عروس وضيقه تخنقني

[هيونه الأموره]

السلام عليكم ​

حبيت اسالكم ياعروسات انا مخطوبة واستخارت بس ماحسيت بشي
وصليت استخاره اكثر من عشررر مرات وبرضو ماحس
المهم توكلت على الله وافقت والحمدالله ومشاءالله الامور ماشيه ومابقي على الملكة شي
بس احس بضيقه بين فتره وفتره وافكر ارده من الضيقه الي تجيني وتفكني بس تجيني اذفكررت بالموضوع الزواج وكذا اوفتحت الموضوع مع اهلي واحيان لا من نفسه تجي بدون ماتكلم بالموضوع المهم من مثلي وهل هوطبيعي ام لا اردها علمنا بان اتفقنا ​

على كل شي وملكتي بعد شهرر تكفون ريحوووو بالي وشووورو علي ولاتنسوني من الدعاء :eh_s(11):​

 

[أثير88]

اولا الف الف الف
مبرووووك مقدما وربي يوفقج
هاذي حياتج محد له شغله
رأيج هو الاول والاخير
فكري فيها عدل
هاذي حياة تجمع بين اثنين و مسوؤلية
واهم شي تكونين متطمن ومرتاحة
وابعدي نفسج عن الوسوسة
وتعوذي من الشيطان
واهم شي اذ الولد اخلاق وطيب
واهلج شايفنه زين لج
توكلي على الله
وربي يهدي بينكم ويوووفقج
ويجمع بينكم بالخير،،،،،

 

[عذبة السجآيآ]

شي طبيعي تحسين بضيقه بسبب التفكير والمحاتاه

توكلي على الله وعسى ربي يتمم لج على خير ان شااءلله

ولو اهو مو زين اهلج ماوافقوا عليه

وانتي كثري الدعاء والاستغفار وعسى ربي يكتب لج اللي فيه الخير

 

[يؤ !!]

اسالي نفسك وشو اللي سبب لك الضيقه ممكن فيك خوف من الحياه الجديده اللي بتقبلي عليها
وهذا شي طبيعي ترى ...
عموما باقي شهر على الملكه استخيري لين يقرب موعد الملكه وتوكلي على ربك
وتاكدي الخيره فيما اختاره ربك
والله يوفقك

 

[حناينq8]

طردي ابليس عنج
ترا النفسيه تاثر على البشره والشعر
فكري بان الياي احلى واحسن
والله يسخر لج ريلج واهله
ومبروك مقدما

 

[مجنونة هع]

يا بنت الناس عادي يبا لا تضايقين ولا توترين توكلي على الله واملجي

 

[Hajer~]

الف الف الف مبروووووووك

عآدي ترآ كلنا مرينآ بهالشي
انا للحين كل ماتذكر معدتي تعورني لوول
بس تعودت بعد الملجه وكاني الحين الحمدلله
بقآ العرس هم خاايفه وحدي مخترعه واحس مادري شلون *_*
لانها حياة يديده

واذا الريآل ولد حلال وخلوق واهلج مو شايفين عليه شي
توكلي على الله حبيبتي

 

[اشكي]

انا للحظه هذي خايفه ومتوترة احاتي كل شي

 

[شلة بنات وبس]

ربنا سبحانه وتعالى قال فى كتابه الكريم وعسى ان تكرهو شيئا وهو خيرآ لكم تعوذي من شر الشيطان يا اختى الغاليه وتوكلى على الله هذا وسوسة ابليس لعنه الله الى يوم القيامه مايحب احد بالحلال ويحب الخراب والدمار وان يوسوس لبني ادم ويمكن هذا الزوج يكون خير وبركه ويسعدج الى اخر يوم فى حياتج بعد عمرن طويل والف مبروك مقدما ودايما يجي هالتوتر للبنات المقبلات على الزواج لان شي غريب وجديد ومجهول وان كيف تترك بيت اهلها وتعيش مع رجل تجهله لا تخافين واعتمدى على الله سبحانه والتزمى بالصلاة وكثرة الأستغفار وربنا يوفقك

 

[ريـ’ـآنـهـ‘]

اول شي مبروك مقدما والله يكتب لج الي فيه الخير والصالح لج يارب


حبيبتي انتي نفسي بالضبط
انا من صليت استخاره واحس بضيقة بشكل مو طبيعي وودي ابجي وصليت استخاره كذا مره وضيقة تروح وترد


وسألت اخوي مطوع قالي اذا انتي صليتي استخاره الله بيكتب لج الخير واذا كان شر لج بيبعده عنج
وماورد انه من صلاة الاستخاره الانسان يحس بضيقة وهذا يعتبر وسوسة الشيطان

والحمدلله الله يسر لي اموري وملجت :$


والله يوفقج يارب بس انتي حاولي تشغلين نفسج ولا تفكرين وايد

واقري سورة البقرة...والله يوفقج ان شاءالله ويبارك لج

 

[kwait doll]

اكيد اي قرارات مصيريه يصاحبها تردد وخوف واحنا مو عارفين ظروفج عشان نحكم تتزوجين او لا بس اذا كان الريال ما يعيبه شي توكلي على الله ووافقي

 

[LoLaTi]

