عرسج مطول !!! تعالي شاركينا افكارج ( الجزء الثالث )

[ناآعس الطرف]

بنااات توني جايه من الحواج

بسوي خلطه تبييض جديده اختي نفاس وتبي تجربها طلعت الخلطه كميتها كبيره قلت احط معاها اجربها ماكو شغل

مع اني الحمدالله مو محتاجه تبييض بس ماراح تضرني لو استخدمتهاا

والخلطه اخذتها من وحده باستغرام لتبييض الاماكن الحساسه

( زيت اللوز المر والجلسرين وزيت الليمون وجنين القمح المركز وعلبه سودو كريم وكريم بيباثين اعتقد اسمه جذي )



وسوت خلطة اعشاب تضعف ( شمر _مرمريه _رجل الاسد _زعتر _بردقوش )

اجرب واقووولكم
ادعولي انزل ٥ كيلووو

خلطة الاعشاب متى تشربينهاا و جم مررا
بجرب معاج

 

[التوق]

السلام ... لكم وحشه
دام تكلمون عن الميك اب
بي بي كريم واااايد حلو جربوه بنات صج تحطيم
وسان لوران بالسايت شفت حمرهم اليديده الالوان روعه وو منو قرب عرسها بشروني

 

[Riema]

خلطة الاعشاب متى تشربينهاا و جم مررا
بجرب معاج

الافضل بعد كل وجبه بحاول اشربه 3 مرات باليوم
اليوم وزنت وعقب اسبوعين ارد اوزن

 

[Riema]

السلام ... لكم وحشه
دام تكلمون عن الميك اب
بي بي كريم واااايد حلو جربوه بنات صج تحطيم
وسان لوران بالسايت شفت حمرهم اليديده الالوان روعه وو منو قرب عرسها بشروني

جيتي ع الجرح

للاسف للحين ماتحدد

لاعت جبدي

احس اني ضايعه

 

[التوق]

عادي حياتي الوقت يرررركض سبحانه
عيل انا يقول ب 2014 قمة التحطيم صج بس الحمدلله على كل حال
بس في شي ينرفز ان انا وبنت خالي وبنت عمي ب 2014 واحتمال ورى العيد
حدي تنرفزت وقتهم معاي غلط

 

[دلوعة ماماتي 88]

الله يعينچ ريماا النطره كللللش موو حلووه انا نطرت ٥ شهوور يالله حدوو وبما ان كان وقتها العرس مطوول فـ حسيت براحه لان يمديني اخلص شغلي ع الراحه



التووق ~>> جربت بي بي كريم مال غارنيه كللش ماعجبني

 

[إيمــآن الكويت]

بنااات توني جايه من الحواج

بسوي خلطه تبييض جديده اختي نفاس وتبي تجربها طلعت الخلطه كميتها كبيره قلت احط معاها اجربها ماكو شغل

مع اني الحمدالله مو محتاجه تبييض بس ماراح تضرني لو استخدمتهاا

والخلطه اخذتها من وحده باستغرام لتبييض الاماكن الحساسه

( زيت اللوز المر والجلسرين وزيت الليمون وجنين القمح المركز وعلبه سودو كريم وكريم بيباثين اعتقد اسمه جذي )



وسوت خلطة اعشاب تضعف ( شمر _مرمريه _رجل الاسد _زعتر _بردقوش )

اجرب واقووولكم
ادعولي انزل 5 كيلووو

تبين تضعفين شربي ماي واااااايد وبعد الوجبه بساعه جاي اخضر وزنجبيل وادعيلي :eh_s(22):

 

[إيمــآن الكويت]

بنات انا ناطره اختي هالشهر تولد واذا طلعت من نفاس بسافر
لقيت بدلة ٥٠٠٠ دينار مت عليها شنووو ناعمه ما فيها شي بس بالكويت نصب شي خيااال
ف مالي غير اني اسافر برا واشتري بدله زوغه وسعرها زين ولا اهني نار الله

 

