عرايس ..اللي محتاره بشي وتبي اساعدها انا بالخدمه

[قاهره عذالي]

الســـــــــــــــــــــــلام عليكم


بنات

عرايس

الله يوفقكم

:eh_s(7):

اللي تبي ملابس حفله او صباحيه او ثوب عرس

وتبيني ادلها وانصحها

تدز لي مسج ع الخاص

واللي حابه تسألني عن احسن اماكن للمشاغل والدراريع

تسأل وحياها الله

حابه اساعدكم بخبرتي واغلاطي بجهازي

وحتى اللي تبي تسألني عن عطور وبخور بقول تجربتي وخبرتي

وانا اساعدكم ان شاء الله باللي اقدر عليه

 

[لميس نفسي]

تسلمين ياعمري على المبادره الرائعه ...

 

[قاهره عذالي]

رد : عرايس ..اللي محتاره بشي وتبي اساعدها انا بالخدمه

الله يسلمج

 

[لاتكابر غلطتي]

افضللل المشاغل للدراريع ؟؟

 

[اخت الغواص]

رد : عرايس ..اللي محتاره بشي وتبي اساعدها انا بالخدمه

تسلمين ياقلبي ما تقصرين ...:d

 

[نور 19]

مشكوووره حبيبتي
بس حبيت اعرف احسن المشاغل للدراريع
ويعطيج العافية

 

[نورعيونك]

مشكووووووووره بميزان حسناتج ان شالله

 

[قاهره عذالي]

رد : عرايس ..اللي محتاره بشي وتبي اساعدها انا بالخدمه

الله يسلكم بنات

اول شي نصيحتي لكم بالدراريع

البساطه ثم البساطه ثم البساطه

والدراريع ترا عالم غير محدوود

ما انصحكم بالحريم والمشااغل

لايقصون عليكم الحريم والمشاغل بالاسعار

ترا مرات تلقين تصميم بمجله او كاتلوج او حتى بالنت وتعطينهم الخياط يسويه لج

تطلعين فيه قمه

انا مجربه

اذا في دفاشه بالدراعه حتى تطلع باللبس مو حلوه

وفي محلات يم التوسعه بسوق الوافي اللي بالخيمه مول بالجهرا محلات دراريع هنديه

مرات والله القى فيهم دراريع صج صج فخمه على 17 وان كثرت 30
وعند الحريم والمشاغل يمكن ب100 يسوون لج

وعندكم بنات العربيد اختاري منهم فقط الدراريع الناعمه اللي ديزانيها بسيط نصيحتي او في اللي تجي كلها شيفون
بس تقدرين تغيرين بالديزاين
يعني ممكن تغيرين لون الخامه او بعض الزيادات بالتفصال تشيلينها

يعني نصيحتي لكم بالاخير

السوق احسن لكم من الحريم والمشاغل اللهم اذا جم دراعه 4 او 5 كيفكم بس خلوا الدراريع الباقيه من السوق

وفي سوق هم بالوافي فيها بدال ودراريع جنهم كاجوال حفر وبعضهم قصير او بعضهم نص كم جد روعه وحلوه

ولايقصون عليكم الحريم اللي يخيطون ياما شفت ملابس من عندهم بالعربييد ومجمع الاوقاف وعند الخيايط الهنود اللي بمجمع واره بالجهرا وارخص من الحريم بعشرات الدنانير

ترا الدراعه ببساطتها احلى اذا فيها تراكيب واجد وشغل حتى باللبس تملينها

فنصيحتي للعرايس ع الاقل 5 الى 6 دراعات فخمه

و10 دراريع يكونون ناعمين وموضتهم ماشيه وكاجوال على تايقر على تصاميم غير ممله وناعمه خاصه اللي تكون ببيت حموله محتاجه دراريع اكثر من اللي شقتها بره الحموله تكون زيارات ونزلتها اخف على حمولتها فمو محتاجه تشتط ودايم تبدل دراريع

والله اني مره خذيت تصميم دراعه من مجله ورحت لهندي قالي شنو الخامات وشريتهم وفصلي الدراعه ووالله احلى من دراريعي اللي فخمات وتجذب اكثر

في محل فوق بمجمع العالميه مول بالجهرا كله دراريع فيها الحلو وفيها الدفش

 

[نوال علي]

