عروسه وابغى مساعده

[شيهــانة]

السلام عليكم ورحمة الله وبركاته...

مساء/صباح الخيرات ع الجميع..

تكفوووون ابغى مساعدتكم جميعآآآآ انا عرووووس وزواجي ان شاء الله باقي عليه 4 شهووور

والسمنه ذبحتني وشكلي يفشل والي يشوفني يقول كم عندك اطفال ومايصدق اني بنت...

ابغى رجيم صحي ابدا فيه تكفون لاتخلوني مالي الا الله ثم انتم وما معي وقت ....

الله يوفق ويسعد ويرزق الي ترد علي ويحقق لها الي تمناه اللهم امين...

والي لها تجارب لاتبخلون علي بتجاربكم...

 

[العفاسيه]

بمديج ان شاءالله تنحفين

اهم شي ابتعدي عن العيش والخبز

وأمشي كل عصريه وكثري من السلطات

والعروس لازم يكون شكلها حلو ومتناسق خصوصا اول ليله خلي عندك اراده*

 

[رحيل المرافيء]

رد : عروسه وابغى مساعده

روحي لاخصائي تغذية افضل لاتضيعين وقت
وامشي كل يوم

 

[جوجو بلاس]

رد : عروسه وابغى مساعده

خلي اكلك كله سلطات وفواكه واشربي ثمانيه اكواب ماااي وخلي المااي ببرطمان 2 لتر واضيفي له فنجان خل واشربي منه طول اليوم ولازم تمشين يوميا ع الاقل نص ساعه عشان تشدين جسمك وتحرقين الدهون وانصحك تابعي قناه الان برنامج رياضي اسمه هيفاء الان راح تستفيدين كثيييييييييير وبعد برنامج بنفس القناه اسمه صحي وسريع تقدرين تتبعين نظام الاكل اللي تقوله الاخصائيه هو كله طبخ بس تنزل الوزن وبعد الشعير ينحف مره اشربي مغلي الشعير كل يوم كوب ولاتفكرين تنحفين من غير رياضه راح يترهل جسمك وماراح تتهنين باللبس والحركتتات وانتي عروس اهم شي الرياضه وبشوفين نتائج عظيمه بس خلي عندك اراده وانا متأكده من هالشي بما انك طلبتي المساعده وخبريني وش يصير معك

 

[قمر2009]

نصيحه لج روحي اخصائيه تغذيه وامشي على برنامجها في بالمستشفى العسكري اذا عندج كرت رووووووعه

 

[الوفيهـ]

اش تحترين ليش مادشين نادي رياضه وتخففين اكلك
وتقبلي مروووووووووووووووري

 

[كيكه توفي]

4 شهور زين في وقت شوفي اعرف وحده توها مخطوبه يحليلها على طوول اشتركت بنادي دشي نادي وسوي ريجيم محمد ربيعه 4 شهور راح تصيرين سمبتيك اذا مشيتي على الريجيم بالضبط شوفي ريجيماته موجوده بقسم الانظمه الغذائيه ولا تضيعين الوقت انتي عروس شدي حيلج عشان تصيرين احلى عروسه ومبروك والله يوفقج

 

[أضعف بطة]

الحمدلله ماعليج في وقت ان شالله وبالإرادة كل شي يصير طبعا الغي وجبة العشا وعليج بالمشي يوميا لمدة ساعة والله يساعد بنزول الوزن بشكل مو طبيعي والغي الحلويات بأنواعها والخبز والنشويات وكثري من السلطات والفواكهة منها للرشاقة ومنها لبشرتج وبالتوفيق ان شالله الله ييسر أمورج ويجملج بعين زوجج

 

[دلوله الدلوعهـ]

رد : عروسه وابغى مساعده

مااااااااااعندي فكره ياااااقلبي

حبيبتي ان شااااااااءالله باقي البنات يفيدوونج

والبنات ماشاءالله علييييهم ماااااقصروووو

حبيبتي الفتره طووويلللللللله ان شاءالله يمدييج وتنحفيييين

داااااااااعواااااااااااتي لج بالتوووووفييييق ياحيااتي ويسهلل عليييييج امووورج

ياااااااااااارب ((( آآآآآآآآآآآآمييييييين )))

 

[تهانيh_a_z]

ما احلى من رجيم مستوصف cmcعند دكتور اسامه بالجهرا خيال
اعرف بنات كان وزنهم 100 الحين 60

 

[صبرت ومل الصبر]

رد : عروسه وابغى مساعده

عندج رجيم دشتي روووعه وينزل بسرعه وانا اقول الكلام هذا من تجربه وانتي عندج 4شهور مده كاااافيه
واحنا مسوين تجمع بالقسم حياج معنا
ودعواتج لي ان الله يرزقني بالزوج الصالح امانه ادعيلي

 

[مخدوشة الوريد]

لاتحاتين جدامج وقت ..
ومثل ماقالوا البنات روحي اخصائي تغذيه اهيا راح تساعدج وتفيدج
الله يوفقج وينولج الي تبينه

 

[Q8stylle]

سويلج كنترول علي اكلج
وسوي رجيم مع مساج مع مشي كل 3مرات بالاسبوع
وانشالله بتضعفين