عذراًً سيتم إغلاق المنتدى للأبد !!!

[بروق اليل]

عذراًً سيتم إغلاق المنتدى للأبد !!!




! ! !
















! !

















!

أحبـــائـــي ::

من خلال هذا المنتدى عرفناكم / وعرفتمونا
وهنا / التقينا على موعد مع الأخوة الصادقة و التعاون
على الخير والفائده
ولا ننكر أن كثير ٌ منا تعلقت أرواحهم بصفحات المنتدى
وكنا نجتمع يوميا ولا ابالغ ان قلت ربما اكثر من افراد الأسره الواحده
تألفت قلوبنا على محبة هذا الصرح العظيم الشامخ بعطائكم وسخيكم جمعنا هدف واحد نشر المعرفه والفائده والاستفاده

حتى أولئك الذين رحلوا منذ أمد إلى اليوم بعضهم
يتصفح عن بعد / وبعضهم يسجلون بأسماء جديدة / وكأن قلوبهم أبت الرحيل
فليس بالسهل على الإنسان أن يفارق من يحب
والأشياء أحيانا تمثل لنا ما يمثله البشر
لنا هنا كثير ٌ من الذكريات / وهنا جزاء من ذّاتنا ..
نثرناها في خطوط ٍ وحروف وكلمات !.




ماذا لـــو






وصلتكـ رسالة من


منتديات كويتيات تقول



عذراً المنتدى مغلق للأبد !!!



وأردت أن تتصفح فتجد !!!


عذراً المنتدى مغلق للأبد !!!


كيف ستشعر بعد الفترة التي قضيتها مع هذه الأسره أسرة منتدى كويتيات الرائعه

وصفحاتنا التي كرسنا بها جهودنا

تصبح صفحة بيضاء خاليه !!!

كُتب عليها !!!

عذراً تم إغلاق المنتدى إلى الأبد !!!

ياتري هل ::

الموضوع بالنسبة لكـ عادي ؟!

هل بإستطاعتك وصف شعورك لحظتها ؟!

ولو طلب منكـ إرسال رسالة سيقرؤها كل الأعضاء

ماذا ستكتب لهم ؟!

بكل صراحه كيف هي ردة فعلكم لحظتها ؟؟


طبعا لا نتمنى ذلكـ

ولكن لكي نعرف مدى حب كل عضو للمنتدى

في إنتظار بوحكم ومصارحتكم

نســأل الله أن يحفظ منتدانــا وكل من فيــه

ويبقيه لنــا واحــةً ظليلة نتفيــأ تحت ظلالهــا​

 

[kuwaitya-frawla]

وااااااااي
اسم الله على منتدااانا




لا لا لا ما افكر انه يتصكر



صج والله ما ابالغ ما ادش غيره


صج الله يعطها العافيه بنت الكويت اللي جمعتنا مني


صج في بنات عرفتهم مني و جذي صج مو شويا السالفه






احلى منتدى

واحلى بنات


و عسى منتدانا عاااامرر و سااالم

 

[كنانه]

الله لا يقول

فال الله ولا فالج يا معودة تعودنا على هالروح الحلوه والله انج بهالمنتدى تحسين انج بين اهلج ومو غريبه والكل يحب يخدمج بعيونه ومحد يقصر عليج باي معلومه حتى لو تكون موجوده

الله يحفظ منتدانا ويحفظ اللي فيه كلهم والله من غيره النت ماله طعم صراحه




:tek::tek::tek::tek::tek::tek::tek::tek: هذا وردة لكل عضوة ساعدت في ارتقاء هذا المنتدى

وكل الشكر والحب والتقدير للقائمين عليه

 

[عاشقة الرشاقة]

خرعتييييييييييييييييني الله يهداج...........الله لا يقوله ....أنا واحدة ما اقدر اعيش من غير منتدانا الغالي....ما في ولا منتدى يترس عيوني مثل كويتيات....

 

[mo0n light]

حرام عليج خرعتيني الله يخلي لنا هالمنتدى الراقي والف شكر للقائمين عليه بالاخص بنت الكويت الله يجزاها عنا كل خير


عن نفسي قبل لا اعرف المنتدى بصراحه كنت اعيش بروتين ممل وماادري اشلون املي وقت فراغي بشي مفيد بس الحين لا

اول مااشوف نفسي فاضيه افتح على كويتيات .وان شاءالله مانفقد هالمنتدى الحلو اللي لمنا وعرفنا على بعض وفادنا بأشياء كثيره.

