عرايس 2012-2013 تعالوا نساعد عرايس 2014

[Mrs_Orchidia]

السلام عليكم





اولا .. الف مبروك الزواج .. او الخطبة او الملجة
عسى الله يوفقكم و يهنيكم و يسخركم لكم ازواجكم و حمايلكم :eh_s(7):

فتحت هالموضوع بغرض الافادة لا غير ،، ان شاءالله ما يكون مكرر و اذا مكرر ميخالف جاملوني يومين و بعدين مسحووه و اذا مو مكرر ثبتوه -- بره بررره



المهم .. انا عروسة 2012 .. يعني مو عتيجة وااايد .. بس صج صج احس اني توفقت بتجهيزي ماشاءالله

من ناحية الميزانية
التخطيط
الاغراض النقوة اللي شريتها

الف حمد و شكر لك يا رب :yaaaaaarb:


لذلك حبيت افيد العرايس الي بالمنتدى بخبرتي المتواضعه .. خصووووصا ان اغلب البنات الي اعرفهم يقولون المهر طار باسبووع :eh_s(11): و بعدين يقعدون ايد ورا ايد جدام


تابعووني

:eh_s(7):​

 

[Mrs_Orchidia]

الخطبة

مرحلة الخطبة اهي مرحلة الخرعة و التردد و الخوف و الحيا و كل شي :eh_s(22):

لذلك انصحكم بالهافترة انكم تقللون طلعات و تلفونات و مكالمات




شنو تسوين بهالفترة؟


اذا كانوا الناس يايين يشوفونج اول مرة :


روحي الصالون سوي شعرج حمام زيت و استشوار

ردي البيت و حطي ميك اب حلو و خفيف و طبيعي .. لا تكثرين و لا تطلعين عن ستايلج المعتاد
مثلا اذا انتي نوعج تركبين رموش بكل طلعة .. ركبي رموش وقت الخطبة -- و اذا نوعج ما تلبسين عباية لا تتفلسفين و تلبسين عشان ما توصلين مسج غلط حق الناس

اتمنى ما تتضايقون بس اقول لكم كلام من القلب لي القلب و هالنصيحة تنفعكم مستقلا

نرد عالمكياج .. خليه طبيعي ناعم و يبرز جمال ملامحج .. خليج نظيفة و اذا كنتي متحجبة و بتنزلين بملفعج عططري ملفعج عشان لما تسلمين

البدلة
لا تلبسين اغلى بدلة بالسوق .. لبسي بدلة ناعمة و حلوة عليج و الوانها زاهية
حطوا 1000 خط تحت كلمة حلوة عليج
يعني تناسب جسمج - يعني ساترة - يعني تناسب ستايلج المعتاد

لبسي كعب حلو ،، يرزج و يشد جسمج


اذا كانوا بس الحريم يايين .. ما يمنع تلبسين نفنوف قصير او تنورة كيوت و بلوزة راقيه



بالنسبة حق التصرفات : شنو تسوين و شنو تقولين يعتمد كل ناس و طبايعهم

بس انا بقول احنا شنسوي

ايون الناس و انا داخل ما اطلع .. الوالدة الله يحفظها تقعد معاهم و تاخذ و تعطي وياهم .. بعدين تدق علي تقولي يالله تعالي

ادخل اسلم و اقعد بعيد شوي

عشان تصير عندهم صورة عن بعد ههههههه و الله ذكريات




المرحلة اللي بعدها .. الملجة





اي سؤال لا تترددون



تابعوني
:eh_s(17):

 

[Mrs_Orchidia]

الملجة

المرحلة هذه يا بنات تعتبر مشوار ال1000 خطوة قبل العرس

خصوصا للي يسوون حفلة الملجة بعدين جم شهر بعدين عرس


عندنا اكثر من نظام ،، و انا بحط لكم مقترحات لكل نظام :


النظام الاول :

