عروس متوهقه حدها نصيحتكم

[غايتي جنتي101]

السلام عليكم بنات

بنات انا ملجت من شهر تقريبا بالاول قالوولي العرس بعد سبع شهووور وانا طالبه قلت اووكي وهيأت نفسي خلاص


:eh_s(11)::eh_s(11)::eh_s(11)::eh_s(11)::eh_s(11):


امس داقه خالتي ع امي وقالت لها العرس نهايه شهر 1 :eh_s(2)::eh_s(2)::eh_s(2)::eh_s(2):


المشكله انا هالكورس مضغووطه حدي والمواد اللي ماخذتهم كلهم صعبين ابي ابجي صج صج

بشهرين شيمديني ادور والا افر والا افصل والا اشتري والا ادرس بليز بنات

شنو تنصحووووني اسحب ع الكوورس والا اكمل خصوصا نفسيتي تحت الصفر :eh_s(11)::eh_s(11):

 

[عزتي تنهاني]

الف مبروك الزواج حبيبتي عسى ربي يسعدج نصيحتي كملي وقسمي وقتج عدل ولو عرفتي شنو الاغراض الي تبينهم تخلصين باسبوعين بالضبط ان شاء الله وترا انا بالجامعه نص شهر يناير تخلص الاختبارات ويكون عندج اسبوعين تستعيدين نظارتج وترتاحين اهم شي بنظري الدراسة
كتبي الاغراض اللي تبينهم بورقه وشوفي موضوع المشتروات راح يفيدج ويختصر عليج الوقت واي مساعده احنا بالخدمة
توكلي على الله وشدي حيلج عسى الله يوفقج

 

[Ro0ora]

وااااااااااااااي الله يعينج ..

حبيبتي سمي بالرحمن .. وتوكلي على الله ..

إذا إنتي شايفة إنج متوهقة بدراستج وقفي قيدج ,وبعد العرس كملي .. وبرايي إنج توقفين لأن نفسيتج بتتعب من الجهتين الدراسة والتجهيز أنا ألحيين دوام وأحس طالعة روحي إنتي شلون . أنا قلت بكمل دراستي بعد الزواج وأنا عرسي بإذن الله بيكون شهر فبراير ..

الله يعينج ويسهل عليج يا رب ..
​

 

[beren saat]

ياااااي الله يعيننج

لا توقفين قيددج حرررام عليج

اهم شي قسمي وقتج عدل

وخلي خواتج او عماتج يجهزون معاج يساعدونج بالاشياااء اللي مافيها قيااس يشترونها لج

وخططي صح لا رحتي السووق لاازم لاازم تكونين عاارفه شنو بتشترين مو تروحين جذي عمياني

اول اسبووع بجايم قمصاان

ثاني اسبوع لبس للشقهة

ثالث اسبوع اشتري لج ذهب واكسسوارات

بلشي بالدراريع من الحين افتري خصصي لج اسبوع للدارايع

وجذي راح تكونين مرتبه وقتج ويمدديج ماعليج

الله يوووفقج

 

[غايتي جنتي101]

مو قادره والله ابطل الكتاب اقعد ابجي خصوصا للحين ما يابوا المهر تخيلوووا شهالوووهقه امانه

ابوي يبيني اكمل وامي تنصحني اوقف هالكورس وانا محتاسه صج بعمري قضيت وقتي كله بالبجي

ما عندي عمات واخواتي مسافرين الحج وامي مره عوده _!

دعواتكم لي

 

[عذبة الاطبآع]

لآ نصيحه لآ توقفين هالكورس و الله سهـآلآت حرآم مـآ بقى شي على الكورس

وآذآ على التجهيز يمديج آنشـآلله حتى آذآ جو خوآتج و خآلآتج قسمي عليهم الشغل مثل وحده تشتري البجآيم ووحده المكيآج

واللحين عندج شهر 11 معرض العطور و السـآعآت خلصي شغلج منهم

وابدي من اللحين افتري على النفنوف الابيض و احجزي الصـآلون و المصوره

بس آنتي لآ تحـآتين ترآ يمديج بس هدي شوي

والله يوفقج ويتمم عليج

 

