عروس ولكن :( .......!

[/كلي تعب/]

السلام





شلونكم بنات
انا ببدي بقصتي وابي حل بليز
انا عروس
وانا وبنت عمي ماخذين اخوان
وتعبت حيييييييييييل من نغزات الاهل
وان يفرقون بيننا انه هي بتطلع احلا والخ
وانا الحمدالله ماعلي قصور
لكن المشكله عندي اخت كبيره وهي اساسا حسبة امي
واصلا اسميها امي
حيل تهتم فيني بشكل فضيييع
من كثر اهتمامها انا زهقت مليت ابجي من هالشي
تيي من زواره فيها بنات تقعد تقارني فيهم تقول ابيج احلا منهم ،، سوي جذي وجذي ولاتحطين جذي الخ
ماهي مقتنعه ان كل ويه له مكياجه ولبسه والخ
تعبت نفسيا
احس اني تغيرت على رفيجاتي .. اهلي
صايره كله احب اقعد بالبيت
اكره الجمعات
صايره حسسسساسه لدرجه زياده عن اللزوم
اخذ موقع من اي احد واحط حد معاه
حتى اقرب الناس لي بنات عمي
حييييييييل ميانه معاهم صار موقف انه تتطنزا علي بشغله وادري ضحك
خذيت موقف منهم وماصرت احب قعدتهم
حيل اعترف تغيرت نفسيتي
مادري شفيني
خايفه من عرسي باجي عليه 3 شهور
خايفه من التجهيز اخاف من تعليقات البنات
واهلنا
مع انه والله عندي ثقه بنفسي حيل
لكن اختي تاثر فيني حييل
وحتى اقرب الناس لي بنت خالتي صايره مالي خلق اكلمها
واذا احد ناقشني واقتنع بكلامي انهي موضوعه على طوول
ماحب الطواله
وودي افضفض اكثر
وياليت يابنات تفهوني وتنصحوني شسوي
مع هالحاله النفسيه الزفت حشاكم
انطر ردودكم

 

[#الخشف#]

حبيبتي عااااادي مادام عروستين لازم تصير هالمقارنأات ..

بس انتي لااازم تنطنشين هذي الحياه ...

استعدي للزواج وخلي هالمقارنات تحدي لج عشان تهتمين وتعتنين بنفسج


والله يوفقكم..

 

[قطعة حلا2]

اذا انتي مقتنعه بنفسج ماله داعي اتحسسين من اي كلمه
اهم شي راحتج واذا تنزعجين من احد لا تقعدين معاه بس لا تسيرين حساسه زياده عن اللزوم
بكره بتتزوجين وبدشين عالم ثاني تعلمي الطناش وعيشي حق وناستج ويومج
والله الدنيا ماتسوى انه الواحد يتعب نفسيته بأشياء تافهه ،،،
وانا معاج وكنت نفسسج بس قلت خلاص لي متى خل اعيش لنفسي ولحياتي والي مايعجبني مو لازم اغصب نفسي ع القعده وياه
عشان جذي قاعده اتعلم الطناش لانه راحه ،،

وعسى ربي يوفقنا اجمعين ويشرح صدورنا بكل خير

 

[جوري الصالح]

ألـــــف مــــبروكـــ
لا تقــــلقيـــن حسبــــــة الوالـــدة
تحـــــبلك الخـــــير والاحـــــلى

 

[{ غصن البآن }]

يابختتتتتتتتتتتج بهالاخت

مهتمه فيج وشايله همج

عطيني اياها ماقول لا هههههه

امبيه من صجج تتضايقين من الاهتمام حتى لو كان زايد عن حده

انتي تقولين عندج ثقه بنفسج

بس انا اسفه انتي ابدا ماعندج ثقه بنفسج

والدليل ان كلمت اختج لا قارنتج مع احد تأثر فيج

حبيبتي الواثق له شخصيه ونمط ولون

في كلمة قالها لي دكتور

وترن باذني وانا اقولها لج وانتي تأمليها

( حبي ذاتك )

حبي نفسج بعيوبها

حبي عيونج الصغار - خشمج المو حلو - طولج - متنج

ايييي عيب كان

واعرفي ان لج مزايا تغطي هالعيوب مهما كانت

الشكل خلقة ربي ، والاهتمام من صنع ايدج

كل امرأة انثى مهما كان مستوى جمالها بس حسب اهتمامها بنفسها وشخصيتها

كل هالمقدمة الطويله

عشان تعززين نفسج من داخل وما يأثر فيج اي كلام حتى لو اختي

اختي حبيبتي تحبني وتبيني احلا البنات بس ( انا انا ) ما ادخل مقارنات مع احد

اقولها باسلوب لطيف بالعكس شحلاتي يكفي اني انا راضيه عن عمري

المقارنات تولد الحسد

العروستين دائما بينهم مقارنات فمبالج لو كانت بعد بنت عمج

باجر حتى بالحمال يناشبونج ، وبالسفرة ومعاملة الريل والياهل اذا جيكر او حلو

اذا فتحتي مجال بتتعبين نفسيااااا وتكرهين نفسج وريلج وعيالج

بتكونين كئيبه ونفسيه وعينج على خير غيرج

الشي اللي بيدج بيكون عادي لو كان وااااو واللي بيد غيرج دايم احسن منج

لاتحسين اني ابالغ

هاذي تراكمات امور انتي بنفسج تحطين لها حد

ريحي بالج واقتنعي

واختج مثل ما تأثر عليج أثري عليها

شلون تأثرين عليها ! بكلامج الايجابي عن نفسج

تقولج هاذي احلى قولي والحمدالله انا هم حلوة حمدي ربج غيري مشوه

تقولج هاذي ذوقها احلى منج قولي مابي اصير نسخة احد انا لي ستايل خاص

وهم ارد واقول يابختج بهالاخت الله يخليكم لبعض

عذريني ع الرد الطويل

 

