عروستكم متنحة مو عارفة متى تبدي وبشنو

[mi corazon]

مساء الخير حبوبات

كعادتي بدش بالموضوع علطول

عرسي متحدد شهر 5 اوله

بس صج صج مو عارفه شلون ابتدي وبشنو

حاولت اقرا اهني المواضيع بس هم حسيتها ما تناسبني

اول شي انا مالي شغل بالعرس .. انا لي بجهازي وبنفنوفي وميكبي وتصويري بس

بس الحين المشكله ... مو عارفه مته ابتدي اسوي ليزر شعر الجسم .. ووين مكان ما يحرقني نفس قبل

وبشرتي حدها تعبانه ... ولمن ضعفت فش وطلعتلي خطوط يم الشفاة .. يعني ساح ،،، فكرت بالبوتكس او الفيلر

بس قالولي يفش بعد فترة قصيره

وهم ابي برامج عناية .. والله تخيلوا من مته مالجه بصك الشهر ولا تحركت ولااااااااا خططت ووصرفت من المهر 2000 على ولا شي *ـ* انقذونيييييييييييي

 

[~Unreachable]

اول شي لا توترين نفسج لان هالشي راح ينعكس عليج

ثاني شي بلشي بالاشياء الاساسيه

حجزي مصوره .. وانصحج بمومنتس خياااال و اسعارها جدا مناسبه ..

حجزي صالون ميكب اب وشعر .. وانصحج بليلى هارموني .. روحي شوفي شغلهم ..

و خلصي من نفنوف العرس اهم شي .. و الشبكه اشتريها و افتكي من همها

اذا خلصتي هالاشياء تفرغي حق تجهيزج ..

بلشي بقمصان النوم .. ولا تشترين وايد لانج ماراح تعرفين ذوق ريلج الا بعد العرس

فـ لا تكثرين منهم .. و اهم شي قميص اول ليله اللي يصير دانتيل قطعتين و تحت ستان ..

بعد ماتخلصين القمصان روحي افتري على المعارض حق بدل الطلعه .. والحين فرصتج ..

و يوم خصصيه حق الجواتي وانتي بكرامه نوعي بين الكعوبه والفلاتات المريحه ..

و حجزيلج برنامج عروس و بلشي حمامات مغربيه و عنايه بالبشره ..

و ان شالله تخلصين و ترتاحين .. و ترى الوقت جدامج لا تحااااااااااااتين ..

انا جهزت بأقل من شهر والحمدلله كل شي كان بيرفكت

واي مساعده انا حاضره :*

 

[~Unreachable]

اي و نسيت لا اقولج بالنسبه ليزر الشعر شوفي في عيادات وايد

بس انا عن نفسي رحت رويال حياة .. ليزرهم مو وايد بارد .. بس حلو مفعوله من ثاني جلسه يبين

و عيبه انه غالي مايقل السعر بين جلسه والثانيه ..

سألي و شوفي اللي يريحج

 

[يرخصلك كل غالي]

لا تستعجلين بالتجهيز

ابدي ليزر عندج بوشهري ورويال حياة

ومغربي مرتين بالششهر وعالج بشرتج

واذا جسسمج مترهل جربي الشد بجوري للي بالافنيو شفت نتايجه ع رفيجاتي خيال ماشاءالله

والتجهيز يخلص بشهر لا تحاتين

 

[mi corazon]

~Unreachable

تسلمين يا حياتي ريحتيني شوي ... بس صج احاتي الليزر لآنه بسرعه يطلع فا ودي اسوي جسمي كله

رفيجتي اختها كانت عروس سوت جسمها كله عند وحده كندريه تقول روعه بس هم مو متطمنه لآني سمره فا اخاف ما يكون بارد واحترق وانا لي تجربه مريره مع الليزر """

بس مو جنه وايد مبجر من الحين احجز الصالون والمصوره ؟؟؟؟؟

 

[mi corazon]

لا تستعجلين بالتجهيز

ابدي ليزر عندج بوشهري ورويال حياة

ومغربي مرتين بالششهر وعالج بشرتج

واذا جسسمج مترهل جربي الشد بجوري للي بالافنيو شفت نتايجه ع رفيجاتي خيال ماشاءالله

والتجهيز يخلص بشهر لا تحاتين

صج جوري زين شدهم؟

وعقب جم جلسه يبين

 

[~Unreachable]

~unreachable

تسلمين يا حياتي ريحتيني شوي ... بس صج احاتي الليزر لآنه بسرعه يطلع فا ودي اسوي جسمي كله

رفيجتي اختها كانت عروس سوت جسمها كله عند وحده كندريه تقول روعه بس هم مو متطمنه لآني سمره فا اخاف ما يكون بارد واحترق وانا لي تجربه مريره مع الليزر """

بس مو جنه وايد مبجر من الحين احجز الصالون والمصوره ؟؟؟؟؟

ويي توني استوعب ان عرسج شهر 5 ..

عيل الحجز بلشي فيه من بداية 4 او نهاية 3 عشان تضمنين مكانج ..