[عذبة الاطبآع]

و لـو تبين شي مني عوينـآتي لج

يعني آرقـآم الصـآلونـآت و عناوينهم و المشـآغل

قولي اللي تبينه و مـآ رآح آقصر معـآج

 

[غايتي جنتي101]

عذبه << الله يخليج يارب ويجبر بخاطرج

بس مشكلتي بالجامعه اوقف والا ما اوقف تعبت

 

[عذبة الاطبآع]

لآ لأ توقفين مآ بقى شي و بعدين الكورس الاول دآيم سهل و آريح من الثـآني

آنتي آي كلية ؟!

 

[بكره أحلى وأحلى]

وعليكم السلام ورحمة الله

حبيبتي حاسه فيج بس اذا تبين نصيحتي لا كملي هالكورس دراستج اهم

على الاقل تخلصين كورس بمواده وهالكورس اصلا ما بقى عليه شي

انتي بس قسمي وقتج صدقيني بترتاحين وكتبي كل شغلج بورقه

طبعا الاهتمام بيكون كل يوم والدراسه بعد علشان ما تتراكم عليج المواد وبيوم الامتحان ما تكونين مضغوطه

وخلي يوم الاجازه اللي هو الجمعه للسوق او الخميس والجمعه للتسوق وصدقيني بتخلصين

يعني فكري فيها اهم للحين ما عطوج المهر تسحبين موادج شنو بتسوين حزتها ؟


وبعد الزواج صدقيني بتتمنين لو انج تخلصين بسرعه لان الزواج مع الدراسه متعب


واذا محتاره نصيحه صلي استخاره واختيار الله هو الافضل لج لانه اعلم بحالج اكثر منا


موفقه

 

[MiSS B.K]

الله يعينج ويسهل امورج

 

[غايتي جنتي101]

كليـه التمريض عذبـه ..

المشكله نفسيتي مو متقبله لانه كنت حاطه ابالي بعد ست شهور ( نكبه والله )

المهر قالووا لامي بجيبونه هالاسبوع .. بس اهم شي عندهم العرس بهالموعد ماادري اشفيهم مستعيليـن

مشكوووريــــن بنات ويعطيكم الف عافيه

بس خلاص قررت اوقف قيدي والله يعوضها علي _!

 

[beren saat]

الله يعيينج ياحييااتي

ماعليه ان شااء الله خيررره انج وقفتي قيدج

الحين سهالات موضووعج

وعندج وقت كااافي عشان تجهزين نفسج فيه

اول شي بلشي بالحجوزات واافتكي منهم

بعدها بلشي باللبس

والله يوووفقج

 

[Angel-Lady]

انتي بس خطبتي و لا ملجتي؟

لان بعد المجله خلاص هذا يكون زوجج و حلالج ، اتروحين و تطلعين عادي معاه ... مو خطبه اتكون فيه ممكن صعوبة تواصل بالنسبه بعض الاهالي

لازم يصير تفاهم بينج و بين زوجج مو بين امهاتكم... انتو متزوجين الحين

انتو متفقين من أول بعد سبع شهور ليش اتغيير الموعد؟ و المفروض انتي و زوجج تتفاهمون على الموعد مو الام الي تغير

بس دراستج أبدا ما توقفينها و لا تاجلينها بس لازم اتسوين الي يريحج انتي بتكونين تحت ضغط كبير

و صلي استخاره و شوفي

 

[| تفاصيل |]

حبيبتي مو من صجج
بتوقفين قيدج عشان التجهيز !!!

حرام عليج دام مواد صعبه افتكي منهم وانتي مو متزوجه
باجر لي تزوجتي مالج خلق شي

نصيحه لا اتوقفين ولا شي
وقسمي وقتج روحي السوق ويك اند
والله يمدي
٣شهور تجهيز كفايه
وبعدين الدراسه تريحج من محاتاة التجهيز والعكس

موفقه

 

[درة أهل الطولات]

عادي جهزي ويعني الدوام ما يأثر

 

[طنيانه]

الله يعينج اب