عرايس اللي بيودون جهازها تدش تفيدني بهالشغله

[ابشركـ ادمنتكـ]

هااااااي حبوبات





يالغلا اللي بتودي جهاز العروس قبل العرس بيوم اللحين المتفق عليه اننا نعطر البيت ونبخره ونعطر الاكبات امي موافقه على هذا كله الا


السرير تقول عيب نحط عليه خلطه ينقدون علينا!! بتخليه بدون بخور ولا اي شي


انتن شرايكن انا موافقه وامي رافضه

والله يانا هالبدو مشكله كل شي يقولن عييييييب بليز ردن علي بسرعه ترانا تهاوشناااا على هالسالفه

 

[swarvoski^girl]

انشالله الخوات ايفيدونج

بس احنا الحضر عادي عندنا ما انحبكها على كل شي


ومبروكين انشالله

 

[ابشركـ ادمنتكـ]

بعد قلبي الحضر ع راسي والله تجنننوووون كل شي عندكم سهالات ماشاء الله


ثانك يو قلبي ع الرد

 

[كلي لكـ]

عادي حبيبتي مافيها شي انا كل بنات خالاتي بخور السرير وحطو خلطات وسوو فناتق عادي
اهو من بدو لبدو يفرق شوفي اللي متعارف عليه عندكم

ومافيها شي ترى عادي

 

[ابشركـ ادمنتكـ]

كلي لك صورتج تشووق


مشكوره ع الرد ليت امي تقتنع فيه

شاركونا يابنااات بليييز

 

[عذبة السجآيآ]

شي طبيعي انكم تبخرون السرير

لان بيكون الكفر جديد وموحلوه ريحته


حاولي تقنعين امج

 

[برين سات]

اقنعيها حاولي معاها وان شاء الله تقتنع

وربي يتمملك على خيييييييييييييييير

 

[ابشركـ ادمنتكـ]

السنافيه

برين سات


يالغاليات الف شكر ع المسانده بالراي معي

للحينها مقتنعه بشنو ان الحريم يعني امه وخواته بيقولن مستعده للفراش ومن هالسوالف

ومايصير لين تدشين بيتج وتحكمين بفراشج بكيفج

فشلتنيييييي وانا عاد قلت ادور راي البنات اللي بعمري بالمنتدى لان الزمن تغير مونفس سوالف قبل

 

[حكآية قلب]

حلووو آسمج <<

ممتري اقنعيهااا لازم

 

[عروس مطيريه]

انا بصراحه بااااااااااااقي واااااااااااجد ع عرسي

عاااااااااااادري انتي بعد عرس سوي كل شي حبيبتي

 

[مطيريه ستآيل]

شي عادي أنج تبخرين وتعطرين السرير

حاولي بأمج وإن شاء الله تقتنع

وموفقه خير حبيبتي ...~َ!

 

[أميره بلا قصور]

ماشوف فيها شي دام بخرتي الشقه كلها ماتفرق عالفراش

موفقه

 

[ابشركـ ادمنتكـ]

تفاحه حمرا يسلمو حبيبتي الحلو تواجدج


عروس مطيريه
اميره بلا قصور
مطيريه ستايل


حبيباتي مشكورااااات يعني اشوف الاغلب مع رايي اشوا

 

[softlady]

انا مع امج صراحه << موبدويه

 

[لكبريائي مهابه]

انا اقوول بخرييه اوعطرييه بعطر هاادي من غيير ماتدرييي
هههههه والله جد مافي الا كذا واذا درت قوللي ماادري من اللي عطرره
ويكوون عطر خفيف احلىى
يعني انتوو بخرتوو الشقه كلهاا يعني وقفت على الفراااش..
ومن ناحيه البدووو اسأليني عنهم انوااع النقد ...امي زي امك نقااااده
ينقدوون علينا ومن هالسوالف..خلاص الناس تطورووووا مو على خبرهمم

 

[ابشركـ ادمنتكـ]

سوفت ليدي اول وحده مع امي <<الله يستر

مشكوره يالغلا


لكبريائي مهابه شلون اعطره وانا اصلا مورايحه ارتب جهازي هي اللي بتروح مشكوره حيااااااتي ع الرد

 

[أميـِـِره]

اكيد لازم نبخر عادي مافيها شـي @@​

 

[ع ـبدليه]

عادي بالعكس لازم يتبخر ويتعطر وين المشكله !

 

[sweet-kamelia]

خلااص دام امج تشووف هالشي عيب موولازم
وانتي بإذن الله وقت اللي تروحين شقتج معاه بيكون معااج احد
كلمي امج وخواتج لمن يودوون اغراضج يعلمونج مكان الخلطات والمرشاات
بس تدخلين دارج انتي واللي بتروح معاج شقتج اختج او خالتج خليهاا تبخ خليها جم بخه
واصلن اهما بيبخروون شقتج وبيعطروون واكيد الفرااش بيمسك الريحه
الله يتمملج لج على خير .. انا اذا امي بسوي شي وقالت لا خلاص اوخر عنه وما اسويه.. سبحان الله الأم تحس وتعرف

 

[الله كريم @]

عسى الله يهنيج ويوفقج ياقلبي
شوفي احسن شي امشي ع راي امج صاجه
والله عاد احنا مشكله تعرفين الحرييم خخخخ
وعسى الله يخليلج امج