عرج النسا ..

[LaSt WoMeN]

السلام عليكم و رحمة الله و بركاته

شلونكم بنات ,,

و اللي يعافيكم اللي تعرف دهانة شاطرة تعطيني رقمها ..

اختنا العضوة "جوري الكويت" حايشها عوار فظيع بظهرها
و قالوا لها يمكن عرج نسا !
العوار من ظهرها لي أصابع ريولها و بالغصب تمشي خنت حيلي
فطلبت مني أسألكم اذا تعرفون دهانة ..

و ان شاء الله ما تقصرون يالغاليات ..

شكرا مقدما ..
:eh_s(17):​

 

[ii DareeN ii]

والله ماعرف انشاء الله البنات يفيدونج

 

[blue ocean]

شنو يعني عرج النسا
وان شالله البنات يفيدونج

 

[LaSt WoMeN]

dareen

arooma

feekum el5air walla

o inshalla elly t3aref ma ra7 etga9er


​

 

[جوري الكويت]

مشكوره حبيبتي فلانه و ما قصرتي على الاهتمام

اروما ,, عرج النسا عوار يصيب الظهر و يمتد الى احد الرجلين أو كلا الرجلين

من أسبابه ان الواحد يشيل شي بالغلط أو من البرد الشديد أو من الوقوف الغلط أو من الطيحه و أحيانا يصيب الانسان من غير سبب و يصيب النساء و الرجال و اللي صار فيني سبب لي تقوس شديد في العمود الفقري

بالنسبه للدهانه عطوني رقم وحده اسمها أم مشعل في صباح السالم و كل ما أدق عليها مشغول أو محد يشيله

وصلت لمرحله اني ما أقدر اقوم من الفراش بدون مساعده ولا أقدر أمشي خطوه

بس الحمدالله دلوني على واحد لبناني في الأحمدي يسوي علاج طبيعي و مشاالله و لله الحمد علاجه ممتاز

و بعد هو يعالج العلاج النصفي و الشقيقه و اي عوار في الجسم , يعني متخصص في العلاج الطبيعي

و الي يريح انه يشترط وجود محرم أو أحد معاج علشان يسوي العلاج الطبيعي و بعدين بالصدفه طلعت اعرف الناس اللي قاعد عندهم و تقريبا راح نص العوار الحمدالله و باقي لي جم جلسه انشالله بس اخلص راح اكتب تجربتي


و ما تشوفون شر , و مشكوره فلانه مره ثانية

 

[كويتية أصيلة]

جوري الكويت شنو اسمه وجم رقمه وعنوانه وجم ياخذ؟؟؟

امبيه شدعوه تحقيق ؟؟

ما عليه حبوبه بس انا عوار بظهري له سنين وهالعوار بالعصب مو بالعضلات

فان شاء الله يقدر يسوي شي

وما تشوفين شر ان شاء الله والحمدلله انج تحسنتي ادعيلي انا بعد

 

[LaSt WoMeN]

حبيبتي يا جوري .. ما سويت شي والله اشدعوه ..

ما تشوفين شر يا جوري الكويت و يا كويتية أصيلة ..​