عرايس فبراير جهازكم شتوي ولا صيفي؟؟؟

[عجميه زوغه]

بنات عرسي اخر اسبوع بشهر فبراير

وجهازي كله صيفي

واحس اني توهقت شكله البرد مطول مو مثل كل سنه:krkrkr:

بليز شنو جهزتوا ريحوني

 

[العجميه سبشل]

هههههههه الله يعينج نفس معاناتي
انا عرسي نص مارس وجهازي صيفي خايفه يحوشني البرد

 

[عجميه زوغه]

هلا هلا بنت العم

لا انتي ارحم نص مارس صيفي وانتي واثقه بعد بس انا شقوول ياحظي (

 

[عجزت افهمهم]

لا لاتحااتين الحين الجووو بدااا يصير حاااار احناا الشتاا عندنااااا شهر 2 خالص ونبداا ربيع يعني حتى لو صيفي تقدرين تحطين شالات علية يعني موو البرد الي يذبح هههه لا عااادي
والف مبروووك مقدماااااا يااعرووثة والله يوفقش

 

[*عيون مغليها*]

والله انا كله صيفي والله يستر

 

[بسايل الرشيدي]

نفس الحاااااااااله انا كل صيفي

 

[Janna-q8]

لبسي ربيعي ... يعني لايكون لبسج دافي وايد و لا صيفي

 

[زبــــــــدة]

والله انا للحين قاعده اجهز ماخلصت وكله صيييييفي بحت لووووول

احس البرد خلاص بشهر 2 راح يخف ...

 

[hanan green]

أنا ان شاءالله أول 2 عرسي وجهازي صيفي وشتوي بس الشتوي مو وايد وشغلات تنفع للصيف والشتا
انا احب البس شالات وهالسوالف
بس ماخذيت بوتات الا واحد صراحه أنا الحين احس حر وما البس بوت الا بليل
وأحسن شي ماكثرت ملابس طلعه عشان رح أروح السوق بس يصير صيف وتنزل الكولكشن الصيفي

 

[baby qa6wa]

upp

 

[نـــــــــــونه]

انا اقولج خليه صيفي احسن لان الشتاء بسرعه يخلص عندنا

 

[ولهـ مطير]

ليش متأزمين خلي اغلبه صيفي وجم شغله شتويه لا تكثرين << عشان بس محاتاتچ
بردنا بسرعه يخلص من تخلص المربعانيه
وبالتوفيق يا احلي عروووووس 

 

[pinkoosha]

انا جهزت شوي شتوي وشوي صيفي عشان لا اتوهق,, بس اكثر شي ربيعي على قولتهم يعني تكون الخامه خفيفه بس شكلها ثقيل

 

[الـــغـــلآ]

انا كله صيفي

بس البجايم نوعت و شريت جم طويل يعني شكله مو شتوي لا عادي

اما البدل الاستقبال و الدراريع كلها صيفي طبعا لان اذكر شهر ٢ اللي طآف الجو حلوو و الناس تلبس صيفي

و اخذت لي قطع و شالات منوعه عشان البسها ع اللي ابيه

 

[لآ بيرلآ]

انا عرسي اول ٢ خذيت بس جاكيت و فست فيه فرو وشالات ذربه
اصلا حتن لو موووت برد مااثقل حدي بوت وجاكيت اقطه داخل*

 

[.. روحي تحبه ..]

..

أنا كله صيفي مع إني من النوع إلي ابرد بس أحس خلاص بيخلص الشتا ووزهبت جم شال احتياط

..

 

[someone like u]

صييييييييييييفي .. ماعندنا شتا بيخلص بعد كم يوم هههههههه
الا اذا بتسافرين اوروبا او بلد بارده .. جهزي ملابس السفر شتويه

 

[**تاجر الزين**]

انا بمارس عرسي بدايته جهازي كله صيفي
فبراير الصبح حر والعصر عل المغرب يجي البرد

 

[**تاجر الزين**]

جهازكم نص صيفي علي شتوي بس لاتكثرون الشتوي

 

[عجميه زوغه]

ثانكس بنات ريحتوني طلعت مو بس انا بروحي مبدعه بالصيفي هههههه