يوم الملجة مع طلعة عشا مع العريس

النظام الثاني يوم الملجة مع حفلة الملجة مرة وحدة

النظام الثالث يوم الملجة اهو عرس

اوو النظام الرابع ملجة بس و ما يصير شي


النظام الاول : الاصعب ! ليش؟؟

لان هاليوم هذا راح تطلعين مع الريال .. بس قبل الطلعة راح تقعدون شوي بالبيت يشوفج اول مرة بدون حجاب

بما اني متحجبة فدايما كلامي موجه للمتحجبات .. الي مو متحجبات الوضع اسهل

المهم .. شتسوين ::

قبل الملجة بيوم تروحين لصالون تشيلين شيرة كامل
تسوين بديكير منيكير
تنظيف بشرة

و بس .. ردي البيت ارتاحي و ناااامي بالعافية

يوم الملجة :

اذا كنتي ماتعرفين تحطين مكياج .. حجزي عند ميك اب ارتست تحط لج مكياج اخف شي

من الصالونات الحلوة اللي انصح فيها :

الملكة ستايل - موجود بالجابرية و المسيلة :: لاازم حجز قبلها بجم يوم مع عربون
صالون ماي قلتر بالسالمية
صالون تايقر بالمسيلة

هالصالونات حلوة و اسعارها مناسبة جدا تصلح للمناسبات الصغيرة .. للآمانة ماجربت تايقر بس مجربة الملكة ستايل :rerrerek: ممتاااااز و الخبيرات كلهم كويتيات
عندهم 3 انواع مكياج
خفيف 35 دينار
وسط 45
و ثقيل 55

ماي قلتر .. حلو و دايما عندهم عروض شايفة مكياجهم على اختي .. اينن و حده ذرب و ناعم

اما تايقر ،، احب هالصالون لله في لله .. ههههه بس صج ترى حلو شغلهم


المهم .. نرجع لشغلنا يوم الملجة : اللي تحب تحط مكياج نااااعم بالصالون .. و لااازم ناعم لانج بتطلعين تتعشين مع الريال .. فلا يصير شكلج اوفر و تبلشين مشاكل من اولها !

بالصالون هم : حطي ماسك حق شعرج او حمام زيت نص ساعة سوي شعرج استشوار (ضروري)
و تسريحة (اختياري)

للبشرة حطي انبولة نضارة مع مساج للوجه لو بس ربع ساعة
بس مو انبولة نفخ دربالكم

… لازم تكونين خالصة من الصالون عالاقل الساعة 4 او 5 بالكثير ! لا تتأخرين عشان على ما تردين و تجهزين

البدلة :

حلو تلبسين بدلة قصيرة و كيوت جدام الحمولة و المعرس .. يشوف جمالج و نعومتج من اول شي

انصحكم تشترون من هالمحلات :

كوست
Coast
المحل للي ما يعرفونه .. موجود بمارينا مول و الافينيوز و دايما لازق باويسز
المحل رووعة و النفانيف القصرة كلها ماتعدي ال100 دينار .. موديلاتهم انجليزية و انثوية واايد
و الحلو فيهم انهم غالبا يتوفر عنهم جاكيتات ناعمة تصلح للمناسبات اذا كنتي تستحين من الحفر

نصيحة :
لا تلبسين علاق او كوكتيل اول مرة تطلعين لزوجج .. خليج محتشمة


محل ثاني انصحكم فيه .. بس غالي شوي اهو
كارن ميلن
موجود بالافنيوز كبييير فوق
رووووعة و راااااااقي و موديلاتهم فيها ميزة .. انهم تخصر كل انواع الاجسام .. تطلع اي جسم حلوو و انثوي … بس عيبه مثل ما قلت مو رخيص
ماكو نفنوف اقل من 70

الالوان :
اخذي لون زاهي و فرايحي .. بيج اوف وايت وردي فاتح
تيفاني
هالالوان تعبر عن المناسبة و تصغرج و فيها تفاؤل و انوثه و نعومة

بنات التزموا بالنعوومة : الريال ينطر هاليوم اكثر منج .. يبي يشوف جمال
و نعومة .. خليه يشوف مثال البنت المستحية الانيقة .. لا تصدمينه بتسريحة كبيرة و مكياج اوفر
و نفنوف عرس ملون .. بالعكس .. انتي لاحقة على هالسوالف