و الليزر انا نفسج حنطاويه مو بيضا بس والله سويت جلستين عن رويال حياة و فادوني

بعد 7 اشهر رد طلع لاني المفروض اكمل الكورس وانا تكيسلت الحين بكمل ان شالله

و ماكنت مسويه الا البكيني الحين ناويه على جسمي كله

 

[om-3azo-83z]

اول شي اهدي اهم شي النفسيه
ثاني شي لازم نعرف ليش ما تحركتي مالج خلق تطلعين ولا متوتره ولا ما تعرفين؟
اذا على الليزر روحي عياده طلال العلي ليزره البارد اليديد انا صارلي 4 سنين عندهم و ما احترقت ولا شي
بس ما انصحج جسمج كله كلش اندر ارم ويهج كامل اي غيره ما انصح للامانه شفت النتايج على رفيجتي بسرعه طلع حاله حال الشيره و كل وحده و نظام جسمها ...
و اذا على بشرتج كل وحده و طريقتها بس كلش ما انصح خلطاااااااااات خلج كل شي طبي او نظام ليمون بس و جذي وايد ناس يتحسس ويهم و يطول علاجهم مابي اسوي دعايه خخخخ بس شوفي موضوعي عن الصابونه الطبيه موجوده صورتها بتوقيعي
تجهيزج قسميه ... و سوي طريقه النوته كل يوم كتبي وين بتروحين و شنو بتشترين ولا تزيدين شي كلش عجبج شي روحي بعدين اذا زادت فلوسج او مع ابو الشباب لانج بطيحين بالسوق معاه
و قسمي شغلج (عادي .. مهم ... اهم)
عندج يعني الاهم شغل ليله العرس و اهوا اللي تبدين فيه اول من بدله و صالون و جذي
و المهم يعني مثا بدلات طلعه و قمصان نوم و جذي
و عادي التناتيف كزياده عدد او مو اساسي يعني مثل الاكسسوارات و جذي
الحين نهايه الموسم كله مسوين تنزيلات استغلي السالفه
و على الخطوط ما عندي فكره بس مره حطو كريم مضمون بالمنتدى ما اذكر منو حطه ولا اسمه
و الله يوفقج و تصيرين احلى عروس انشالله

 

[om-3azo-83z]

و بخصوص الصالون تقولين مبجر لا كلش مو مبجر
انا مع الاخت اللي تقول ليلى هارموني روووووووووووووووووووووووووووووعه
و عشان تحطين حجز و عند منو تبين حقج و حق لمرافقه مالتج خوفج ما تحصلين
سوي شعرج عند لول و الثانيه نسيت اسمها اعتقد زينب
و مكياجج عند منى او هدى و اذا حصلتي ليلى احسن و احسن
و لما تحطلج كلميها من البدايه تبين ناعم ثقيل كحل شويه وايد
اهيا راح تسالج شنو الوان مسكتج و تمشي على لونها حق المكياج

 

[نــجــود]

أب أب أب​

 

[@ DLOO3TAH@]

الله يوفقج |..

 

[beren saat]

البناااااااات ماشاءالله ماقصرواا

اب

 

[لآ بيرلآ]

حبيبتي البنات ما قصروا و انا استفدت بعد من النصايح

و بالنسبة للصالون انا شهر 2 حاجزة صارلي شهر و نص لول بليلى عند منى ..
و حق رفيجاتي بعد معاي .. و ترا يعرفون حق السمر فاونديشنهم روعة
انا رفيجاتي فديتهم سمر .. و بعرس وحدة منهم تدور تبي مكان تبي فاونديشن حلووو عليها وضبطوها ليلى ماشاءالله طلعت تينن

 

[قسوة الزمن]

شوفي اللشياء الضرورية قمصان نوم وتنقسم اقسام قمصان نوم طويلة وقصيرة والشفاف والساتر والبجايم هاي ابدي فيهم

ثانيا العطورات والعود والبخور ابدي فيهم

ثالثا الحجوزات شعر ميكياج حنه حمام مغربي حواجب حف

رابعا الفساتين حق حفلة خطوية شبكة ذهب الماس ساعات

خامسا كريمات لوشنات

 

[mi corazon]

و بخصوص الصالون تقولين مبجر لا كلش مو مبجر
انا مع الاخت اللي تقول ليلى هارموني روووووووووووووووووووووووووووووعه
و عشان تحطين حجز و عند منو تبين حقج و حق لمرافقه مالتج خوفج ما تحصلين
سوي شعرج عند لول و الثانيه نسيت اسمها اعتقد زينب
و مكياجج عند منى او هدى و اذا حصلتي ليلى احسن و احسن
و لما تحطلج كلميها من البدايه تبين ناعم ثقيل كحل شويه وايد
اهيا راح تسالج شنو الوان مسكتج و تمشي على لونها حق المكياج

تسلمين حياتي والله فدتيني

انا متوتره كل يوم اعد المهر والاقي قاعد ينقص

امي تزفني تقول دخليه البنك لا يبوقونه الخدم او تفسفسينه بس انا اعرف عمري لي رحت السوق اشخط بالبطاقه وما استوعب اني ضيعت فلوسي الا لين ارد البيت

يعني معاشي من اول يوم طاير

فا انا متوتره حدي

حبيبتي البنات ما قصروا و انا استفدت بعد من النصايح

و بالنسبة للصالون انا شهر 2 حاجزة صارلي شهر و نص لول بليلى عند منى ..
و حق رفيجاتي بعد معاي .. و ترا يعرفون حق السمر فاونديشنهم روعة
انا رفيجاتي فديتهم سمر .. و بعرس وحدة منهم تدور تبي مكان تبي فاونديشن حلووو عليها وضبطوها ليلى ماشاءالله طلعت تينن

يسلمو حياتي اي انا شفت مكياجهم وايد ناعم .. بس اهل ريلي بدو وماشالله يحبون الميكب الصارخ بملجتي كان ميكبي ناعم وايد حلو مسويته في صبيتي بوب عند مضاوي وايد حلو وناعم بس مبين لعروس

بس هم مبين عندهم غير فا اخاف بالعرس اطلع جني مسويته بالبيت حق طلعه مو عرس فهمتوني؟ واي حدددددددي منعفسه """""""