عروس محتارة :( بليييز ساعدوني

[sweera_85]

السلام عليكم

بنات انا ان شاءالله راح اسكن في بيت اهل زوجي

وما ادري شنو ألبس اذا قعدت معاهم او نزلت لهم

فيدوني الله يعافيكم وقولولي من وين اشتري​

 

[عروسة بيبي]

رد : عروس محتارة بليييز ساعدوني

هلا حبيبتي ...

لازم تفصلين لج دراريع حق النزله تكون ناعمه وفيها قصات حلوه ولاتقولين ما البس انا دراريع انا نفسج واظطريت افصل دراريع يوميه نوعي بالالوان والقصات انتي عروس ولازم اول شهر على الاقل تلبسين دراريع ... وعندج العربيد روحي افتري فيه بتحصلين اشكال وانواع او اذا تحبين شغل الحريم وانتي براحتج ... والله يتمم لج على خير يارب

 

[خوختي دنيتي]

هلاحبوبه
اول شي الله يتمم عليج
ثاني شي انتي خلج على راحتج يعني لاتضغطين على نفسج وتتكلفين
لانج بتعيشين عندهم يعني خلي لج ستايلج اذا تحبين جنزات وقمصان عمليه
ولاتبين دراريع هم اخذيلج اشياء ذربه موخبه عشان لاتحرقين كروتج لان
اكيد وراج استقبالات ومناسبات فخلي الكشخه لوقتها والايام العاديه خلج ناعمه
واذا تبين اي شي سألي يالغاليه

 

[sweera_85]

حبايبي مشكورين ما قصرتو
بس ليلحين ما وصلتلي الصورة يعني لو عندكم مكان اقدر اشتري منه هالسوالف اشياء ناعمة وبنفس الوقت راقية وحلوة

 

[*^ *الليليم]

دراريع ناعمييييين ~
و ملافع مرتبه ع الاطراف شوارفسكي و لا شغل بسيط

اهم شي اللي يريحج

 

[بولندية]

انا خيطت دراريع. ولان ماعتده الا اخو واحد صغير ما لبس حجابي عنده ف خيطت دراريع قصيرة شوي شكلها احلى وموقفه

 

[7noOna]

رد : عروس محتارة بليييز ساعدوني


اخــذيـلـج دراريــع ناعــمــيـن من مجمع العربيــد بالفروانيه ،، عــلـى 25 و 30 الوحده


و موديلاتهم اتيـنن



^^ عاد اختاري شغلات ناعمه و تطريز و ألوان فاتحه يعني درجات البيج عندي احلى شي



اخذيلج 7 اتوقع كافي

 

[انا انت]

رد : عروس محتارة بليييز ساعدوني

البسي اللي يريحج وحلو الداريع القصار والجنزات ومبروك مقدما

 

[أم*سلمان]

دراريع وبدل استقبال