[بلوبري]

مساء الخير

شلونكم بنوتات

صراحه موووضوع روووعه

مشكوره خجل ووووايد ع الموضوع كنت متابعه الجزء الاول و الثاني و شوي مـטּ الثالث

لاني اشغلت وووايد بهالايام

ابشركم عرسي باذن الّلَھّ شهر 9 الجاي

الفال لكم

بخصوص عنايتي استخدام خلطه الصابونيه مـטּ مزيونه و شقره للجسم روووعه

كل ما اسبح و اتفرك مـטּ هالصابونيه ادهن جسم في لوشن فيتامين سي ماركه فير اند وايت. روووعه و راضيه عن النتايج رووعه

كل شهر حمام مغربي

وجهي كتبت لي الصيدلانيه انبولات نظاره مـטּ فير اند وايت لمده ست اسابيع و غسول و تونيك و كريم نهاري و كريم ليلي بِــ̯͡سّ باذن الّلَھّ اقولكم النتايج

و ‏​صّـْْ(☑)ـْْحّ سيروم حق الهالات السوده

بخصوص شعري الحمدلله تحسن و كنت ارجع عياده قنال الصايغ ماخذه منهم شامبو و تونيك

حلووين ووايد

و بييله رجيم باذن الّلَھّ شهر 2 بِــ̯͡سّ يبلي خمسه كيلو انزل


هذي عنايتي

اما التجهيز ما فكرت في شي او اشتري شي لاني ما عطوني المهر و احس تو الناس

و لا شرايكم ؟؟؟

 

[دلوعة ماماتي 88]

بلوبري حياچ الله والف مبروووووگ والله يتمم لچ ع خير ان شاءالله


ليش ماتخلصين سوالف الشقه شوي شوي اريح لچ لان الايام ماشاءالله تركض
لان بس اهي اللي مالها موضه

 

[التوق]

دلووعة لا انا ماستخدمت جارنيه اللي استخدمته من دبي عليه كلام صيني مادري كوري واستعمال يومي مايضر

العطور واللوشنات اذا بتجهزينهم قبل جم شهر من عرسج؟ يعني يصيرين قبل 6 شهور او اكثر
ترى العطر مو مشكله اذا كان بعلبته وبمكان مسكر مايضر لو سنه بس اللوشنات والخرابيط
لان اذا بيسافرون مكان ودج تجهزين منه بس عرسج يكون بعيد

 

[التوق]

ايمان 5000 الصراحة وايد وحتى لو كانت بنفسج
هالمبلغ تسافرين فيه وتشترين البدلة وتجزين اشياء تبينها بعد
مادري بس نصيحه فكري وشوفي انتي شنو تبين

 

[دلوعة ماماتي 88]

اي التوق قصدچ ميشا او شي چذي ..!!
ودي اجربه وان شاءالله بحاول اشتريه او اوصي احد عليه


وبالنسبه للعطور توووني باديه اشتري واللوشنات للحين ماشريت محتاره شنو اخذ
اتوقع عادي تاخذين بس اهم شي تحافظين عليه لا تبطلينه وخليه بعلبته وبمكان بارد ~>> الحمدلله غرفتي بارده شتا وصيف
بس حاولي لا تشترين هالسوالف مبچر الا اذا بتوصين احد يجيب لچ من برا



ترا هالكلام كله نصايح العرايس اللي قبلي رفيجاتي واختي

 

[ناآعس الطرف]

بخصوص العطور
سالت وحده من اللي ب المركز الفرنسي
قاالت دامج مابطلتيه و ماعرضتيه للشمس ماراح يخرب
و حتى المكياج خليه بعلبته و بمكان بارد و ماراح يخرب ان شاءالله

 

[Riema]

بناات تدرون بالاول عندي عاادي متى حسيت ان السالفه مصخت لما قام الكل يسال ماحددو العرس والله لو اقولكم يوميا لازم احد يسالني اما بالدوام اوبالبيت لما احد يسير علينا او رفيجاتي لاااعت جبدي من السؤال