حاشني هالشعور بس لاني ماكنت مقتنعه فيه من اول شي وكنت رافضته من البدايه ف هالشعور كان وايد يحوشني بس انتي اذا كنتي حابته ومقتنعه فيه ترا هذا شعور طبيعي يحوش كل بنت صدقيني اما اذا ماكنتي مقتنعه فيه ومشيتي على راي اهلج انا اقولج اعيدي النظر بالموضوع طلبي انج تشوفينه وتقعدين معاه مره ثانيه وتكلمي معاه عن الامور الي مضايقتج او الي مخليتج خايفه ومتوتره وشوفي نفسج بعدها اذا حسيتي روحج ماتقبلتيه لج حق تقولين مابي مارتحت دام ماصار ملجه لحد الحين يعني عندج فرصه واذا شفتي نفسج تقبلتيه وماكو سبب قوي او عيب بالريال يخليج ترفضينه ومع ذلك مازالت الضيقه تحوشج صدقيني هذا امر طبيعي ويصيب كل بنت ومن تملجين انشالله راح يروح منج كل هالخوف والضيقه بتزول انشالله وبتتذكرين وتضحكين على نفسج وموووووووفقه اختي

 

[بنوتة لابشة فشتان منفوش]

التج بقس على عينج:23_asmilies-com: <<<<<<<<<< سوري انفعلت

الحين انشلعت قلوبنا نبي ريحة ريل ماكو وانت بالساهل ما تبينة
عطيني اياه انا اخذه اذا مو عاجبج_03BA:

ناس دلوعة تتبطر على النعمة<<<<<<<<<هم سوري من باب الميانه

حمدي ربج ووافقي انتي مستخيره والله يتمملج على خير

ويرزقني الزوج الصالح عاجلا غير اجل يااااااااااااااااااا رب:yaaaaaarb:

ها شقلتي تبينه ولا اخذه:eh_s(10):

 

[شذى الحب]

انا اقول كثري من الدعاء واقري ديام سوره البقره

 

[فوفونه]

السلااام ..


شوفي حبيبتي انا ماكتبت الا للمنفعه مع انه ردودي قليله .. لكن يعلم الله اني ودي افيدج ..

المهم

شوفي حبيبتي .. ربج ارحم منه مافي .. يعني لمه تستخيرين انتي جذي سلمتي امرج لربج
هو يعرف مصلحتج وين .. واهو يشوفلج الخيره وين .. يعني مو شرط اتحلمين بشي معين
وتفسرينه لااا .. من كثر رحمة ربج انه جعل صلاة الاستخاره اهي طلب من رب العالمين بس
فمن تصلين جذي انتي تطلبين راي ربج وتوكلينه امرج .. اهوا مثل ماقلت لج يشوفلج وين الخيره
ودام انج صليتي اكثر من مره لا تحاتين كلش .. انتي بيد ارحم الراحمين .. انسي موضوع العرس
وبتلقين الامور بروحها تمشي .. اما يكون شخص يستاهلج وربج يتمم .. ولا انه شخص مايستاهلج
وربج يبعده عنج ويبعد شره عنج .. فهمتي فكرة الصلاه الحين ؟؟ يعني طمني بالج وربج كريم ورحيم



بقولج تجربتي في احدى خطوباتي .. واهي لتوصيل المعلومه لا اكثر

شوفي انا مره خطبني واحد وتمت الموافقه من الطرفين .. وطبعا من اخطبوني وانا صليت استخاره
ويمكن ثلاث مرات بس .. المهم اهوا شاف صورتي وعجبته وانا بعد شفته .. ومن ناحية كل الامور
الثانيه اهلي وافقوا عليه وماعليه قاصر .. المهم (( وشوفي العبره ورحمة ربج )) كانوا الرجاجيل
بيجون باجر خلاص بيملجون .. ولا طلع الرجال اللي خاطبني يشتغل مع واحد من الجماعه وقال لنا
عن عيب بالولد (( وكان عيب قوي شوي .. السموحه مابي اقوله )) المهم اهني انصدمنا بهالناس
لأن ماكانوا صريحين .. وكلمناهم وفكينا الخطبه .. والله وقتها بس دريت صليت ركعتين شكر لربي
على رحمته وكرمه علي .. فطمني بالج يا حبيبتي وماخاب من استخار رب العالمين .. اهوا الادرى


سوري طولت عليج .. واتمنى من قلبي اني افدتج بهالسطوور ..​

 

[غايتي جنتي101]

عادي هالشعور للحين يجيني لدرجه امسك الفون لامي واقووولها خلاص ما ابي قولي لهم

مرات مو كل اللي نبيه نحصله

اذا الولد مافيه عيب ارضي البنت مو كل يوم تنخطب

بالتووفيق

 

[لوكي وكلي دلع]

مبرووك بعدين حبيبتي مو شرط تحسين بشي ولا تحلميين بعد صلاه الاستخارة
اذا أهو فيه خييير لج الله يسهل الامور وتم الخطبه على خيير والتفكيير شي طبيعي
يعني عادي الله يكتب الي فيه الخييير ان شاءالله

 

[ما يوصفني قصيد]

حبيبتي صح كلام البنات ومثل ماقالت ريانه مب شرط تحسين براحه عقب صلاه الاستخاره
اذا مشت الامور معناتها ان الله كاتبكم لبعض واذا لا معناتها ان خيره ان انكم تفترقون
وشي طبيعي ان تحسين بضيقه لانج مقبله على حياه ثانيه وجديدة
وكلنا مرينا بهالشي ضيقه وبجي
بس الحمدلله مشت الامور
الله يوفقج ويسر امورج

 

[بنت الاحلام]

هذا لانج خايفه ومتوتره انا يا قلبي كلنا نحس جذي

عادي هذا خوف وارتباك طبيعي

 

[هيونه الأموره]

الله يجززززززززززززززاكم خيررررررررررررررر ويريح باللكم مثل ماريحتووووو بالي
الله لايحرمني منكم