عرج شاد بالظهر- ارجو المساعده

[coffee]

ياليت احد يفيدني عندي عرج شاد علي بظهري.. لا مساج ولا لزقه وخرته.. ومن اتحرك احس فيه يشبني .. ناحية القلب من ورا..

اللي تعرف طريقه اتوخره تنقذني لان صارلي اشهر على هالحال..

تسلمون

 

[ombaza]

حبيبتي الله يعلم بس اتوقع هذا هواا حايشج وداش عدل بعد شوفي خل تدهنج وحده هنديه بزيت زيتون حار ومخلوط بالفكس وبعدين دشي تبخري يعني حطي فحم بمبخر عود جم وحده يم بعض وحطي قفشة كمون كبيره او يبيعون بالحوااي اعشاب للتبخر سوري عالكلمه بس بووبزي عليه بدون ملابس داخليه وبعدين تلحفي بكنبل قديم ونامي ساعه سبحي بماي دلفي وتنشفي عدل
مااتشوفين شر انا مره صار فيني جذيه وماخف اللا يوم سويت جذيه
ماتشوفين شر

 

[رند]

ماتشوووفين شر ياقلبي
موزين تسكتين عن نفسج
رووحي الطبيب ضروري
يمكن شد عضلي
انا ماعندي خبره بهالسوالف بس نصيحه رووحي جيكي ولاتسكتين عن حاالج

والف سلامه يالغاليه

 

[coffee]

ام بزة تسلمين بعد عمري الشر ما اييج ان شاءالله بتبخر بشوف لان التدهن عيزت ماكو فايده .. في سبا تايم حتى بكوعها اضغطت عليه هم مافاد

الفاتنه الله يسلمج من كل شر حياتي والله انا بجرب تجربة ام بزة واذا ما انفعت بسوي اللي تقولينه وبروح دكتور علاج طبيعي لي رديت ان شاءالله من السفر

مشكورين والله يحفظكم