عجينة القبوط المظبوطه لو سمحتوا

[الوردة المكنونة]

سلام بنات شلونكم

بصراحه انا كنت اخذ من وحده واحطة بالفريزر ومتى ما بغيت سويت المرق وحطيت القبوط وناويه هالمره اسويه بيدي واثلجه وابي مساعدتكم


حبايبي ابي مقادير عجينة القبوط المظبوطه دورت بالانترنت ولقيت اكثر من عجينه احترت عشان جذي قلت اسألكم

وابي اسأل منو جربت عجيبنة الخباز تنفع اسوي منها قبوط

ومقادير الحشو بس مايكون لحم لان ما ناكل لحم عايلة نباتية لوووووول

وشكرا للجميع ​

 

[BlackRose]

امي قبوطها ايييييينننن

اسألها باجر وقولج

 

[جارة القمر]

شوفي هالمواضيع

.,؛ قبــــوطي ؛،.ღஐღ متميز ღஐღ


أنا ما أحشي القبوط لحم مفروم بس حشو عادي


ورفجتي تسوي القبوط بعجينة الخباز


القبوط لا يطوفكم





القبوط هو عبارة عن عجين محشي بالبصل واللحم المفروم ويطبخ بالمرق
القبوط حلو للنفاس اللي على وشك ولادة اوممكن وجبة غدا او عشاء
المقادير
2كوب طحين ابيض + كوب طحين اسمر او اسمر فقط حسب الرغبة يعجن بالماء وقليل من الملح الى ان تتكون عجينة متماسكة +كيلو لحم عربي+ بطاطا +جزر +باذنجان (الخضار حسب الرغبة ) بالنسبة لي احبة بالخضار +طماطم فرش + طماطم معجون +شبنت او كزبرة
الحشوة
بصل مقطع قطع صغيرة + لحم مفروم وبهارات ( كمون -كزبرة -فلفل اسود -كاري-لومي حب ) وقليل من الكشمش (الزبيب حسب الرغبة) يحمس مع بعض الى ان يستوي اللحم المفروم طبعا الزبيب يسلق اولا
الطريقة
يؤخذ مقدار صغير من العجين ويحشى بقليل من الحشوة ويكون شكلة اصابع متينة شوي الى ان ينتهي المقدار
الان نحضر المرق يحمس اللحم ويكون مقطع قطع متوسطة الحجم مع بصل وثوم ثم نضع علية الماء الى ان يوشك اللحم على الاستواء نضع العجين المحشو بالبصل واللحم المفروم الى المرق وايضا نضع حسب الرغبة قليل من البطاطا والجزر والباذنجان والطماطم الطازج بد فرمة مع التقليب المستمر لمدة ثلث ساعة تقريبا الى ان يستوي اللحم والعجين ثم نضع معجون الطماطم وممكن شبنت او كزبرة خضراء ونتركة خمس دقائق ثم نطفئ النار

 

[ضحكة الدنيا]

انا جربت القبوط وطلع رووووعه
بس اول مره جربته بطحين اسمر وابيض خلطتهم مع بعض وعجنتهم وخليت العجينه ترتاح شوى
بعدين حشيتها بس مااضبطت معاى اطلعت العجينه قاسيه شوى مع انى خليتها تطبخ وااايد
المره الثانيه جربتها بطحين ابيض واطلعت حلوه واااايد والحشو كان بصل وكشمش وبهارات مشكله

 

[الوردة المكنونة]

مشكورين وااااااااااااااايد


جارة القمر - ضحكة الدنيا - BlackRose


ما قصرتوا

 

[بنت ناصر]

حبيبتي ما يبيلا ولااااااا شي
روحي الخباز و اخذي منه عجينه جاهزه مالت الخبز الايراني
و حشيها بلحمه مفرومه وبس بسسسسسسس

والله حلوه الطريقه و ما يبيلها شي

 

[جورية كويتية]

العجينه طحين من الخباز مع ملح وشوية كركم
تعجنينها بماي وبس
الحشو:
بصل مع فلفل اسود ولومي بس
بس البصل اتقصصينه ناعم

:eh_s(18): :eh_s(7): :eh_s(18):
​

 

[الوردة المكنونة]

شكرا بنات

ما قصرتوا