بدل سهره عندج ليلى جالري كله بدل سهره وفيه جم محل مال عروس ومكانه بسالميه
مجمع زهره في بعد بدل سهره وبدل حق طلعات عرووس وفي محل قمصان نوم تحت بالدور الارضي هم بعد مكانه بسالميه
عندج البستان في الطاهر حق قمصان النوم وفي محل مال وحده كويتيه وايد عرايس يجهزون منه بس ماعرف اسمه والله بس انتي اذا افتريتي وانتي تمشين راح تعرفينه يبين فيه دراريه وبدل استقبال هم بعد مكانه بسالميه
وعندج الفنار بعد في محل ملابس داخليه فوق واكو محل تحت بس كلشش مايعجبني ولامره رحت وشفت شي حلو وفي بدل طلعه هم بعد مكانه بسالميه
عندج مرينا فيها محل مال قمصان نوم واندر ويرات ومحلات وايد حق ملابس الطلعه وهيك وهم بعد مكانه بسالميه
كلهم تقدرين تروحين لهم بيوم واحد اذا فيج شده تفتررين
لانهم بمكان واحد عرفتي
عندج 360 مول هذا مكانه بروح بجنوب السره في محل تحت مال عرايس واايد ناعم وحلو انا خذيت بدلتي منه أيلي صعب كان مصممها وهالمحل معروف موجود بدبي ومصر جنه بعد والحين كله البنات ياخذون منه لانه وايد ناااعم
وهم بعد بـ360 تحصلين لج جم بدله حق طلعات ذربين واهو فيه ماركات بعد
عندج الأفنيوز على الخامس مكانه هذا يبيله يوووم بحاله حقه فيه كل شي سهره طلعه ماركات لانجري اممم كل شي
ني حق الدراريع ومشاغل الحريم قريت رد من ردودج انج بتروحين البلوكات البلوكات تره محلات خام بس الخيايط الي فوق التراث الهندي يقلدون دراريع المعارض وبسرع ارخص اكيد مو نفس دراعه المعرض الخام يختلففف وايد لانه هاذي ارخص بس هم حلوين ترا
المهم عندج بيت ديفا وبيت كريزما انا اقول لو تروحين له بدال البلوكات احسن لانه سعرهم مناسب وفي اكثر من وحده تبيع يعني متنوع بصراحه بس ما ادري اذا تحصلين دراريع هالوقت من السنا لانه مو حزت رمضان ومكانه بالضبط تخلين سوق شرق على ايدج اليمين وتلفين فوق تحت وبالضبط بالضببببط يم مستشفى الاميري
وعندج 52 دقريز_ اكيد فيه دراريع بس غاااالي شويه وانا احسه ما يسوه لانه بيت ديفا يسون نفسهم واحلا منهم بس ينزلونهم برمضان مو الحين وهم بعد عندج _ مهره _ يم 52 شغلهم ايننننننننننن بس لازم تحطين موعد قبلها
عندج الصالحيه كل ماركات بالديره مكانه
عندج الرايه بعد هم بالديره
وبس تعبت ان شاء الله تحصلين غايتج عندنا وتسهل كل امورج عروستنا :*
