــــــــلــــــــــك تـــســــلــــمــــنــــي

أبـــــــــــــــــــي أيـــــــــــــــــــدك تــــــســــــافـــــــر بـــــــــــــــــــي وزهـــــــــــــــــــر قــــــــــــــــــــدك يــــلــــحــــفــــنــــي

وأهـــــيــــــم بــعـــالـــمـــك عـــــاشــــــق جـــنــــونــــي أنـــــــــــت .. وانـــــــــــت بـــــــــــي تــــــــــــدري

تــــــــشـــــــــوف الـــــجــــــمــــــر بــــعــــيــــونـــــي؟! تـــــــــشـــــــــوف الـــــــــشـــــــــوق جــــــنــــــنــــــي؟!

أجــــــــــــــــل تــــــــــــــــدري مــــــــثـــــــــل مـــــــــــــــــا أدري بــــــــأنـــــــــك حـــــلــــــمــــــي يــــــــابـــــــــدري

حــــبـــــيـــــبـــــي قـــــــــــــــــــوم وصــــــارحــــــنـــــــي عـــــــــــــــــــن احــــــســــــاســـــــك وعـــــلّـــــمـــــنـــــي

أنــــــــــا أطــــــــــري عـــــلـــــى بـــــالـــــك ؟! كـــــثـــــر مــــــــــا أنـــــتـــــه عـــــلــــــي تـــــطــــــري؟
----------------------------------------------------------------------


قعدوا بروحهم وهم يطالعون ، عيونهم اللي تكلمت عن الشوق عن الفرح عن الأمل عن الحياة.

محمد (والدنيا مو شايلته من الفرحة ) = وين تبين تطلعين تدللي.

مريم مبتسمة ومستحية = المكان اللي أنت بتكون فيه معاي بيكون أحلى مكان عندي

محمد = بعد عمري والله.

مريم = طيب محمد خل اخفف مكياج وابطل التسريحة.

محمد = لاتخففين ولاتبطلين لانه ماراح تخلصين والحين الساعة عشر ، اصلا انتي اليوم لي بروحي محد راح يشوفج.

مريم = وين بنروح ؟

محمد ( حط اصبعه على شفايفها ) = اووششش قومي بدلي بسرعة ، وبعدين بتعرفين وين بنروح.


---------------------------------------------------------------------

بدلت مريم وطلعت مع محمد ، وخذوا عشا من المطعم ،وتموا يسولفون ويضحكون وهم بالطريق.

مريم = محمد هذا طريق الشاليهات.

محمد = صارلي يومين اكرف بالشاليه ، مو تحبين البحر؟

مريم = حبيبي والله.

-------------------------------------------------------------------

محمد مجهز الشاليه على اصوله ، وكل شي كان حلو فيه.

محمد قرب لها = انتي شنو قلتي لي اول شي بتسوينه عقب الملجة تذكرين ؟

مريم استحت = متذكرة بس والله مستحية

محمد = أحد يستحي من روحه

مريم = لا


ولمته.


قعدوا يسولفون ومستانسين ماشاءالله عليهم.

دق محمد على بومريم واستأذن منه عشان بيتأخرون شوي.


وعقب حنت مريم على محمد يردها البيت ردوا 3 الفير ، طبعا مريم ودها تظل مع محمد بس الوقت تأخر حيل.

----------------------------------------------------------------


كانوا يطلعون كل ويك اند بس لأنه محمد مايبي مريم تنشغل عن دراستها وأيام الامتحانات كان يجيها للبيت يدرسها ، والسعلوة غدير زوجة أخوها كانت تسبب مشاكل لمريم غيرانة منها ، وكله تحن ماتبي مريم تقعد مع زوجها فالبيت ويزورها ( صج مالت )




أمتحنت مريم أخر السنة ، لكن جو البيت كان ينكد عليها ، بس وجود محمد بحياتها طبعا يخفف عنها وايد.



---------------------------------------------------------------


شنو توقعاتكم بتنجح مريم رغم الضغوط النفسية اللي مرت فيها طول السنة ، وهل الضغوطات النفسية اللي تعيشها فبيتهم بتأثر عليها وشنو تطورات علاقتها مع محمد هذا بنعرفه بالبارتات اليايه :aha:

 

[فيلجـ كول ـاويه]

يعطيج الف الف عافيه القصه حلوه

بلييييييييييز كملي !!!!!

 

[عانيت بسكااات]

يعطيج الف الف عافيه القصه حلوه

بلييييييييييز كملي !!!!!

حضورج الحلو فديتج :aha:

 

[زهور الكويت]

كملي انا اندمجت
وايد بقصتج
يريت تكملين
نـــــاطـــريــــنج

 

[عانيت بسكااات]

كملي انا اندمجت
وايد بقصتج
يريت تكملين
نـــــاطـــريــــنج

تسلمين وحياج الله ^_^

 

[توتا كويتيه]

مشكور حياتي

متى راح تحطين البارت الياي

 

[عانيت بسكااات]

مشكور حياتي

متى راح تحطين البارت الياي

العفو حبيبتي ، إذا الله قدرني بنزل بارت اليوم ^_^

 

[عانيت بسكااات]

الساعة 6 الصبح مريم مانامت تحاتي النتيجة ومحمد بعد سهران وطلع من بيتهم 6 الصبح عشان يعرف نتيجته.
-----------------------------------------------------------------

دق محمد على مريم ومريم على طول ردت وقالت.

