عدد الخطوات وعلاقتها بحرق الكالوري ..

[الام المحبه]

مرحبا حبيباتي
حبيت استفسر عن شغله
يقولون ان عدد الخطوات (لوقلنا مثلا 1000 خطوة) ممكن تحرق ....... كالوري ؟؟ او 200/300/400 غرام

منو سمع عن هالطريقة او هالحسبة .. لاني سمعت ان في ناس وايد ضعفوا عليها وكانوا يستخدمون جهاز يحسب عدد الخطوات ... ماني فاهمه العلاقة بين عدد الخطوات والغرامات او الكيلوات بالجسم ؟؟؟
الي عنده فكرة يفيدنا
وشكرا:bbbiu::bbbiu::bbbiu::bbbiu:

 

[Trainer Reem]

انا استخددم عداد الخطوات

الموضوع ومافيه انج لما تمشين 10000 خطوة باليوم تحرقين كالوريز

يعني الغالبيه ما يمارسون رياضه فهذا العداد يحمسج انج تمشين حتى لو بالبيت تتمشين راح يحسب خطواتج او تصعدين وتنزلين من الدرج

عشان جذي تشوفين في ناس ضعفوا عليه لانهم بكل بساطه بدا يبذلون مجهود ويتحركون او يمارسون رياضه المشي

وانا انصح فيه لان جد يشجعج عشان تتحركين

وراح تنصدمين لما تكتشفين ان باليوم العادي نمشي بس 1500 - 2000 خطوة يعني اللي ناكله اكثر من اللي نحرقة

 

[بـ سـ كـ وتـ ة]

فكرته نفس فكرة خاتم التسبيح

كلما تشوفين العدد بعينج قاعد يزيد كلما تتحمسين تمشين أكثر

ودايما يقولون إن 10.000 المفروض يكون الحد الأدنى من الخطوات في اليوم

إذا تمشين أقل معناته كسولة إذا أكثر يعني نشيطة وهكذا

مو شرط اتقيدين فيه دايما ... كافي تستعملينه فترة وتعرفين مستوى نشاطج

وتاخذين فكرة عامة عن كل نشاط جم خطوة فيه بحيث تنتبهين إذا كنتي تحتاجين تزيدين حركة

وعلى فكرة حده رخيص شريته من جم سنة طلع علي بدينار ونص يمكن

وكنت كل يوم أحاول أكسر رقم اليوم اللي قبله أذكر وقتها ضعفت بسرعة

هذا شكله