الله يجزاج خير ابي اعرف اول شي شنو غلطاتج بتجهيز
وابي مكان اشتري منه ثوب صلاه وسجاده يكون حلو ومو حيل غالي شي معقول
ومشاغل دراريع والعبي ما عليج امر


يعطيج الف الف عافيه ويجعله في ميزان حسناتج

 

[قاهره عذالي]

رد : عرايس ..اللي محتاره بشي وتبي اساعدها انا بالخدمه

حبيبتي الدراريع كتبت ردي ورايي عنهم العبي عندج محلات بالعربيد وفي محلات بسوق الوافي حلوه اللي بالجهرا
وفي محل حراير بعد فوق بعد بنفس السوق اللي بمجمع الخيمه مول
وفي عندج مجمع اوتاد فوق فيه محل عبي فخمه بس غاااااااااااليه على 100 على 90 بس الوافي ارخص

ثوب صلاة انصحج تشترين من تاجرات المنتدى لان عندهم اثواب صلاة
لان قبل دورت ومالقيت

غلطاتي بالتجهيز تتلخص بردي ووجهة نظري بالدراريع فوق

اني ما كثرت عطور وبجايم
واني ما شريت قمصان نوم طوال من انور ونعومه المفروض اشتري من كل الالوان الطوال مهمين والبجايم الحراير مهمه
والبجايم اكثر شي بتستهلكه العروس

وعطوري المفروض كنت نوعت اكثر واكثر واني اشتري اكثر من نوع بخور لان مدري زوجي شنو يعجحبه
بس عموما انصح بالعود المميز من الرصاصي وبخور الملكي من القرشي ومسك العروسه
وان على زماني ماكان موجود باث اند ووركس بالكويت
والحين افتحوا فرع بالافنيوز بالارض يهبل كل مجموعاته خاصه اللي لونها وردي وشموعهم مبين حلوه

وفي عطور انصح كل عروس فيها من اجمل عطر قطرات المطر ووصال مع مجموعاتهم لان العروس حلو تكون ريحتها مركزه

وفواحات بودي شوب حلوه خاصه لغرفة النوم

وان الوحده تشتري الة معطر للجو حق الحمام الخاص فيها

وبودي شوب انصح بمجموعة جابانيز جيري ومجموعة المسك كاملين فعلا حق عرايس
وترا الرجال يكره ريحة التوت والفرواله والخرابيط اللوشنات اللي عند بودي شوب لان ريحتهم تعكر وتنرفز مو حلوه

وفي محل نكتار فوق بالمنار مول بالجهرا فيه مجموعة سويت نكتار ومس نكتار حسافه ما دريت عن هالمحل جد ان دشيتيه ما ودج تطلعين

ترا اهم شي للعروس البدي سبراي والعطور حقت الجسم خاصه المجموعات

وفي بنفس المجمع فوق قبال نكتار في محل زهور الريف احلى مجموعة منهم اللي بزهرة الكاميليا الورديه

فعلا بنات ترا والله راح تستهلكون العطور

والمكياج الحمر من ريميل والكونسيلر والماسكر والكحل من ريفلون والشدوات والبلشرات من ماك والاساس والبودرات حسب بشرتكم انتم ابخص بس نوعي بالكريم في حق مناسبات في حق استعمال يومي وخفيف وحتى الوان الكريمات الاساس خلوها مختلفه

 

[el lulu]

رد : عرايس ..اللي محتاره بشي وتبي اساعدها انا بالخدمه

وترا الرجال يكره ريحة التوت والفرواله والخرابيط اللوشنات اللي عند بودي شوب لان ريحتهم تعكر وتنرفز مو حلوه

صــاجه يختي انا ليلحين ما ملجت بس الريال قالي بكل صراحه تلوع جبدي من لوشن وروايح الفراوله والتوت لا تشترين منهم لول
يعطيج الف عافيه على النصايح الحلوه :eh_s(7):

 

[حدي طفلة]

رد : عرايس ..اللي محتاره بشي وتبي اساعدها انا بالخدمه

مشكوووووووووووورة حبيبتي موضوعج حلو :eh_s(7):
وراح اسالج جم سوال علي الخاص:eh_s(10):

 

[كيلوبترا2010]

انزين احلى ماركات بساعات

 

[~وريثة الملوكـ~]

