عروس واكتشفت ان زوجها مافيه عيال

[deenaa]

السلام عليكم بنات

رفيجتي توها عروس صارلها شهرين واعرفت ان زوجها ما اييب عيال
وايد محتاره ..و زوجها كامل والكامل الله و مفكره تنفصل عنه
انا اقولها صبري يمكن يتعالج
والمشكله اهي عرفت بروحها و ما تناقشت معاه ولا احد يدري من اهلها
اشرايكم بنات ؟؟
كل وحده تقول لو كانت مكانها لاسمح الله شنو بتسوون؟

 

[.>حــــــــ(و)ـــراء<.]

هلا حبيبتي والله انا اقولج رأيي وبصراحه وبدون فلسفه لو انا مكانها بقول

الحمدلله وكل شي نصيب بالدنيا ودام زوجها كامل والكامل الله تصبر عليه

والحين الحمدلله الطب تطور حيييييييييل يقدر يتعالج وفي تلقيح وفي انابيب

وفي واااايد اشياء تساعدهم واذا الله كاتبلهم شي بيصير؛؛ و انا اعرف وحده

تصير حق زوجي قعدت 10 سنين ماحملت وكل الفحوصات تقول انها سليمه و

زوجها حيواناته المنويه 0 صفر صفر صفر!!!!! راح عالج وعقب سنتين حملت

وقبل اسبوعين يابت ولد تخيلي

الله قال اسعى يا عبد وانا اسعى معاك

ومافي شي بعيد عن الله وصدقيني انا لو مكانها بصبر على زوجي

لانه اغلى شي عندي بالدنيا

وعسى الله يرزقها الذريه ان شاءالله

 

[$غــ(ز)ــل$]

حبيبتي دام زوجها مومقصر معاها بشي خليها تصبر عليه
والله بالوقت هذا صعب تلقى زوج كامل والكامل الله
انا زوجي الحيواانات المنويه عنده صفر
ولامره بحياتي فكرت اني اتطلق منه والسبب اني لو الف الدنيا كلها ماراح القى واحد يحبني ويخاف علي كثره
ومثل ماقالت اختي دلوعه الطب تطور وكل شي باذن الله له علاج
واناا بصبر معاه وباذن الله لي الاجر
وربي راح يعوض صبرنا خير ويرزقنا الذريه الصالحه

 

[deenaa]

اخت كويتيه مشكوره على ردج
الصراحه رايج عين العقل
وعسى الله يشافي كل مريض ويرزق كل محروم

 

[deenaa]

اختي غزل و صبا شوفي الخاص

 

[كويتيه مذهله 87]

اخليه يسوي اطفال انابيب

الله يشافيه زوجها

او يمكن ما تأكدت عدل لازم تتأكد عدل خليه يسوي تحليل حبيبتي

 

[deenaa]

اخت كويتيه مذهله يصير تسوي طفل انابيب اذا مافيه حيوانات منويه الريال؟

 

[دمثة]

اذا الرجال زين وكامل خلاص كلشي يتعوض

وتصبر وان شاء الله بيرزقهااا

 

[أعرف قدر نفسي]

شلون عرفت ؟
يعني هو راح حلل السائل ؟

 

[deenaa]

لا بس زوجها مافيه حيوانات منويه

 

[.>حــــــــ(و)ـــراء<.]

اذا مافيه حيوانات منويه عادي يقدرون يسووون اطفال انابيب ومثل ماقتلج واحد من اهل ريلي

كان جذي والحين مرته ولدت قبل اسبوعين ويابت ولد

 

[أسيرة أحلامي]

اذا اهو ماسوا تحليل للسائل المنوي شلون عرفت انه مايجيب عيال خبري النسبة تبين بالتحليل ..
وبعدين بعض الرياييل اللي ينقال عنه عقيم ينزل منه السائل بصورة طبيعية بس يبين بالتحليل انه ماكو حيوانات منوية صفر يعني ينزل مني بس ماكو حيوانات منوية مثل ما قلت لج.

ثاني شي اهي لا تحكم على الريال واهيا مومتاكدة بس مجرد شكوك ولا تهدم حياتها بسب اوهام اهيا مو متاكدة منها 100% وبعدين تلاقيه تزوج وخلف واهيا تقعد تاكل بروحها ..
فنصيحتي لها تنسى هالموضوع وتستانس وتعيش حياتها واذا صار لها ست شهور او اكثر وما حملت تروح لدكتورة وتقولها انها تاخرت بالحمل وتبي تجيك على عمرها والدكتورة اوردي راح تطلب تحليل الزوج فتتاكد وبجذي تكون ماخسرته واجرحت شعوره كرجل. لان الريال ما يحب احد ينقص من رجولته ..
وثالث شي حتى لو افترضنا ان كلامها صح ترى الطب تطور وحتى الريال الي حيواناته صفر تقدر تسوي حقن مجهري بيوم العمليه بنفس الوقت اللي يسحبون منها بويضات يسحبون من خصية الزوج الحيوانات المنوية..
والله يرزقها يارب بس لا تستعيل ..
واذا تبين اقولج تجربتي انا حاضرة واي استفسار هم حاضرة .. عندي خبرة خمس سنين

 

[.>حــــــــ(و)ـــراء<.]

اطلالة شجن قوليلنا تجربتج عشان نستفيد اذا ممكن

 

[deenaa]

اطلاله شجن : اذا اهوا اساسا ما ينزل منه المني كلش خلال المعاشره