عروس وليزك العين؟تعالووو

[نحوله العسوله]

السلام عليكم

بنات بدون مقدمات انا عرسي بعد4شهور بسوي عمليه ليزك

شكثر مدحولي سامي ربيعه


وسمعت حجي انه كبر وايده ترجف ومن هالحجي شرايكم ؟!منو سوتها عنده بهالفتره !!


اللي تعرف لاتبخل علي

 

[قلبهـ 86]

ماااعندي فكره


اب ​

 

[اميره^_^بحلآها]

ما عندي فكره والله

 

[دلوعة الـ غ ـيم]

الله يوفقك و يكتب لك الخير كله يا رب

أنا بعد عروس نفسك و عرسي شهر ١١ و ناويه اسوي عمليه ليزر

و طبعاً اختي كانت مسويه عند الربيعه من قبل اول ما اشتهر بس الحين

ما ادري سمعت نفس الكلام اللي انتي قلتي بس ما اقدر احكم

بالنسبه لي ناويه اسوي عند مركز الزهير الطبي

ولد اختي سوا عمليته هناك بس ما كانت ليزر لا اتوقع قرنيه او شي كذا

و هم بعد حريم عيال عمي مسوين عنده و يمدحونه و ان شاء الله تتسهل امورس و اسويها قريب

و ان شاء الله البنات اللي عندهم خبر يفيدونك بالمعلومات اللي تبين

عسى الله يوفقك و يكتب لك الخير كله يا رب

تحياتي لك

 

[نحوله العسوله]

ياريت يفيدونا

حتا بالاسعار

؟!

 

[((غلاي))]

بالعكس وايد اعرفهم مسوين عنده بس اسعارة غاليه مقارنة باسعار باقي العيادات

 

[غنآآآتي]

اختي سوتها عند محسن ابل والحمدالله ما شكت من شي ..

 

[Cat ^ q8]

نفسي أنا إن شاءالله بسويها
حبيبتي معروف سامي ع مستوى الكويت مسويه عنده نوال الكويتيه
امي مسويه عنده من ٥ سنين ب ٦٥٠
ولد خالي مسويها عنده من سنه وشي ب ٩٥٠
اسعاره حييييل غاليه بس مضمون

 

[دآهيــه بحـلاهآ]

جنج اتدورين علي مو !


حبيبتي انا بعد عروس وعرسي بعد جم شهر
وسويت عملية ليزك اسمها فوتوسكند عن سامي الربيعه
عمليتي كانت ٢٠١٢/٦/١١ والحمدلله وايد زين الصراحه
انا الحمدللخ اشوف احسن من اول
واختي سوت عند دكتور ثاني قبلي باسبوعين
هي مو راضيه من النتيجة وتقول تشويش قووي وتحس ما تحسن نظرها حيل
اما انا عند الربيعه الصراحه الحمدلله تحسن نظري وفعلا اكيد لازم يكون في تشويش لمدة من شهر لي ثلاث شهور

وكانت عيادته مزدحمه وانا قبل اسوي العملية سالت وايد ناس بصراحه احسن دمكتور الربيعه
ولا تغامرين لاي مكانروحي لواحد زين لان هذي بالنهاية ين
انا النتايج ترا على حسب العين عني ما اقدر افيدج حيل


والاسسعار الليزر العادي ب٧٠٠ وشي
اما اليزك ١٢٥٠

ويسوون لج فحص قبله عشان يشوفون اشفيج ب٥٠ او ٧٠

فععلا غالي بس احس احسن دكتور مادري عن الباقين
بس اختي سوت عند المنصور وماعجتها النتيجه


وامانه كل وحد تدعيلي ان اللي يتمم علي
محتااجه دعاكم لي

 

[ياربي انا دلوعه]

هلا حبيبتي شوفي انا سويتها العام عند سلطان المطيري ب450 والحمدلله ارتحت عنده حيل وحتى مرات اروح له زياره اجيك وجذي اطلع من غير ما ادفع فلوس يعني وسعره زين وشغله دقيق حتى بالعمليه كان يسولف معاي يقول عشان ما تخافين انا معطيته طناااااش هههه ميته من الخوف مقدر اتكلم (( طلعت برا الموضوع
المهم قبل كل شي استخيري والله يوفقج

 

[نحوله العسوله]

ماقصرتو بنات حيل افدتوني

استخرت وبتوكل ع الله
داهيه بحلاها حيل طمنتيني روحي الله ينثر السعاده بطريجج وطريجي وطريج القارى

 

[دروب البنفسج]

الله يسهل عليج ويوفقج وانوشاءالله اتسوينها وتنجح واله يتمم لج عرسج على خير

 

[Mjnont '3lay]

حبيبتي انتي دامج استخرتي خلاص الخيره فيما اختاره الله توكلي عليه وسويها حبيبتي بس سويها الحييين قبل عرسج لانه شي طبيعي رح تلبسين عدسات بليلة عرسج فعشان مايأثر ولا يصير تشويش سويها الحين وافتكي الله يوفقج يااارب ويتمم عليج فرحتج ويزفج لزوجج احلى عروس

 

[ربيع_الروح]

بصراحه وانتي مغمضة عند سلطان المطيري

دكتور شااااااااااااااطر بمعني الكلمة

وغير مادي

 

[مارياq8]

انا سويت عنده قبل 4 سنوات بــ 400 والحمدلله تسهلت مع اني كنت خااايفه

صرراحه انصحج تسوين عنده..

 

[Glamour-mutir]

في شغله مهمه ما قالوها البنات انه ما تقدرين تلبسين عدسات لمدة 6 شهور بالكثير


اما عن الدكاتره ربيعه مرت عمي مسويه عنده وتمدحه
وسلطان المطيري هم سمعت من ناس اعرفهم من بعيد مسوين عنده ويمدحونه

 

[Huda alotaibi]

مممممم حتى انا كان ودي بس وايد اتتراجع
ومرتاحه على نظاراتي
على فكره ترا طبيب العيون يلبس نظاره
>>>>> اللي يخوفج الاخطاء الطبيه نادر ماتنجح العمليه ما اخرعج بس
خلج على نظاره وايد احسن مع اطار انتي تحبينه يمثل شخصيتج
النظاره لها نكهه خاصه ((( وجهه نظر
شحلاتي عروس ونظارات شانيل

 

[أسوول]

انا توني عروس قبل شهرين

وسويت عند سامي الربيعه شهر 1 ولبست عدسات شهر 3
عااااادي
واحسسسسسن دكتور هو
مسويلي انا وبنت خالتي وروحي له وانتي مغمضه وعسى الله يوفقج يارب

 

[طموحه بزياده]

انا اكره النظارات



ابي اسوي ليزرك

 

[نحوله العسوله]

بنات رحت للدكتور صراحه واحد تعامله قمممه وعاملني كاني بنته

ولا يرجف ولا كبر كلللله اشاعات الله يطول بعمره


قالي عمليتج ليزر مو ليزك

بِـُـٌس بنات اللي سوت ليزر

١/متا طلعت من البيت ؟! يعني ٢يوم ولا اسبوع

٢/متا قل التشويش وبدت تشوف عدل ؟!

٣/ هل في الم بعد العمليه ولا لٌلا لاّ ؟!

وشكرا