عروس ابي خدمة

[عروس سمره 2011]

مساء الورد عليكم بنات - انا توني مالجة وعرسي شهر 7 - مشكلتي بدت من جم شهر
الدورة تكرمون تنزل علي باستمرار بدون ما توقف - صارلها 5 شهور على هالحال توقف يومين ثلاثة وترجع تنزل - مو نزيف يعني تنزل جنها رابع او خامس يوم - سويت تحاليل هرمونات كل شي طبيعي عندي الحمدلله - الحين قالولي سوي سونار وخايفة صراحة مو عارفة وين اروح وعند منو بالضبط !!! اول مرة تتلخبط الدورة عندي جذيه - وبليز ابي دكتورة شاطرة ممكن تساعدني الله يعافيكم - ادري فيكم كلكم خير وما تقصرون :eh_s(7):

 

[big heart]

يا عمري هذا ارهاق وتعب

 

[أبله كويتيه]

هذي نفسيه حبيبتي

ريحي نفسج ليش متعبه نفسيتج وتفكرين وايد

 

[om_3azoz]

حبيبتي هذا من الخوف شكلج خايفه عشان عررسج قرب
خلج ريلاكس ولاتخافين ولا تعبين نفسج

 

[عروس سمره 2011]

شسوي يختي احاتي الزواج - انا متزوجة على كبر - وشايله هم العرس وريلي صعب ماشاالله عليه - وايد نختلف على امور وايد ونجرة على طول - مع الوقت شوي شوي قاعدين ناخذ على بعض - ربنا يسهل

 

[زين ودلال]

الله يوفقج ويسهل عليج يارب

 

[يا عيون سمي]

سوي سونار يمكن تكيس

 

[Diva-Q8]

روحي حق اي دكتور او دكتوره ترتاحين لها ولو انه سالفتج يبيلها شوية ريلاكس وتمشي الامور انشالله بس اذا بتجيكين على نفسج عندج بهواني بالهادي وايد زينه وعندج استشاري خالد حموده في بوشهري انا اراجع عنده

وبالمبارك انشالله

 

["*آآآنؤؤؤقهـ*"]

نفسيه ديربالج وليش سونار لاتسوين مالج شرر بس روحي نظمي دورتج اخذي احبووووووب

 

[غرق بالماي]

منو اللي يقول لج سونار لا لاتسوين يلعبون فيج روحي عالجي يعطونج علاجات وبس ولا تروحين دكتور واحد روحي اكثر من واحد

 

[جوك احلى جو]

ان شاءالله ماكو الا العافيه وكلي امرج لربج

 

[Louboutin]

حبيبتي ديري بالج وتطمني
و السونار مافيه شي يخرع ماراح يسوولج داخلي بس سونار يجيكون واي دكتور بتروحيله راح يسويلج
فروحي وشوفي عادي واي حبوب لتنظيم الدوره سءليهم اذا تاثر عليج يعني الاخصاب او الحمال وقولي لهم انج راح تتزوجين قريب
وعندج السيف اكو دكتوره باكستانيه وهنديه وايد شطار انا تعالجت عندهم وسويت عمليه عند الباكستانيه امبيه اللحين انمسح اسمها من بالي

 

[مطرها يسبق رعدها]

روحي لمطوع احسن ولا ارقي نفسش واقري البقره

 

[خفايا البحر]

الله يعينج البنات ماقصرو

 

[عروس سمره 2011]

تسلمون حبايبي كلكم - ادري انها نفسية وتوتر والله - بس ابي حل صراحة - تخيلوا الدورة عليكم خمس شهور ما توقف الا يومين وترد- شعور متعب صراحة مو قادرة اعيش واتصرف على راحتي - مابي دكتور ريال ريلي ما يرضى - سمولي دكاترة حريم بليز بنات - واذا وحدة صارلها مثلي من قبل تقولي شسوت

 

[عروس سمره 2011]

الله يخليكم بنات بس ابي احد يعطيني اسم دكتورة زينه اروح لها وانا متطمنه

 

[اختكم بالله]

روحي حق دكتوره احسن لج وتقيدج اكثر