[lulu_q88]

شششي طبيعي دام معاج عرووس يووه ولا شفتي شي بكرا اذا رحتي هناك وصرتوو مع بعضض بتصير المقارنه اكثر

حتى ع المواجيب والعزاييم بيقارنون

خلي ثقتج بنفسسسج كبييره

والله يوفقج ويتمم لج على خير

 

[/كلي تعب/]

مشكورين بنات على الردود المريحه


غصن البان
الف شكر لج ياقلبي
كلامج ريحني واقنعني
بس بنفس الوقت خوفني من باجر
لا يه العرس والامور اللي وراه

 

[مــرح]

انا نفس حالتج بس اسمع مني و اطلع مني

وحاطه حق روحي جدول ماراح اتنازل عنه وواثقه من اللي بسويه و بالطقااااق ماعاد يهمني كلام احد والمقارنات ادري بتصير بس بالثقه والابتسامه واللبس الزين راح تكبرين بعينهم وعين نفسج لا تبالغين بالامور و خلي تجهيزج بسيط ربي بيباركلج فيه واهم شي الزوج اما الباقي طاف الناس مايسد حلجها الا التراب صدقيني


لا تحاتين وموفقه

 

[شربـــات لـــوز]

غصن البان كفت ووفت
لكن اختج مثل اختي بضبط ومن كثر ماتنرفزني قتلها لوسمحتي انا متوتره لا توتريني زياده وهذا يومي انااااااا مالج شغل مو لازم كل شي يعجبج
يبه سوي الي تبين خو يوم بالعمر استانسي يبه خخخخخخ

 

[M!SS.LOBY]

الله يحفظكم للبعض

 

[︶ м!śş ęţịκịţ︶]

انا مثل حالتج كانو يقولون لي عروستين والله يعينج وسوي وحطي
بس انا والله شريت راحة بالي وماسمعت لاحد لاني واثقه من نفسي وهذا يكفيني

وحطي قاعده ببالج انه كل وحده لها ستايلها ولها جمالها وارتاحي
والله يوفقج ويهنيج وشيلي من بالج وجود مقارنات واعتبريها ليلتج بروج وبتطلعين فيها اميره وملكه


والله يسعدج

 

[ms sooola]

حبيبتي دام فيه عروسين لاززم المقارنات .. انا نفس وضعك عروستين لكن واثقة من نفسي وعارفة باذن الله باكون باحسن طلة وانتي حبيبتي خلي هذا الشي دافع عشان تهتمين بنفسك اكثر وماتتكسلين وبعدين ماعليك من احد ترا ماحد مرتاح والناس بالزين والشين يتكلمون ريحي راسك وقدامك 3شهور اتهمي بنفسك وبشرتك والله يوفقك ويسهل امورك ويسخر لك زوجك ^^​

 

[لوزين]

مالج شغل بأحد الناس بجميع الاحوال بتتكلم يموتون عالسوالف

طنشي طنشي طنشي وخلي ثقتج بنفسج كبيره
وترى النعومه والبساطه حلووه

واهم شي تعاملج مع اهل زوجج لاراح ينفعج لا لبس ولامكياج ولا جمال اللي ينفع التعامل بس
وخليج راعية واجب ودايم متواجده بمواجيبهم لان هالشي اللي يبونه من الجنه


واختج ذهب بزمن نادر جد كلنا محتاجين لاخت تساعد وتنصح وتهتم الله يخليكم لبعض يارب


وموفقه خير

 

[/كلي تعب/]

الله يسعدكم
مثل ما اسعدتوني /)

 

[Gorgeous ~]

اهم شي تسوين اللي بخاطرج والعرس مره وليله !
كوني واثقه من نفسج ومن جمالج < وايد مهمه هالخطوه عشان اتكونين احلآ الموجودين

سوي اللي تحبينه ولا تغصبين نفسسج على شي ماتبينه بتندمين بعدين صدقيني

 

[مدّهره !]

مااقصروااا البناااات ...’

 

[omaseel]

لا تسمعي لكلام احد

 

[مـهـــابــــه]

حطي فبالج الثقه نص الجمال
الابتسامه الحلوة النعومة الذرابه الانوثة .. خلي لج ستايل بروحج لا تصيرين نفس فلانه ولا علانه
اكثر البنات ماذبحهم الا التقليد و بصير مثل هذي وهذي

 

[طيبة83]

اسخف شي عروستين بليله وحده المفروض هذي ليله بالعمر تكونين انتي محط الانظار

على العموم غصن البان كفت ووفت ما بزيد ع كلامها