مشاركة: عتيج الصوف000
في العيادة :
منى تشرح للدكتور التحاليل اللي اهي وريلها سووها ابمصر .. و تبي منه تفسير لهذه المعضله !!
"ليش مو قاعد يصير حمل يا دكتور صار لنا 3 سنوات نحاول ؟ " تسأله
الدكتور :" يمكن يا بنتي بسبب النفسيه و تفكيرك بالحمل يسبب خلل بعملية التبويض و بالتالي عدم حدوث الحمل .. هوا الدكتور بمصر آلك اييه ؟"
منى :" قالي سليمه 1000% و ماكو اي شي يمنع الحمل ! "
الدكتور : " آه ده اسمه ايه الدكتور اللي رحتي له بعد التحاليل ؟"
منى :" دكتور يسري عبدالخالق بمستشفى المينا "
الدكتور :" آآآه ده انا اعرفه دكتوور شاطر جدا , وانته يا استاز لؤي رحت عند نفس الدكتور ؟ "
لؤي : "لاا .. انا .. نسيت اسمه "
الدكتور يدقق في ورقة التحليل بيشوف اذا اسم الدكتور مكتوب عليها ..
الدكتور :" ايه ده .. التحليل ده اتعمل هنا بالكويت .. و بتاريخ النهارده ..! ازاي تئول انك عامله أبل يومين بمصر ؟ "
منى تنظر بشك و ريبة الى لؤي !
لؤي يرقع : " اييييي انا رحت سويت تحليل ثاني اليوم زيادة في التأكيد .. و نسيت الأول بالبيت "
منى :" اشلوون نسيته ؟ مو كنت داش اليوم و قلت لي انه نتيجة التحليل واصله لك بالبريد من مصر .. وانك مسوي التحليل قبل يومين ؟؟؟ هذا الظرف الأبيض نفسه اللي دخلت فيه انا خذته ويبته ..و لا عليه طابع بريدي و لا شي .. شالسالفه يا لؤي ؟ "
لؤي ..... ساكت .. انحرج و ما قدر يرقع !!!
منى :" دكتور لو سمحت نبي تحليل لنا اثنينا ... الحين "!!!!!!!!
لووول ايواااا جليل الحيا
لؤي قام معصب واهو يقول دكتور شفيك ؟؟؟ مو لازم خو خلاص خو
تقوم منى واهي الششر يتفجر من عيونها وتقول :: لااااااازم ونـــــص ., كل هالحركات و السوالف وماتبي تحليل حالي ؟؟
وياخذهم الدكتور ويسوون التحاليل اولفحوصات ,, وفي غرفه الانتظار لؤي ومنى :
و في غرفه الانتظاار ,, على ما يجيييهم الدور ,,
أه راسي ,, أمبيه لؤي ما دري شفيني ,,,,, طاااااخ تطيح منى على الأرض
لؤي : منى قومي شفيج ,,, (( يعيني ما طحتي الا الحين ,, جان طحتي قبل لا نسوي التحاليل<<<< بقلبه )) صج رياييل
دكتور ,, ياسسترات ,, وينكم ,,
الدكتور يطلع من غرفه التحليل ,, و بايده نتيجه التحليل ,, متخافش يا أستاز لؤي ,, الهانم حامل ,, مبروووك
السستر اللي وراه : عاوزين الحلاوه يابييييه
حامل منى لأ !!؟؟ من وين ؟؟ شلون !! شحقه ؟؟
لأ استغفر الله ,, لأ ,, الحين وين أودي نفسي من الناس ,, شلون أقول اللي صار حق أمي و ابوي ,, شلون أواجه و احط عيني بعين ولد عمي محمد ,, هو اللي يعرف بمشكلتي
بسسس ما عندي غير هالحل ,, محد يطلعني من هالورطات غير محمد
في هالأثناء .. طلبت نهى من بولؤي انه وصلها تشتري اغراض للبيت من الجمعية .. فراحوا جمعية الشامية .. وبعدين قعدوا في ريتز كافي
بولؤي يشرب توركيش كوفي ونهى تشرب عصير فراولة
بولؤي: تصدقين نهى؟!!