 

[أسيـل الجـــرح]

الله لا يقوله ليش تفاولوون ترا ما استغنه عنه بالدوام والبيت اسمع يبا اف ام الكويت هههه قلبتها اغنيه

 

[داريني]

اكتاب الصراحه
افتريت منتديات كلها
بس روحي وقلبي متعلق بالمنتدى هذاا

 

[مهاوي الخبر]

الله لايقوله وربي احسه بيتي الثاني ووالله اول شي ادخله بالنت هالمنتدى مدري لازم حتى لوماشارك بس لازم امر عليه يوميا وربي بدون مبالغه فديتكم الله لايحرمني منكم ويارب هالمنتدى ع طول موجود بروح بناته الحلوين قولوا امين

 

[ترانيم العود]

الله لايقوله
انا دايم على المنتدى اذا صكره انتحر
لاني تعوت عليه اسبوعيا لازم ادخل

 

[ktkota_we9we9]

وااااااي جزء كبير من حياتنا ينقص الصراحه تعودنا عليه ونرجع له دايما اذا احتجنا شي للامانه مو بس قرقه وسوالف قاعده استفيد منه قصص عبرر ومعلومات و البنات ماشالله مايقصرون بكل قسم اللي تدليج من وين احسن شي تشترين واللي ينمون ويشجعون المواهب ( تعلمت الكروشيه ) وحق السفر يعطونج المعلومات
انا ماكنت افكر اسجل بمنتدى واذا سجلت اسبوع وامل بس اهني لاني لقيت اللي ابيه استمريت وقاعده استمر افيد واستفيد
صج صج يعطيكم العافيه والله يخلي منتدانا لنا كلنا والساااامع يقول امييييييين

 

[ميرايه]

منتدانا الغالي عسى الله يدومه علينا دوم والله يوميا في منتدانا افرفر فيه من ركن لركن واي شي ابيه ركاض اسال عنه في منتداي الغالي

الله لا يقولها وما ننحرم منه

 

[مع حبي]

الله لايقوله إحنا إذا علق إكتأبنا اشلون يتسكر لا إن شاء الله منتدانا عامر دايما ومفتوحه أقسامه لنا طوووووووووووول العمر ويورثونا بناتنا من عقبنا بعد عمر طويييييييييييل إن شاء الله فديته منتدانا الغالي وتسلم بنت الكويت اللي جمعتنا

 

[ناعمه العود]

الصراحه خفت انه الحجي صج علطول دشيت فيه الله لايقوله تدرين انا اقعد من النوم اشغل النت واروح اغسل عشان ايي الاقيه جاهز لي عشان ادخل هني والله تعودت عليه بشل مو طبيعي طبعا البنات الي فيه وايد حليوين وحبوبات وحبيتهم من كل قلبي انا مادر استغنى عنكم ياكويتيات ولا المنتدى الحلو بنات خلونا تنعرف على بعض اكثر عشان يمكن لاسمح الله تسكر وين نروح وين نتلاقى مو معقوله يعني افضل ان لو كل وحده ماتغير نكها عشان نحصلها بمنتدى ثاني لاالالالالا ماقدر مادري شقول لخبطتيني كلش

 

[سارونه87]

الله لايقول
انا لما يعلق المنتدى يرتفع ضغطي

 

[C'est La Vie]

لااااااا

والله حبيته هالمنتدى صرت ما استغني عنه لازم كل يوم امر عليه

 

[Mazyoona]

اااه امووووووت انا صرت ما اقدر اتم يووم بدوون ما ادش المنتدئ
و اذا صاااار فيني جذيي صج و الله اكتئب. حيااتي و قلبي كلها متعلقه بهالمنتدى
و الله ما شفت بنات سنعين و حبوبين كثر البنات اللي هني
و اشكر "^^بنت الكويت^^" الف الف الف الف شكر لانها لمتنا على
هالخير و على هالمحبه و لانه و ربي احس اني بين خوااااااتي و ما اقول
غير الله يديم علينا المجبه والله يخليلنا و يعمرلنا منتدانا الغالي

 

[رند]

صدمه
تعودنا عليه

انا مادش غيره منتدى

 

[رند]

واللي محليه اكثر انه نسائي وجامع بنات ديرتي كلهم

 

[وردة-الكويت]

لااااااا

والله حبيته هالمنتدى صرت ما استغني عنه لازم كل يوم امر عليه

 

[laylaas]

وااااااااي اخترعت
اسم الله على منتدااانا
بصراحة مالي غنى عنه ومااخفي على احد والله اني ادعي بالخير للبنات الي يفيدونا وعلى راسهم الغالية
صاحبة المنتدى الكريم بنت الكويت
سبحان الله نحب بعض ونخاف على بعض ونفيد بعض مثل الخوات واكثر ويمكن احنا ماشفنا بعض
الحمدلله هالمنتدى يجمعنا على خييييييييير
وبسسس