عروس بعد 3 اشهر ولازم اضعف :( حياكم شجعوني وشاركوني

[aya faid]

السلام عليكن ورحمة الله وبركاته



بنات الي ظروفها نفسي او قريبة من وزني او تبي تسوي دايت صحي او تثبيت وزن


تشاركني او شجعوني


شرايكم نشجع بعض ونصور اكلاتنا او نكتب يومياتنا ونحط صور الوزن


انا امس رحت الصيدلية اوزن وصج صج انصدمت صدمة عمري


من رمضان وانا لاهيه بالاكل ولقيت نفسي زايدة 4 كيلو


الوزن الحالي 78.2

الطول 163

العمر 22.5

بنات تكفوا شجعوني عشان اصير احلى عروس


رح اسوي دايت لمدة 3 اشهر


بداية من باجر 1 اكتوبر


ورح اوزن كل اسبوعين


وكل شهر باخذ راحة واسوي تثبيت وزن لمدة يومين


الي تبي تشاركني حياها حتى لو بتسوي شهر واحد



هدفي اضعف عشان زواجي



وكل واحدة عندها هدف عشان تضعف تشاركني




حياكم كلكم :n2006107:






وانا رح احط جدول اول اسبوع

 

[كيكه توفي]

موفقه يارب

 

[toofya]

رد : عروس بعد 3 اشهر ولازم اضعف حياكم شجعوني وشاركوني

ان شــاء اللـــه تضــعــفيــــن ..

 

[aya faid]

وهذا جدول اول اسبوع






وين التشجيييييييع ،، دعواتكم بنات صج تعبت من المتن

 

[طخومه]

الله يوفقج وتصيرين احلا عروسه انا اشوف يكفييج 5 كيلوو او 8 لان الحين العروس حلاتها خدووووود هذا بنظري لوول

 

[خاب ظن الشوق بك]

رد : عروس بعد 3 اشهر ولازم اضعف حياكم شجعوني وشاركوني

الله يوفقج ان شاء الله يارب

وانا راح اكون معاج واشجعج بس انا رجيمي اليوم باديته

ديتوكس مال بدر نصر الله واايد زيين

بروح اقيس وزني اليوم بالصيدليه وبحطه وبنشجع بعض

عندي مناسبه شهر 12 وابي اضعف

<< صراحه هم شهر 11 عندي مناسبتين بس مايمدي خخخ بس ان شاء الله شهر 12 يبين علي :>


<< معاج قلبا وقالبا

 

[فجر_الكويت]

رد : عروس بعد 3 اشهر ولازم اضعف حياكم شجعوني وشاركوني

الله يوفقج يارب وتضعفين

 

[Laidy n3ooma]

رد : عروس بعد 3 اشهر ولازم اضعف حياكم شجعوني وشاركوني

انشاء الله تكوووونين احلى عرووووووووس ودايما تخيلي شكلج على الكوشه رشيييييييييقه

 

[aya faid]

مشكورة بنات

صج ترفعون من معنوياتي

 

[aya faid]

انا مستمرة للحين

الله يستر


ماخذة معاي بالدوام مطارة فيها زنجبيل مع نعناع طازج

يقولون انه يضعف!!!

 

[twinsmam]

حبيبتي موفقة و انشالله تطلعين احلى عروس<< عزمينا عشان نحكم ههههه

 

[!!انا!!]

رد : عروس بعد 3 اشهر ولازم اضعف حياكم شجعوني وشاركوني

هدفي اضعف عشان زواجي

مبورك عروستنا

هدفج غلط

ضعفي عشان صحتج يسلمي قلبج مو عشان العرس واصلا انت مع الفراره



بالاسواق بينزل وزنج جم كيلو

 

[كريستال]

رد : عروس بعد 3 اشهر ولازم اضعف حياكم شجعوني وشاركوني


الله يوفقج وتنزلين وزنج بصحه وعافيه

كثري شرب ماي وسلطات بدون زيت او صوص

وانتبهي لصحتج وشعرج ليطيح

والف مبروك

 

[كاشا كرمباشا]

انا نفس المده 3 اشهر بعدها الزواج لازم انقص 10 ك

 

[Q8stylle]

الله يوفقج يارب وتضعفين

 

[iiioiiio]

الله يوفقج حبيبتي

شدي حيلج وان شاء الله تنزلين بصحه وعافيه
لو كل اسبوع كيلوين بثلاث شهور راح يصير 23 كيلوو قاطتهمـ

على فكره وزنج المثالي لازم يكون 66
يعني لو نقول كل اسبوع تنزلين كيلو واحد بس ! بثلاث شهور راح تنزلين 12 كيلوو وبجذي تكونين وصلتي لوزنج المثالي
يعني راح يصير شكلج فرق 180 %


حطي الهدف قدامج وراح توصلين له اذا قويتي ارادتج

موفقه يارب