مريم = محمد باقي ساعتين عالنتيجة اذا ساقطة لاتزعل تكفى حبيبي ، وربي مو قادره أنتظر بعد

محمد = وأكو أحد يقدر يزعل حبيبتي ، عطيني البشارة؟

مريم بخوف = عرفت نتيجتي

محمد= الف الف مبرووووووووووووووووووووووووك حبي قلللللللللللللللللللللللللللللوشش

مريم بجت = احلف محمد اني نجحت.

محمد = اي وربي وبعد ساعة بتطلع عالنت ، وكاه الحين دبرت لي واسطة واحد من الشباب هناك وجاب لي كل درجاتج والحين جايج البيت.

-----------------------------------------------------------------------

وصل محمد البيت وطلعت النتيجة عالنت وفرحوا حيل واول ماشافت النتيجة بجت من الفرحة وحضنت محمد.
وزادت فرحة مريم بنجاح فرح وجابوا نفس النسبة بالضبط 80 %

-----------------------------------------------------------------------

محمد بالطريق راد لبيتهم بينام ، ودقت عليهم امه بالطريق

أم محمد = ها يمه بشرني.

محمد = مبرووك مبروووووك الحمدلله نجحت ويابت 80 %

أم محمد = الف مبروك يمه تستاهل مريوم والله ، أقولك يمه ترى اليوم خالتك منى وبناتها بيوصلون من بريطانيا بيقعدون عندنا جم يوم.

محمد = يووووه يمه ، انتي شايفة بنتها عبير لزقة مالي خلقها .

أم محمد =يمه انسى الموضوع خلاص خالتك عطتك اياها وانت مارضيت بكيفك يمه والحين الحمدلله الله رزقك بخوش بنت.

محمد = أقولج يمه ترى خالتي وبنتها يخططون علي واعرف نظامهم زين ، وهالتعبانة عبير ان شافت مريم وضايقتها وربي اوريها.


أم محمد = شنسوي يمه اهلنا وبنتحملهم ، ماعليك انت دام عندك مريم مالك ومال النجوم.

محمد = صاجه وربي فديتج انا.

------------------------------------------------------------------------

رد محمد البيت ونام واتفق مع مريم بيطلعون بالليل.

الساعة 7 بالليل قعد محمد وصلى وتسبح وكشخ ونزل.

محمد نزل وشاف خالته وبناتها (بقلبه) =اووووف.


محمد = السلام عليكم

خالته = هلا والله هلا حبيبي

محمد راح سلم عليها وباس راسها = الحمدلله عالسلامة

خالته وبناتها = الله يسلمك

عبير = واحنا ماتبي تسلم علينا

شوق ( أخت عبير ) = كاه الريال سلم ، سلام شنو بعد.

شوق أصغر من عبير ب3 سنين عمرها 21 عاقلة وحبوبة وماتسوي مشاكل مثل اختها.

محمد = شلونكم بنات

شوق = بخير الله يسلمك انت شلونك

محمد = بخير شوق تسلمين

عبير= وشلونك مع الحب (تتمصخر)

محمد = عسل على عسل

شوق = الف مبروك محمد والله يتمم عليكم ويسعدكم يارب

محمد = تسلمين شواقة والفال لج يارب

ريم = ومتى نشوفها

محمد = تقدرين تشوفينها الحين طلعي للسما وطالعي فوق تشوفينها منورة

وطالعها محمد من تحت لي فوق وطلع.

------------------------------------------------------

محمد ومريم بالسيارة وقال لها عن خالتها وعن عبير وأسلوبها ومريم ماتهتم للشوائب ومتواعدة مع مريم مايغبون عن بعض اي شي وكل شي بالتفاهم حلو.

مريم = حبيبي وين بنروح الشاليه؟

محمد = الشاليه الشاليه من عيوني

مريم = كيفك حبيبي اخاف كنت ناوي نروح مطعم او سينما براحتك

محمد مسك ايدها = المكان اللي فيه حبيبتي ونور عيني أحلى مكان بالدنيا

ومسكت مريم ايدها بأيدنها الأثنين = حبيبي والله.

--------------------------------------------------------------------

وصلوا الشاليه وقعدوا يسولفون.

مريم = حمودي حبيبي

محمد = عيون حمودج

مريم (بدلع)= مابي تقعد فبيتكم هالفترة

محمد = بشرط؟

مريم = انت تامر والله

محمد نفخ خده

مريم استحت = هههههه حمووووود (وغطت ويها بأيدينها)

شال محمد ايدنها غصب = ها ترى ارد بيتنا الحين

قربت منه مريم وباسته وحضنها وظل يلعب بشعرها.

--------------------------------------------------------------------

فبيت محمد

شوق = عبور موتسوين لنا سوالف عيب

عبير = استحي على ويهج انا الكبيرة

شوق = سوالف المراهقين بطليه

عبير = جب جب ، انا اضيع وقت بكيفي

شوق = الله يهديج

-------------------------------------------------------------------


بالشاليه =

محمد نايم على ريل مريم ويطالعون التلفزيون وقاعد تلعب بشعره

مريم = حبيبي نمت؟

محمد = اااااااااااااااااه وربي احلى لحظات عمري هاللحظات

مريم = فديتك وربي

محمد = زين كملي لعب بشعري

مريم = ههههه حاضر حبيبي

-------------------------------------------

سامحوني عالبارت مو طويل هذا اللي قدرت عليه اليوم لانه وربي عندي ظروف هالفترة ، ها شرايكم بالبارت وشنو توقعاتكم؟

 

[توتا كويتيه]

كمل كمل كمل بليز