نهي تنزل عينها مستحية
بو لؤي: احس اني اعرفج من زماااااااان .. احس انج اقرب لي من قلبي
نهي :... مشكور يا بو لؤلؤ
طبعا نهى للحين منزله عيونها وشعرها يغطي ويهها عشانها تعصر بعيونها تبي الدموع تنزل .. فبطت عينها باصبعها عشان تدمع عيونها (خخخخخخ)
اخيرا نزلت دمعتين فرفعت نهى شعرها كأنها تسوي دعاية شامبو وطالعت بو لؤي
بو لؤي شاف الدمعتين ما قدر يتحمل
بولؤي: شفيج نهى؟؟
نهى: محتاجة جم فلس..!!!!
بو لؤي باستغراب: جم يعني؟؟!!
نهى: ابي 21000 دينار
بولؤي عفس ويهه @@.. وقال: 21,000$؟ ليش؟
نهى: ذاك اليوم شفت سياره ذبحتني وودي اشتريها.
بو لؤي: بس 21000 وايد .. انا قلت 120 دينار والا شي..
نهى تسبل بعيونها: شوي علي 21000؟
بو لؤي: لا مو شويه .. خليني اراجع حساباتي باجر بالشركة الصبح.
نهى: تدري يا بو لؤلؤ؟!! .. اذا شريت هالسياره .. راح تصير احلى ريال بهالدنيا .. صج راح تستاهل بوسه..
صار الجو حار وانخبص بولؤي... بوسه؟!!! لا لا لا اكيد اتقشمر ... ويرفع عينه عليها .. بنت في قمة الشياكه .. والجمال .. شعر اسود ناعم حرير .. البشره صافية وناعمة مثل الزبدة السايحة والريحة .. اااه يا ريحتها .. مسك وعنبر.. شفايفها مثل الفراوله وخدودها مثل الورد الجوري .. عيونها .. رموشها ..
ذكر زوجته الاوليه .. ام شعر كشه وخشم كبير وشامه متروسه شعر كبيره بويهها .. لاعت جبده .. فذكر رنا .. ام شعر اشقر الباربي.. رنا جسمها حلو بس ملامحها مو حلوه .. وبشرتها مبقعه من الشمس والنمش .. وريحتها مرتديللا ..
لكن نهى .. ااااه يا نهي ... هالمره هذي بتخليني اين .. (اين = اجن)
نهى تشوف بولؤي مسبه .. ومبطل حلجه .. فطالعته بحقد .. وتفكر
" صبرك علي .. صبرك .. ان ما خليتك تعد نجوم الضحى .. 21000 ولا شي من اللي باخذها منك "
لمح بولؤي خدوج وعيالها يتسوقون بالجمعيه
ماما,,, ابوي العود قاعد مع نانسي عجرم ,, بنت خدوووج الوسطيه أم 7 سنين ما كانت رايحه معاهم المطار فما عرفت يدنها نهى ,, مصيبه ,, شلون لمحت يدها ,, زرقاء اليمامه مثل امها
بنت خديجه الكبيره أم عشر سنين ,,, لأ يالمينونه ,,هذي ماما نهى ,, سوت عمليه علشان تصير نفس نانسي لأن بابا ناصر يحب اللبنانييين
خديجووه طبعا عرفت أمها
سكتوا فضحتوونا ,, يا ويلها اللي تبطل حلجها ,, و تبقق عيونها على بنياتها ,, امشواا جدامي بدون صوت
بو لؤي نزل راسه واستعيل نهى .. يالله بسرعه بسرعه بنمشي
نهى: وين تو الناس ؟؟!! ما خلصت مشترا
بولؤي: بسرعه خلنا نمشي .. انشالله كل اللي تامرينه .. بس خلنا نطلع الحين.
