عباياتكم والسفر

[n-h-m]

السلام عليكم

استفساري يامحفوظات السلامة للي يلبسون عبي بالسفر
اشلون اتنظفونهم

ادري بتقولون الفتدق في لاندري بس همن هذا يبيله مصرف

ولاتاخذون كذا عباية

واتفصلون عبي خاصة للسفر تكون حدا حدا عشان الفلات

وفي خامات معينة برايكم

 

[بعثرة محبره]

انا لاصرت مسافره وعبايتي توصخت من تحت .. اغسلها من تحت بس اطرافها ..
واذا حسيت انها تستاهل غسيل اوديها لمصبغة الفندق ..

واذا على تفصيل العبايه ... على حسب سفرتك

اذا دول الخليج ودول اسيا انا ما اغير لبسي..

اما اوربا ودك تفصلين مثل نظام البالطوات بس طوال .. لون بيج او رمادي او بني او زيتي او لحمي من هاللألوان ..

واي مساعده انا حاضر

 

[كرز أخضر]

شوفي حبيبتي..احسن خام للعبايه اسمه صالونه..وفي منه ياباني وفيه كوري...الياباني غالي شوي لكن.انا بصراحه اشوفهم مثل بعض..ودايما افصل كوري..هالخامه اذا انكت عليها ماي والا عصير ماتتشرب السوائل بسرعه يزلق عنها..وبعد ماتحتاج اوتي باستمرار..حتى اذا غسلتيها وماعندج اوتي نفضيها وهي مبلوله.. وبالنسبه لي انا لازم آخذ علبة شامبو غسيل العبايه للسفر..المصبغه مايندرى شيغسلونها مع شنو؟؟وععععع اغسليها قبل لاتنامين ونفضيها وعلقيها بعلاق باي مكان بالغرفه..واذا حبيتي تطقينها اوتي قبل لاتطلعين مشوار كويها واهي مقلوبه..:eh_s(6):عشان مايطبع الوتي ويخرب خامتها عليج..وسلامتج.

 

[^^ ريان^^]

فصلي العبايه حده حده عشان ما تبتلشين فيها

 

[صمت الروح]

انا عن نفسي احب التكشخ وترزز سفر او غير ههههه

 

[الدلال]

الخليج البس عبي واودي معاي كذا عباة حسب المده

حق المطار اودي عباة سنعه يعني كاشخه ههههههه وتكون راهيه طويله علشان الكعب

بس حق التمشي والتسووق البس عباة حده حده لاني البس فلاااات

بس دول اوربا البس القمصان الطويله اللي هابين فيهم وتحتها ليقن او بنطلوون

 

[n-h-m]

مشكورين حبيباتي

في ميزان اعمالكم يارب

 

[دمعة اشتياق]

بنات وين الاقيها القمصان الطويله

 

[أم محمد40]

احسن شىء تفصلين لج عباية حده حده للمشى أو تآخذين لج جاهزة و ثانيه تببدلين فيها

والمطار وحده طويلة للكشخة يعنى 3 أو 4 يكفى حسب المدة

واذا توصخت تغسلينها فى الفندق أفضل

وسلاااااامتج




""""

القمصان الطوال فى كل مكان اللى يلبسون تحتها الجنز

الايوب
النقرة
كويت ماجيك
المهلب

وانتى وذوقج

 

[رووقه]

حبيبتي انا مثلج راح البس عبي بسفرتي
فصلت وحده طويله حق كعب بس حق مطار روحه
وربع حق فلات بس هالربع منهم ثنتين بس جدد وصلت خامه جديده اسمها شوارفسكي تهبل ولاتعفس
والتنظيف بليل لردينا من طلعتنا اغسلها بيدي واعلقها ولقعدت اكويها

 

[سجى]

بنات فى عبايه تهبل اللى معها قبعه تقدريت تخلينها عبايه كتف ومره تخلينها عبايه راس هى موجوده بمحل بدون اسم بمركز مكه السكني

وهنى عندنا يخيطونها بالمشعل اعتقد بس بصراحه عمليه وشكلها ذرب وراهيه ومرتبه

 

[الدلال]

ريفاا عندهم خوش قمصان طويله

 

[alffoozz1]

مثل ماقالوا البنات ,,,,,
كرز اخضر والريان
اخذي معاج 3 عبايات و4 ملافع 4 نقابات للاحتياط والاهم نوعية الخامه

 

[بعثرة محبره]

شوفي هالموضوع بيفيدك .. اذا بتسافرين برا ..

http://q8yat.net/showthread.php?p=9971154#post9971154

 

[غربــــة اِحساس]

البنات ماقصروا

وحده من رفيجاتي علمتني على طريقة انظف فيها العباية من البقع والغبار اذ مايمديني اغسلها

تعرفين الكلينيكس المعطر

جونسون او ديتول او اي نوع (( انا اخذ بدون عطر ))

انظف فيه البقع الي في العباية بس بشويش عشان مايتفتت الكلينيكس

الطريقة هذي نفعتني حتى اهني بالكويت : )

 

[شيهانه20211]

انا انشا الله لمن اسافر مراح اخيط عبي جديده راح اخذ القدم و نااااااااااااااااااااااعمات ما فيهم اي شي
و لمن ارد اقطهم بالزباله

 

[الزين 83]

انا كل سفره البس بدل بس هالسنه بلبس عباية اجباااااااااااااري وباخذ كل العبي اللي عندي ههههههههههههههههه نتعوده احشر الجنطه
وحق الغسيل اكييييييييد معاي اوتي السفر الصغير وشاامبو العبااااااية ومعاي طشت صغيييييييييييييييير عشان اغسل فيه عبايتي انظف واعلقها باي مكان بالغرفه

 

[البسمه العذبه]

والله انا اغسلها بالفندق ويعطونج طاوله والكوايه واكويها لان ماحب اخذ معاي اغراض شكثر عشان الشحن لارديت اكون شايله السوق كله

 

[نطوووعه]

شيهانه حرام تقطين العبي اللي ماتبينهم وزعييهم عطييهم ناس محتااجييين آآآجرلج

 

[يــاغربـــالي]

اممممم اقولكم شي / صج حريم حتى عبي السفر نحاتيها ههههههههه<< ترا انا وحده منكم

بروح افصل عبي حده حده / عبيي تسحب وراي شبرين كلش مو مالت سفر

بفصل ثنتين صالونه ساده / وبخليهم وساع وحده حده وايدهم صيني

بنات في ملافع ساده بالدروزاه سوق السالميه شريت واحد قبل فتره وحيل عجبني خامته حلوه وساده ومو عريض حيل ولاطويل حيل انا احب اللي جذي واسعارهم دينيارين او دينار ونص والله ما اذكر /

بس حلوين وحق سفر / بشتري منهم 3

مع عبايتين / وجم نقاب احتياط

وسلامتكم

متابعه الموضوع