عرسج مطول !!! تعالي شاركينا افكارج ( الجزء الثالث )

[إيمــآن الكويت]

^

عيآدة ياكوابولو بدائر الرابع صوب مطافي السالميــة
بتكون يمينج المطافي تعديها وآخذي الفه يمين وبتشوفينها جدآمج وآضحه ..


والتقشير ليش حرام ، انتي فالبيت تقدرين اتسوين كل شي ..
اشتري خيمة البخار وسوي كل اسبوع او اسبوعين حمآم مغربي لج ..
خلطي سنفرة كاب مع ملح الحليب وشوفي شلون البياض والنعومة ..

وكل ما تسبحتي سنفري بسنفرة المشمش ..
وخلطي زيت اللوز المر مع شوي زيت زيتون وملح ..
وعصري عليهم ليمونه ودهني جسمج فيها تالي فركي بالليمون
خصوصا الركب والاكواع وشوفي شلون بصير جسمج مع الاستمرآآآآر ..​

 

[إيمــآن الكويت]

.
.

انصحكم فيها اتينن هالسنفرة اسمها باونتي نايتشرز ( بالمشمش وقشر الليمون والبابونج )
كل ما تسبحتي سنفري فيها بنات رهيبه لا اطوفكم ..​

 

[التوق]

ايمان اي الابتسامه لازم تبريد بس اهي سوت اللي فوق بس تبريد اعتقد اليوم اسألها ان شاءالله
بس ضلت تعاني من العوار الله يستر انا بنفسي ولازم مده قبل العرس اهي خلصت مراجعاتها بعد عرسها
بس وايد والله 4000 الواحد مفروض مايتحسف هذا نص المهر يروح جذي

 

[إيمــآن الكويت]

.
.​

انا انصح اسكينوال بالليمون وطبعا الكل يعرف فوايده
بس الي تحسس من الليمون بدليه البابايا ..​

خلطو مع الاسكنيوال نشا وخضي العلبه قبل لا تستخدمينه ..
ومسحي كل جسمج في قبل اي كريم او مرطب ..
اتحسين صج بنظآآآآآآفــه وتفتيح ..​

خصوصا بنات وقت الدورة ما نقدر نآخذ شور عدل ..
فـ بتالي مسحي جسمج بهالاسكينوال وشوفي النظآفــه .. >> فـ بتالي ديربالكم ​

 

[إيمــآن الكويت]

التوق//​

انا مفكره اسوي واهو صج غالي بس صراحه اهم شي الشكل ..
انا مهري 7000 لو بقط 3 بيبقى 4 :eh_s(4):​

اختي قبل فترة تزوجة وكانت اهي الاولى فكانت اهي وامي مو عارفين
كل شي شرته وكان تجهيزها وآآآآآآآآآآآآآآآيد ..​

واختي وامي خذوا خبره الحين فـ لمه اجهز ان شاء الله ماني مكثره من اللبس
لانه بعد الزواج ان شاء الله اكيد بتنزل اشياء يديدة وتقعدين تروحين السوق
وغصب عليج بتشترين ..​

اختي والله تحسفت على شغلات وآآآآآآيد لانه انتي لمه تتزوجين مو ما راح تروحين السوق :eh_s(10):
علشان جذي اختي شجعتني اقط الفلوس على جسمي وشعري وبشرتي ..
خصوصا رياييل هالوقت يخروعون كل شي يبونه تووووب ..:bbbiu:​

اكيد امي وابوي ما راح يقصرون وياي بالتجهيز بمصهم مص
الله يخليهم لنا مالنا غنى عنهم ..​

نصيحة قطي قطي الفلوس على شكلج لانه هالشي وآآآآآآآآآآآآيد مهم ..
اما الباجي كماليات ما راح تخلص ..​

 

[Ms_f]

صببباآحو بنآت شلونكم ،


ودي اسوي تقويم بس ميزانيه ماكو ما استلمت مهري للحين

اهم شي الابتسامه :'(


شنو أسوي ؟


التخصصي صعب الصبح ووراي جامعه

 

[قآنون كيفكـ!!]

صباح الخير
شلونكم :$
شسمة عرايس رفيجتي متزوجة جان اسالها عن المنطقة اذا هي سمرة وريلها يعلق او لا
جاااان انصدم تقول والله مايهمة ابد اهم شيء تكون ناعمة حيل وريحة نظافة فرش !!!
يعني منو نصدق والله احترنا مع المتزوجات حزب يقول يعلق وحزب مايهمة شنو يعني اساله من اي نوع اهو > ههههههه عصبت
ولا يعتمد ع كل وحدة وريلها يعني ..

 

[قآنون كيفكـ!!]

خلطة رفيجتي للشعر حيل تمدحها وان شاء الله اجربها قريب ..
بقدونس
زيت نارجيل
زيت سمسم ..
تخلطين البقدونس مع شوية موية مو تكثرين وايد وتخلطينة مع الزيوت
ينعم ويكثر ويطول ..

