عروس وما مثل مشكلتي مشكله >>> تكفووون ياخواتي نصاايحكم

[جبسوفيليا]

السلام عليكم ورحمة الله وبركااته

شخباااركم بنات ،،، انشااالله طيبين

بناات حباايبي ما اطوول عليكم انا حبيت اني اشكيلكم واخذ راايكم لاني عاادتكم مثل خوااتي


بنات انا عررسي قررب ماابقاله شي مثل منتوا شاايفين بالتووقيع وحجزت وكل شي سوويته واهل المعرس من قبل سنه تقرريبا حااجزين ومحددين

اللي حصل إن امي حالياً تعباانه يعني مااتمشي واشيااء ثاانيه بعد امي تعبانه فيها واختي بعد تعبانه وقااعده اتعالج

وامي حالتها الصحيه كل ماله وتسووء اهي تعبانه من سنه و7 شهوور تقرريباً

امي توووها تتكلم وتقول. خل يأجلوون العرس انا مااهمني اهم شي امي تكوون رااضيه عشان الله يووفقني

بس اللي ابيه بنات لوو انكم مكاني بالأماانه شتسوون وابي نصاايحكم تكفوون والله ظاايقه فيني الووسيعه

*

 

[مشتــآقـه]

حبيبتي اكييد رضا امج اهم بس مو زييينه يتأجل العرس وااجد قولي لامج من الحين لين شهر جدااام ماتدرين شنو ربي كااتب يمكن تتحسن حاالتج بس مااا ااايد يتأجل كلش والله يوفقج حبيبتي
ويسهل علييج يارب

 

[mi corazon]

اسال الله العظيم ان يشافيها ويفرحكم

اتوقع امج قالت جذي علشان ما تبي يطوفها احلى يوم بحياتها << اليوم اللي حلمت فيه من ولدتج

لا تهملين الدعاد لها بالشفا

وعرضي الموضوع على زوجج وشوفي رايه

لو ما رضى فلا تأجلينه ... بالاول والاخير انتي زوجته والعرس اشهار لهالزواج

واكيد الوالده بتقدر الوضع

الله يتمملج ع خير

 

[قسوة الزمن]

سوو عرس بسيط وخلاص

 

[KOKO_284I]

ما ادري شقولج بس شكثر راح يتاجل

ومرض امج ربي يشافيها شنو وضعه؟؟

شوفي اهل ريلج شيقولون وريلج

 

[حلمي سرآب]

الله يششفيهااا يارب ولا تظطرون تأجلووووون ..

 

[القمـر]

الله يششششششفيها يارب ويخليها لكمممم

 

[فيونكة_وردية]

اسال الله العظيم رب العرش العظيم ان يشفيها
الله يكتبلج اللي فيه الخير واغلب امورج ياحبيبتي خيره عادي وكلي امرج لله انا عرسي تاجل 3 مرات بوقت كله متقارب يعني 3 شهور ورا بعض كل مره شهر لين الحمدلله رسينا
لاتتضايقين وصلي قيام ليل وادعي قولي يالله ياجبار ياعظيم يامن انت اعلم بحالي يسرلي امر زواجي ولا تريني في اهلي ما يسيئني واكثر من الاستغفار لانه يجعل من كل هم فرج ومن كل ضيق مخرج ويرزقج ربي من حيث لا تحتسبين انا ماني مطوعه ولا ديانتي اللي كلش بس جربت وانا اكلمج عن تجربه قيمي الليل وابجي بين ايدينه سبحانه وبتشوفين من التفريج الهموم الشي اللي يخليج تبجين من الوناسه والانشراح سبحان الله عسى الله يوفقج ياعمري واستغفري استغفري استغفريييييييييي والله كريم

 

[kourt kardshian]

ابد ما أأيد التأجيل
الرسول صلى الله وسلم نهى عن هالشي
وربي يشافيها ويعافيها وويوفقج

 

[قل علها خيره]

الله يخليها لج ويشافيها ويطول بعمررها وماتنحدون لتغيرموعد العرررس,,

 

[عذبة السجآيآ]

الله يشافيها ويخليها لج ياارب


اذا امج مارضت او كانت تعبانه سوو عشاء بس

 

[نــجــود]

اسال الله العظيم رب العرش العظيم ان يشفيها
جدامج شهر ماتدرين شيصير عليج بدعاء ​

 

[زامليه وافتخر]

عسي الله يشفيها ياارب

بس ان شالله مايصير شي لا تحااتين من رائي لا تاجلينه حرام مابقي لج شي

موفقه يارب

 

[بحه غياب]

حبيبتي يمكن امج محتاجه لج كلميها شوفي ليش تبي تاجله

 

[فن وابداع]

اسال الله العظيم رب العرش الكريم ان يشفي اميمتج ويعافيها وقومها لج بالسلامه وتغر عينج فيها وتفرح بعرسج داعيتلج من قلبي يا حبيبتي ربي يهنيج ويسعدج ويفرح قليبج وشافي اخيتج وميمتج اللهم ان لي اختا احببتها فيك فشفي مريضها شفاء لا يقادره سقما وافرح قلبها بفرحا لا يغزوه حزنا اللهم امين *

 

[beren saat]

الله يشااافي امج ياارب وتقووووووووووم بالسلااامه

لا انا ما أأيد التأجييييييييل كلش

ماتدرين شيصير بعدين

 

[حكايتي معك]

اقول من كل قلبي

;

.


الـلــــــــــــــــــــــــــه يشفيها ويشفي اختج ويشفي جميع مرضى المسلمين

 

[..~Goolz]

قولي لريلج راح ااجل العرس جم شهر

والله امج ما طلبت هالشي الا صج صج تعبانه الحين وما تبي تفوت فرصة انهاا تشوفج عروس ومنزفففه

وحتى لو فرضنا ما اتاجل العرس انتي راح تفرحين وامج بالبيت ما حضرت !!!


الله يشافيهاا يارب

 

[إلشآمخة]

استخيري​

 

[فدوووو]

ال شي كلمي ريلج واساليه اذا موافق عالتاجيل كم شر او لا

وهم بعد استخيري ثلاث مراات

وبعدين حبيبتي اعرف لي وحدة سوت عرسها وامها كانت تعبانه وحضرت امها العررس رغم تعبها لانها ماتقدر تفووت الحلم اللي تتمناه كل ام لبنتها

واهم شي رضى امك ثم امك ثم امك