يمكن الامهات و الخوات الكبار من الوناسة يجبرون العروس انها تطلع اوفر ههه بس ميخالف انتي حاولي تطلعين ناعمة
لا تفكرين بشي الا انج تطلعين حلوة و ذربة

يمكن بتقولون شدعوة منو تطلع دفشة هالايام .. ترى فيه :rgewrg: الاسبوع اللي طاف كنت رايحة مطعم وللا اثنين واحد و معاه بنت شكلهم مالجين .. البنت تسريحتها برج على راسها!! ان شاء الله مو جذي شبتسوي بالعرس هذه!


يتبع

 

[Mrs_Orchidia]

آمثلة عالنفانيف القصيرة من موقع كوست

اللي تقدر تطلب من النت خل تطلب منهم .. الكولكشن عجيب و اكثر و ارخص






هذا الاخير يضعععععععف و يرسم الجسم رسم لان اسود عالاطراف
:eh_s(15):


ممكن تدخلون الموقع و تاخذون موديلات او تاخذون فكرة عالاقل

Occasion Wear| Black Tie Events, Evening and Bridesmaid Dresses | Coast





بدلة الطلعة :

الالوان ضروووري تكون زاهية و ناعمة

البدلة : اوف وايت مع ذهبي
آبيض مع سلفر
كعب
ملفع فاتح


هالنقاط لااازم تلتزمين فيهم حق اول ايام الملجة


انصح تروحون تاخذون بدلات من المهلب
وايد عندهم محلات اللي يبيعون بدل .. او آطقم رسمية ناعمة

تمشوا و دشوا كل محلات الملابس لان تلقون اشياء ما تبين من برة


في محل انصح فيه و بشدة اسمه شاكوك .. رووعة
و محل آكوا .. موجود اعتقد بمارينا

و باجي المحلات حلوين بعد

و اييي في محل تحت ،، على سطرة محلات مانقو .. روعة كل بلاتهم ايطاليه و يطلع سعر البدلة 45 او 50


الجنطة .. لازم تناسب لون البدلة .. و تكون رااقية ،،، لا تلبسين شي رخيص و عادي
عالاقل اخذي جنطة ناعمة و صغيرة من محلات نوعية الدو - ناين ويست و ميلانو
عندهم تشكيلة تهبل

اخذي الجنطة عالموضة ،، مثلا هابين الحين بالكروس و ميني سايز ،،، اخذي جذي











مو كل البنات يقدرون عالماركات

خاصة الي متزوجة و تكون مثلا طالبة او توها متخرجة
او حتى لو موظفة .. اقترح ان الكشخة القوية بعد العرس



يتبع بس الحين استأذن بكمل بعدين ان شاء .. استودعكم الله الذي لا تضيع ودائعه
:eh_s(7):

 

[Stylista_Q8]

مشكورة حبيبتي عالمعلومات جد قاعدة تفيدينا

 

[ملاااك نفسهـ]

كوست حده عجيب .. ناطره التكملة وموضوعج ب الفيفورت حطيته

 

[Banota22]

مشكوووووره وموضوعج وايد حلووو ومفيد

 

[غآب نورك ~]

انا عروس 2011 يعني مو وايد عتيجه بعد :krkrkr:

ياحلوها من ايام صدقتــــي .. اتمنى لو تنعـاد خصوصا العرس خخخخخخخ تحسون انكم ملكات قاعدين عالعرش والكل يطالعكم وينطركم


واي استفسار انا موجوده طبعا ممن عقب اذن صاحبة الموضوع احب افيد واستفيد
ربي يوفقكم ويهنيكم يارررررررب

 

[Mrs_Orchidia]

مشكورة حبيبتي عالمعلومات جد قاعدة تفيدينا

العفو حبيبتي .. وايد احب اساعد العرايس و كملوا معاي عشان الموضوع يكبر و الكل يستفيد

:eh_s(17):

 

[Mrs_Orchidia]

كوست حده عجيب .. ناطره التكملة وموضوعج ب الفيفورت حطيته

حياج الله حياتي
:eh_s(17):