لا عااد اسمعي التعليقات شكله غير رايه شكله فقير ويكون نفسه عااد الي تقولج الي ملجو معاج عندهم عيال والاا تقول الي ملجو عقبج اعرسووووو

حزتها وجهي يصير جذي
لولا الحيا اقولهم انتوو شكوووووو هههههههههاي :eh_s(10):

الحمدالله ع كل حال وكل تاخيره فيهاا خيره

التوق انا راضيه لو 2014 بس المهم يحدد واسكر حلووج الناس ملييت من كثر مايسالون :eh_s(16):

بلوبري الف مبروووك حبيبتي. :eh_s(17)::eh_s(9): ونصيحه ابدي من الحين جهزي لان المهر ماراح يكفي

ايمااان بجرب الخلطه الي سويتها اذا مانفعت بشرب زنجبيل مع اني ماحب طعمه مادري شلون ابلعه والماي صارلي مده محافظه عليه واشرب بكثره لان قبل كلش مايطب حلجي الماي

 

[التوق]

دلوووعة ايواا ميشاا
وبالنسبة للعطور واللوشنات
اي انا مفكره جذي وداري بارده بالحالتين صيف وشتا
حتى انا سألت خبير عطور يقول علبة العطر مصممة من طبقتين عشان يحافظ عليها لو يظل سنين مايتأثر


وو في شي ودي اقوله النفسيه دمااار دمااار حيل ماكله عمري بالتفكير على مادري شنوو وربي ويهي ماكان يطلع فيه نقطة شعر
من كنت صغيره وبلغت ولي عمري هذا فجأة تعبت وضيقة وافكر ويهي طلع شعر لمن شفت نفسي ولاحظته تأزمت وضاق خلقي اكثر
حتى الحبوب طلعوا النفسيه والتفكير حيل يلعبون دور يعني شفتوا الاهتمام والعناية مع النفسيه يقلب تأثير عكسي وشفت اللي محد يتمناه ، يلا الحمدلله على كل حال بس نصيحه استغفروا واقروا قرآن وسمعيه يروح التوتر والتفكير ولصالحنا أكيد لا تضغطون نفسكم بالتفكير بالعكس خلكم ريلاااكس وربي يوفقنا اجمعين

 

[Riema]

معلووومه جديده للي يبون يضعفون مثلي

الكستنه ابتعدوو عنها تثبت الوزن

انصدمت لما سمعت وانا من عشاق الكستنه كل كشته اجابل الفحم واقعد اسوي

خلااااص ماراح اكل ولا حبه

السالفه فيها تثبيت وزن <<<<< يكفينا الشر

 

[الكلثوم]

صج معلومة جديدة
ريما مثلي مااحب الزنجبيل بس تقبلته مطحون مو طازج
حتى جابر القحطاني يقول المطحون افضل للشرب
الحين مسوية مطارة كوبين ماي ملعقة وسط زنجبيل ملعقة صغيرة كمون و نص ملعقه صغيرة كركم ودارسين نفس كمية الكركم
*

 

[دلوعة ماماتي 88]

ريماا ~>>> طنشي عااااادي انا تخيلي ثنتين من جماعتنا ملچوو بعدي وعرسهم تحدد قبلي وعااد اسمعي التعليقات بس حدي مطنشه
ماراح تخلصين من سوالف الحريم كل شوي بيطلعون لچ شي جديد هههه

الكلثوم انتي وريما ماعندكم شي يزيد الوزن ههههههه

التوق ~>> تعوذي من ابليس والتزمي بالاذكار والقرآن ولا تفكرين كل شي سهالات ان شاءالله




وبالوفيق بنات والله يتمم عروسنا ع خير ان شاءالله

 

[كلي هداوه]

نصيحتي لكمـ ...
لما تروحون اسوق اكتبوا شنو تبون تشترون بورقه احسن شي
لا لما تروحون هناك بتخمون السوق هههههه