يسلموووو ع المباادره ​

​

 

[قاهره عذالي]

رد : رد: عرايس ..اللي محتاره بشي وتبي اساعدها انا بالخدمه

انزين احلى ماركات بساعات

انا ما امشي على ماركه معينه على الشكل
والتنويع حلو بكل شي
بس احلى ساعات طبعا السويسريه والمحلات اللي تبيع السويسريه
في بسوق السليل اللي بالجهرات محلات ساعات على الارض تجننن صج تجنن
لما دشينا انا وامي احترنا بالساعات بس غاليه

 

[قاهره عذالي]

رد : عرايس ..اللي محتاره بشي وتبي اساعدها انا بالخدمه

صــاجه يختي انا ليلحين ما ملجت بس الريال قالي بكل صراحه تلوع جبدي من لوشن وروايح الفراوله والتوت لا تشترين منهم لول
يعطيج الف عافيه على النصايح الحلوه :eh_s(7):

بس لو كانت شمعه او بخور بريحة الفراوله
وبريحة التفاح والورد ترا راح يحبها الرجال
لانها بالجو

 

[حلاالجنوب]

رد : عرايس ..اللي محتاره بشي وتبي اساعدها انا بالخدمه

قوه اختي انا عرووس ومتوهقه ابي دكتور خاص للبشرة والشعر والليزر ياليت تفيديني وتعطيني ارقامهم وتكونين مجربتهم ولهم نتايج طيبه وعيادة اسنان
ويعطيج العافية

 

[قاهره عذالي]

رد : عرايس ..اللي محتاره بشي وتبي اساعدها انا بالخدمه

قوه اختي انا عرووس ومتوهقه ابي دكتور خاص للبشرة والشعر والليزر ياليت تفيديني وتعطيني ارقامهم وتكونين مجربتهم ولهم نتايج طيبه وعيادة اسنان
ويعطيج العافية

الليزر ما انصحج فيه وصراحه مو مجربته الا اذا زواجج بعيد يعني بعد سنه جذي او ع الاقل 9 شهور
بس اعرف بنت تسوي ليزر بمركز الخليج الطبي وتمدحهم 25666999

وعندج في عيادة جلديه عند د حسن فؤاد بمستشفى cmc بالجهرا
تنظيف البشره عنده
وجلسات التقشير حتى للجسم اذا تبين الاماكن الداكنه تروح
وعنده علاج لحب الشباب
وفي يمه بالضبط عيادة الدكتور رمضان حق الاسنان بنفس الدور
مجربينه اهلي وحريم حمواني بالتبييض وتركيب الاسنان والحشوات
جد جد روووووووعه

هذا رقمهم
24558811
24563400
24559444
24559666

والرقم الداخلي لعيادة الجلديه 109

سوي عندهم تقشير كرستال لجسمج يشيل سواد الركب والاكواع وسوي جلسات تقشير اذا عندج اثار حبوب بس لازم تكون بشرتج مافيها حب
واذا فيها حب يعالجه الدكتور وشوفي عطيه وقت عرسج متى عشان يعرف متى يبلش معاج جلسات التقشير اللي بعدها ابر النضاره عشان يخلي وجهج يجنن
والشعر شوفي خلطات البنات وهم انا شفت مراه عنده تعالج شعرها
بس نصيحتي لج لا تسوين كيراتين ولا تمليس ترا دماااااااااار للشعر
والله يوفقج

اذا تبين رقم سايق يدل بالجهرا
اعطيج ع الخاص

 

[قاهره عذالي]

رد : عرايس ..اللي محتاره بشي وتبي اساعدها انا بالخدمه

والحمام المغربي والخلطات اللي صابونيه وكركم وليمون عند العطاطير جاهزين
الحمام المغربي ابدي فيه بالشهر مرتين لا تكثرين عشان لا يجفف بشرتج ويشققها
والترطيب اهم شي كل يوم سبوحج مع خلطاتج وسنفراتج وعقب ترطيبن جلدج بمرطب فيتامين سي

 

[قاهره عذالي]

رد : عرايس ..اللي محتاره بشي وتبي اساعدها انا بالخدمه

http://www.q8yat.com/showthread.php?t=781000

هذا رابط موضوع فيه عطور وشموع يعني شوية اغراض اعجبوني يمكن يفيدنكم يا عرايس