نهى: ليش بو لؤلؤتي؟؟ تو الناس
بولؤي: ابي اروح اصلي.. اخليج هني .. واروح اصلي المسيد اللي جدام الجمعيه .. ماشي؟
نهى: بس لا تطول بولؤلؤتي .. ما احب اقعد بروحي .. بعدين استاحش.
بولؤي: يا ويح قلبي
وطلع بولؤي من الجمعية تقول اسد يلاحقه.. ومتلثم
لوي و هو في ممر العياده يدق على ولد عمه محمد ,,
بو جاسم الحقني ,,,
طبعا بو جاسم اللي هو محمد ,, ولد عمه و حبيبه و رفيق أيام الشباب و الخراب
مره كانوا مسافرين ,, و حركه استعباط منهم راحووا يفحصووون على عمرهم
صج فرااااغه
و يومها اكتشفوا ان لؤي ما يقدر على الانجاب (( اسمالله عليكم و على السامعين ))
و لؤي قرر انه مايتزوج ,, لكن بعد ضغط من امه نهى ,, تزوج ,, و قال حق مرته ماني مستعيل على العيال أول سنه ,, خلينا نستانس (( ترقييييييعه ))
محمد: شفيك لؤي خير خرعتني ,, منو مااات
لؤي: انت وينك انا يايلك الحين
محمد : انا .... انننا ,,, توهق البطل
شفيك وينك
حبيبي وين رايح ,,, ما تبقاش تجلس عندي شويا ,, (( هناء تتكلم بلغتها ))
محمد : حبييبتي ,, والله ما ودي أروح بس شسوي ,, انا واايد معتمدين علي بكل شي (( مالت عليك ,, مصدق عمرك .. أقصاك ,, دكتور مرضيااات))
و واعد ولد عمه بفيلا فيروز ,, و تواعدوا انهم يييبون معاهم التحالييل اللي سوووها و هم مسافريين
و هناك قاله لؤي السالفه ,,, و لمن شافوا التحاليييل و لا يتذكروون السالفه
محمد: شلون؟؟ زوجتك هذي انا كنت اشك فيها من زمان .. طلقها وخذ لك وحده مغربية او اي جنسية ثانية ابرك لك من الكويتيات.
لؤي: انا منصدم حدي.. اخر شي اتوقعه انها تكون حامل... منى حامل.. شلون؟
محمد: طلقها هذي مو ويه نعمه .. اللي خانتك .. الله كشفها لك .. اشوه انك سويت التحاليل ووالا كنت الحين مثل الغبي ما تدري شالسالفة .. ذكرتني .. خلني اشوف موضوعي مع هناء..اتصل على ابوك.
مسك التلفون يتصل على بولؤي .. ولؤي يطالعه .. انا وين واهوا وين .. الحين انا في قمة الهم والغم وهذا يفكر بهناء .. شفيه؟؟
مساك الله بالخير عمي ,, ها شصار
لا شنو ,, من صجك ,,
لؤي أمي بالمستشفي ,, طاحت عليهم ,,
محمد يشغل اتصالاته مع المستشفى اللي يشتغل فيها يتطمن على الساحره أمه
و يروح المستشفى و يدخل على امه ,,, ها يما سلامات
أم محمد : شوف يما مهمد انتا الهين لازم يتزوج انا أبي يشوف أيالك (( لأ تستغربون أمه مو كويتيه ,, من الدول اللي حوالينا ))
محمد : اي يما انشالله ,, بس انتي لا تتعبين روحج
مهمد انتا شنو تبيني امووت ,, هرام أليك انا أمك ,, انا قلت هق كدوووج ,, بنت عمك ,, تدور هقك وهده هلوه
يما بس انا بنطر شوي ,, لمن ,,,,,
لمن شنو لمن انا أمووت بأدين انتا تروه تتزوج ,,, انا كلامي وهدا (( يعني انا كلمتي وحده ))
محمد: بس يا يمه انتي عارفه منو اللي ابيها.