 

[Mrs_Orchidia]

مشكوووووره وموضوعج وايد حلووو ومفيد

العفو حبيبتي .. من ذوقج ياقلبي
:eh_s(17):

 

[Mrs_Orchidia]

انا عروس 2011 يعني مو وايد عتيجه بعد :krkrkr:

ياحلوها من ايام صدقتــــي .. اتمنى لو تنعـاد خصوصا العرس خخخخخخخ تحسون انكم ملكات قاعدين عالعرش والكل يطالعكم وينطركم


واي استفسار انا موجوده طبعا ممن عقب اذن صاحبة الموضوع احب افيد واستفيد
ربي يوفقكم ويهنيكم يارررررررب

حياج الله حبيبتي .. بالعكس مو عتيجة و لا شي
بس انا حددت التاريخ عساس تجهيزاتنا مو حيل قديمة المحلات نفسها و الموضه مو وايد تغيرت

يوم العرس يوم سحري كان .. صج صج ملكة على قولتج ،، احلى يوم بحياتي بدووون نقاش

و اذا عندج اي افكار تنفع البنات بليييز لا تترددين ،، ابي الكل يفيد و يستفيد
:eh_s(7):

 

[Mrs_Orchidia]

نرد نكمل الموضوع الجميل

:eh_s(22):



بعد ما تكلمنا بالتفصيل عن يوم الملجة .. شنلبس و شنسوي
للي بيطلعون

الحين بنتكلم عن النظام الثاني

النظام الثاني يوم الملجة مع حفلة الملجة مرة وحدة







اليوم هذا تحتاجين تلبسين بدلة ملجة .. يعني بدلة سهرة فخمة .. لون زاهي و حلو

انا لبست بدلة بيج او اوف وايت غامج طبقاات دانتيل و فيها شغل لونه مشمشي :eh_s(22): روعة بمعنى الكلمة

ممكن تلبسون الوان ثانية :
مشمشي
بنفسجي بكل درجاته روعه
وردي بكل درجات اروع :eh_s(15):
اخضر ،، ملك الالوان للملجة خصوصا للي بيسوون يلوة

لا تستعيلون و تلبسون نفنوف آبيض خلوه لليوم الكبير


تختلف موديلات نفنوف الملجة حسب الظروف :

يعني مثلا اذا الصالة كبيرة ممكن الوحدة تلبس نفنوف منفوش و كبير
اذا الحفلة كبيرة و معازيم ما يمنع انج تستانسين بنفنوف كبير هم

اما اذذا العكس يعني معازيم شوية و الصالة صغيرة .. خليه نفنوف ناعم و مو مننفوش مثل نوعية قصة السمكة



امثلة عالموديلات












طبعا هذه امثلة بسيييطة جدا و على ذوقي .. مو شرط تلتزمون بهالستايل .. كل وحدة و ستايلها

بس اتمنى الفكرة توصل .. النفانيف الراقية من هالنوعية موجودة

عندكم محلات شكثر و بآسعار متفاوتة :

مثلا النفانيف الي فوق تلقونهم اهم نفسهم بالبوشية بالراية و الصالحية .. الاسعار من 2000 الى 4000 :eh_s(9): ههههه ادري خيال بس حبيت انوه


و تقدرون تتمشون بالراية عندهم محلات زينه .. مثل تارا جارمون الي تحت عند جوكلت اند ماكارون

اسعارهم وااايد مناسبة بالنسبة لحفلة ملجة

انا شريت لي حق الملجة بدلتين .. ثنتينهم اخذتهم من محل الاميرة اللي بالمهلب فوق ،، و نفسه موجود بالنقرة الشمالي
اذكر اسعارهم وحدة ب150 و الثانية 170
المحل واايد حلو و خدمتهم رووعة و اسعارهم مناسبة
هم بالمهلب فيه الجذور وايد حلو

و كل محلاتهم اللي فوق حلوة و تختصر الوقت .. صج انا وااايد فرفرت و ماردي للمهلب

النقرة الشمالي حلو .. اسعارهم متفاوته بس شي مقدور عليه امانة
عيبه ساعات يصير فيه تكرار بين الموديلات باغلب المحلات