اللي تجرب توافينا بالنتائج

 

[dalo0oa121]

ان شاء الله انا قريب انخطب بس حبيت اخذ خبرة منكم
عشان ماتوهق بعدين

 

[silent-girl]

^^​

نصيحه اذا اسنانج زينه وتبين تبيض استخدمي لزقات كرست ومعجون كرست
تخلي الاسنآن بييييييييييييضه بمعنى الكلمة ..​

انا اختي سوت تبيض بعرسها بس رد كل شي مثل اول بسبت الجاي والقهوه ..
انتي حاولي تخففين ودايما اهتمي بتفريش ، انا اعشق القهوه بس عالطووول افرش ..
واسناني ولله الحمممد حييييل بيضه وتقريبا من فترة لي فترة احط هالزقات ..
اللزقات تلقينها بمركز سلطان السالمية جدام فنار سعرها 14 دينار ..​

منزمان خاطري آستخدم هاللزقات الكل يمدحهم
ان شاء الله القاهم عندنا
تسلمين إيمان :eh_s(7):

 

[silent-girl]

بنـآت الحين اللـي شعرهاا مو خفيف عآدي يعني


وقآم يطيييح يرجع ينممو شعرها ولا لا ؟؟


تدرون شسويت اليوم حطيت بلسسم بشعري وقمت امشطه < ذكاااءء

يوم خلصت ولا نص شعري طايح استغففرالله


:"(

إي ان شاء الله بيرجع
لان المعدل الطبيعي لتساقط الشعر اليومي 100 شعرة
لاتحاتين ولاتمشطين شعرج وهو مبلل
انطريه يجف شويه وبعدين مشطيه


:tek:

 

[silent-girl]

بنات بسألكم منو تبي تسوي تقشير لجسمها ووين ودها تسويه

آفكر آسوي تقشير للركب والآكواع
بس قبل العرس بشهر إن شاء الله

 

[silent-girl]

هآي صباياا ،


يالله باجر دوام

الله يعين واخلصص غياباتي فل وباقي شهرين
خايفه انفصل علئ اخر كورس دعواتكم






،

اليوم رحت آلنصر الريآضي
شريـت منهم دلآغـات ^_^

انا ما انزل الدلاغ من رجولي فما بالكم بالشتآ
وشريت كعب بني للكليّـه مخملي

يآي بناإت يجنن ،

وطبعاً انا كنت شاريه صندوق حجم وسط
حلو شآريته من المكتبـهه

وبحط فيهه تنآتيف اي شي عآجبني واشتريه
بحطهه فيه واخشه

وبث $

الله يوفقج خجل :eh_s(17):
شديّ حيلج مابقى شي على نهاية الكورس

وتتهنين بمشترياتج
آنا مثلج آحب ألبس الدلاقات دايماً
وشريت لي دلاقات حلوة للشتآ
وقبل العيد شريت كعب بني
ولبسته اليوم للجامعة

و حلووة فكرة الصندووق :eh_s(15):

 

[silent-girl]

صببباآحو بنآت شلونكم ،


ودي اسوي تقويم بس ميزانيه ماكو ما استلمت مهري للحين

اهم شي الابتسامه :'(


شنو أسوي ؟


التخصصي صعب الصبح ووراي جامعه

ليش ماتسوينه بمستشفى حكومي ؟

 

[silent-girl]

ان شاء الله انا قريب انخطب بس حبيت اخذ خبرة منكم
عشان ماتوهق بعدين

إن شاء الله حبيبتي
الله يرزقج خيرة خلقه يارب
خلج معانا ، منورة :eh_s(7):

 

[silent-girl]

،


كريمات حلوووة للترطيب

 

[silent-girl]

،



يمدحون هالغسول للحبوب
ناويه آجربه إن شاء الله

 

[ي قلبي ابتسم]

طعنه غدر

الف شكر حبيبتي على طرح تجربتك وعلى قولتك راح اخليها قبل الزواج بشهر ^_^

خجل

تسلمين ع الترحيب حبيبتي
انا حاليا على صابونيه مزيونه وشقرا بس والله تنشف حيل غير انو بشرتي جافه



بنات فيه خبر فاجأني امس

قدموا تاريخ زواجي مابقي الا أربعه أشهر ولاصلحت شي اللهم شويه بجامات :eh_s(2):
يارب سهلها

 

[NoOoFa ~]

طعنه غدر

الف شكر حبيبتي على طرح تجربتك وعلى قولتك راح اخليها قبل الزواج بشهر ^_^

خجل

تسلمين ع الترحيب حبيبتي
انا حاليا على صابونيه مزيونه وشقرا بس والله تنشف حيل غير انو بشرتي جافه



بنات فيه خبر فاجأني امس

قدموا تاريخ زواجي مابقي الا أربعه أشهر ولاصلحت شي اللهم شويه بجامات :eh_s(2):
يارب سهلها

ان شاءالله خيره لكم

الله يسهل امرج يارب و اربع شهور وقت زين ومعقوول
بس اهم شي تبلشين من الحين ولاتعاجزين
سوي لج جدول ينظم وقتج والتزمي فيه

الله يوفقج

 

[ام فهد جده]

ام فهد جدده هالوصصفه اكيد ضامنتها ؟؟
لانها حييل اعجبتني وابي اجرربهاا


ومشكوره فديتج ،

اي استخدمها لي فتره ومن اول مرة يبين :d