ام محمد: انا يعرف (عارفه) بس لازم تزوج .. بعدها اذا انت تزوج هناء عليها مافي اشكال.
محمد: يمه؟!!
ام محمد: اااه تعبانه وايد انا يا مهمد .. خليني اشوفك عروسه. (ههههههههه)
محمد: يا هناء يا مابي .. يمه انا ريال مو مره عشان تحكمون فيني!!!
ام محمد: وابو حقك انت منو يعلمه؟ (يقنعه)
محمد: عمي بولؤي... وعدني
خدوووج تدخل هي و ليلوووه و اختهم المايعه "بشرى" اللي بالجامعه (( بطه بيضه ,, مادري على شنو شايفه عمرها <<<< سليحط ))
ليلى : سلامات مرت عمي ,,, ما تشوفين شر انشالله ,, عسى اللي فيج في حماتي طيييبوه
مرت العم " ام محمد" : الله يسلمج ليلى ,, شصار أليهم أهل زوجج ,,,
لا خالتي بس طردنا حماي و مرته و البيت ,, الحمدالله ,, و الدور ياي حق عيوووز النار (( نست أن محمد موجود ))
تخانقت مع مرت حماي و بيني و بينج هم شيشت ريلي على أخوه و ,, بس بقى السوسه أمه ,, لأن عمي ميت ,, و هي لها نص البيت تسكن فيه لين تموت,, و النص الثاني باسم حسام ريلي تدرين اصغر واحد باخوانه و البيت راح يتسجل باسمه ,,
انشالله ان فنقشت بخلي حسام ريلي يكتب البيت باسمي,, و احش ريل خواته و اخوانه من البيت,,
ماشالله أليج ( عليج) مو سهل ( مو سهله) بنت كزنوهه ( خزنووه) ,,,
انزين كدووووجه ,, ها لقيتي حق مهمد وهده هلوه جامأيه ( جامعيه )
خدوووج: اي طبعا ,, عاد انا ذوقي وااااي يهبل ,, صج انا برستيييج ,, اي لقيت ,, وحده جامعيه ,, بنت ناس ,, توها متخرجه ,, و تقدرين تقولين عنها حلوه ,,
ام محمد : لا ,, انا أبي هق ولدي وهده هلوه ,, بعدين ناس يأيبوون ( يعيبون) ألينا ,, ولدي مو كاسرها شي ( مو قاصره ) دكتووور و هلو .....
بشرى : صج الشاذي بعين امه غزا..... ليلوووه تقرص بشرى ,, مو احتراما للخاله لأ ,,,
علشان لاحظت أن محمد ,,, قاعد يطالع بنات عمه الهيلق شلون يتكلموون و يتصرفون ,,, و يقول بينه و بين نفسه (( الله يسامحك يايبه و كنت تبيني آخذ ليلوو بنت عمي ,, الحمدالله ان حسام انقرد فيها ,, جان قطتنا بالشارع
منى من الونااسة ما بقى احد ما دقت عليه و بشرته .. و أول شي دقت على خالتها علشان تكسر عينها - بس ما ردت كانت مشغولة بدور نهى - و كلمت امها و بشرتها .. و دقت على فاطمة و ما ردت - كالعادة - " أكيد السعلو صاك عليها الله يعينها " تقول ابنفسها
" بعد عمري لؤي ظلمته .. خلأدق عليه علشان لنحتفل بهالمناسبة الحلوة " و تدق ما يرد على التلفون و تدق مرة ثانية يطلع الجهاز مغلق !!
شالسالفة !!
صار الليل .. و لؤي لا دق و لا فتح موبايله .. تذكرت .. لما طلعت نتيجة التحليل انها حامل .. لؤي ما بارك لها و لا كان مستانس ! بالعكس كان شكله متضايق ! و اهي من الوناسه و الصدمة ما لاحظت هالشي !! أمرك غريب يا لؤي !!
!
ليش تعيدينها مرة ثانية ؟
