عبايات للعمرة ..

[نارنجه]

السلام عليكم بنااات


ان شاء الله ناوية اروح العمرة أول مرة :eh_s(22):.. بس ماادري احس عباياتي ماتناااسب الحرم

يعني على الاطراف تطريز و هالسوالف .. واخاف البسهم واقول عادي مافيهم شي و اتمشكل مع الاوادم الي هناك فهمتوا ..


قلت باخذ عباية على الراس مسكرة من جداام .. بس بصراحة ماعرف اشلون لازم يكون طولها .. يعني ياربي ماعرف البس شي يخم الارض معاي كأني عروسة لابسة طرحة .. جربت وحده طولها من جدام لي الارض طويلة بس من ورا حسيتهااا قصيرة شوي عن جداام ... يعني مرتفعه عن الارض
هالطول مناسب؟ ولا اخذ اطول

وفوق هذا احااتي الدرج المتحرك بالفندق و المجمعات .. :O_SHH_:



والله مستانسة بروح العمرة بس مادري قاعده احاتي اللبس ..
واذا تعرفون اسماء موديلات عباايات واسعه و تناسب العمرة غير عباية الراس علموني ..

 

[ام الدرر]

حبوبة داخل جمعية الفيحا فوق محل الملابس عندهم عباية اعتقد اسمها عباية الحرم
عباة واسعه قصة الفراشة ولازق فيها الامطة او القبعة بخام خفيف
مريحة ومرتبة عالبس ورخيصة للحوسة
وانصح تخلين العباة قصيرة شوي (حد القدم ماتسحب بالارض)ولبسي تحتها بنطلون عشان ماتدوسين عليها وانتي تطوفين او تسعين
خاصة انج بتمشين حافية
وتقبل الله الطاعة وعسى ربي يكتبها لنا

 

[نارنجه]

رد : عبايات للعمرة ..

بعد عمري أم الدرر .. مشكورة على الرررد

ان شاء الله امر جمعية الفيحاء ويارب احصل العبااية ... وابشري بدعوه حلوة لج وانا بالحرم

 

[مخلصة للاسلام]

رد : عبايات للعمرة ..

اي والله حتى انا متوهقة بس روح اشوف بجمعية الفيحا

 

[ام الدرر]

رد: رد : عبايات للعمرة ..

بعد عمري أم الدرر .. مشكورة على الرررد

ان شاء الله امر جمعية الفيحاء ويارب احصل العبااية ... وابشري بدعوه حلوة لج وانا بالحرم

ياقلبي ان شاءالله تحصلينها
وحتى لو مالقيتيها ساليهم يمكن يوفرونها لج
او شوفي موديلات ثانية عندهم
ومشكورة على الدعوة ​

 

[{الجارحه}]

السلام عليكم بنااات


ان شاء الله ناوية اروح العمرة أول مرة :eh_s(22):.. بس ماادري احس عباياتي ماتناااسب الحرم

يعني على الاطراف تطريز و هالسوالف .. واخاف البسهم واقول عادي مافيهم شي و اتمشكل مع الاوادم الي هناك فهمتوا ..
..

استر زين

واذا على اللي هناك ابشرج عبيهم اكشر من عبينا

يعني ماراح يستغربون اذا لبستي شي غريب

 

[يانسيم الصباح]

رد : عبايات للعمرة ..

عمره مقبوله ان شاء الله

اختي والله يسهل امورك

والله يسترنا يارب فوق الارض وتحت الارض ويوم العرض

 

[نارنجه]

رد : رد: رد : عبايات للعمرة ..

ياقلبي ان شاءالله تحصلينها
وحتى لو مالقيتيها ساليهم يمكن يوفرونها لج
او شوفي موديلات ثانية عندهم
ومشكورة على الدعوة ​

بعد عمري ام الدرر .. الله يستر عليج ويوفقج دنيــا و آخرة ..
رحت جمعية الفيحاء و حصلت عندهم الي ابيه والحمدلله رب العالمين صادفت حرمة كبيرة تهبل ماشاء الله عليها عسى الله يحفظها من كل شر علمتني على شغلات ثانية تنفعني للعمرة .. وكلها موجودة عندهم من غير ما ألف و أحوس
وناسة حتى شيلاتهم و أمطاتهم تهبل و غير عن الي اشتريه من السالمية ..

بصراحة والله ماقصرتي معاااااااااااااااي ..
اذا تبين اي شي من العمرة والله ما يردج الا الكي بوورد

:tek:

 

[نارنجه]

رد : عبايات للعمرة ..

ومشكورين بنات على الردود .. والي متوهقة خل تروح جمعية الفيحااا ان شاء الله تلاقي كل الي تحتاجه ..

 

[دلولي]

البنات ماقصرو

 

[ام خالد 78]

عمره مقبوله ان شاءالله

 

[اخت الغواص]

رد : عبايات للعمرة ..

عمره مقبوله يارب وتردين باالسلامه ادعيلي معاج ياحياتي ان الله يوفقني بزواجي

 

[ام الدرر]

رد: رد : رد: رد : عبايات للعمرة ..

بعد عمري ام الدرر .. الله يستر عليج ويوفقج دنيــا و آخرة ..
رحت جمعية الفيحاء و حصلت عندهم الي ابيه والحمدلله رب العالمين صادفت حرمة كبيرة تهبل ماشاء الله عليها عسى الله يحفظها من كل شر علمتني على شغلات ثانية تنفعني للعمرة .. وكلها موجودة عندهم من غير ما ألف و أحوس
وناسة حتى شيلاتهم و أمطاتهم تهبل و غير عن الي اشتريه من السالمية ..

بصراحة والله ماقصرتي معاااااااااااااااي ..
اذا تبين اي شي من العمرة والله ما يردج الا الكي بوورد

:tek:

بعد قلبي توني اشوف الرد
عليج بالعافية
صاجة حبوبة تحصلين عندهم كل شي
حتى عندهم شلحات ململ تنلبس تحت العباة وفيها مخباة على الصدر حق مفاتيحج وبوكج
وربي يتقبل منج ويثبتنا على طاعته وعبادته
كافي دعوتج ياقلبي
لا خلا ولاعدم ان شاءالله ​

 

[ذكرياتي غير]

رد : عبايات للعمرة ..

الله يتقبل منج عمرتج مقدماً ونتقــابـل هناكـ ان شاء الله ^ـ^ ..

 

[سيدة ملعقة33]

السلام عليكم ورحمة الله وبركاته
بنات الله يخليكم اللي عندها صورة لعباية العمرة تحطها
انا من عمان ورايحة للعمرة
ومو عارفة ايس افصل للعمرة
ساعدوني اخواتي

 

[manoooram]

هلا والله بأهل عمان
عباية العمرة هي نفسها العباية الاسلاميه العادية
أسود ساده مافيها شك ولا كريستال ولا شي ولا ألوان نهائيا
عن نفسي افضلها دبل

 

[خانها الحظ]

,


الموضوع من سنه

ان شاءالله الكل استفاد

وهم في بمجمعات خيطان عبايه قصه فراشه واسعه بس على كف الايد ضيق
واسعارهم رخيصه

 

[ناسفه البرقع]

مممممممم انا البس جتف عادي محد كلمني بس اخذها سااااااااااااااده مافيها ولاشي واخذيها حده حده طولها عشان ما تضايقج بالطواف
واذا بتاخذين راس اخذي نفس عباية الحضر الي بدون ذيل وخل تكون اصغر منج بقياس عشان تكون قصير وما تضايق حق الطواف بعد

وزياره مقبووله خيتوو ولاتنسينيييي من دعائج