لاا تروحون الفروانية .. الحمرا مول و الثاني نسيت اسمه .. التكرار على اصووله .. ماكو الله وكيلكم البدلة نفسها موزعينها على كل المحلات :eh_s(11): و اسعارهم ما تسوى كلش .. نصها شغل الكويت و الي من برة لبناني و للا سوري اسعار دبلات
الفروانية انا حاطة عليها X X X



يتبع ان شاء الله

:eh_s(17):

 

[رشا الهواء]

مشكورة الموضوع وايد حلوو

 

[Mrs_Orchidia]

نكمل الموضوع

لازلنا نجهز لحفلة الملجة

تكلمنا عن النفنوف … الحين دور المسكة


مسكة الملجة تختلف عن مسكة العرس .. لان بالبيت و لان الحفلة محفوفة و صغيرة الافضل ان المسكة تكون ناعمة و صغيرة هم

مثلا تمسكين وردة وحدة بس بارزة و ناعمة من غير اي اضافات
او 3 او 4 وردات ملفوفين بشيفون و خيط ستراس

شوفو الصور
















ووو هذه بعد


لا لا اتغشمر

 

[Mrs_Orchidia]

تسريحة حفلة الملجة من الافضل انها تكون نص تسريحه
يعني نص الشعر مفلول و الشغل من فوق بس
او اذا تبين تسريحة كامله اوكي بس خل تكون نااااعمة و صغيرة .. يعني البفة اللي يحطنها لج تكون صغيرة


انا شخصيا سويت نص تسريحة و باجي شعري ويفي كباار

(مكياجي و تسريحتي عند ليلى هارموني)
انصحكم بفرع الشعب .. للشعر مريم عجييييبة


لو تلاحظون هبة التسريحات الحين : شعر ويفي ناعم .. شويه مفلول مو شاد واايد مع اكسسوارات
لالكسسوارات ضرورية حييل صايرة ،، و الورد الطبيعي دااارج

شوفو الصور














هذه جم صورة عن التسريحات اللي تناسب حفلة الملجة
اللي تحس انهم وايد ناعمين اقترح انها تنقي لها اكسسوار حلو .. تصبغ اطراف شعرها اومبريه عشان تزيد الحركة ((و لو اني ما أؤيد العروس تصبغ اللا بعد العرس)) بس هم الي تبي ما يمنع :eh_s(7):


طبعا الاكسسوار :

الشبكه + ساعة العروس الي يابوها لها بالدزة و اذا مو يايبين لااااااااااااااااااازم تشترين

في وايد ماركات حلوة و اسعارها معقولة
مثل شوارفسكي
فيرزاتشي
ديور

بس اخذوا اللي موجودين بالمحلات العادية من طقة اون تايم و للا البوتيك لان لو بتاخذون الي من محلات الالماس بتطلع عليكم بسعر الشبكة :eh_s(11):




و بس هذا اللي عندي اليوم .. و خلصنا جزء حفلة الملجة
:eh_s(17):

 

[Dr.rooz]

عجيب الموضوع الله يعطيج العافية

 

[oshi_q88]

دعواتكم لي اتزوج لاتحرموني من هالدعوه

 

[أم*سلمان]

السلام عليكم ورحمة الله وبركاته ..

خواتي حبيت ادش لكم بالموضوع ,,

اللي عندها عرس ومتوهقه وتبي بدل تكون حديث الموسم وحديث العرس . والله العظيم ان البدله وقفت العرس على رجل وحده صج صج صرنا حديث المووسم
لله الحمد و المنه توه قبل سبووع والله يا بنات ان كل بدله تقول الزين عندي .
وكلهم من تصميم المصمم الفنان المبدع هيثم , هو لون هو شغل بمعنى الكلمه
البدل راقيه وفخمه بنفس الوقت .
وانا ما ابي امدح الصوور اكثر ,
وعندي اكثر من بدله وما أحلل اى وحده ما عندها نية شراء او اجار

للاستفسار :67069609​