عروس ومتوهقه {{حبوب بالويهه}}

[فلونهـ~!]

السلام عليكم ..

اشلونكم بنات ..
بنات انا عندي مشكله ببشرتي .. انه طلع لي الحب على كبر .. يعني مو بمراهقه من رابعه ثانووي للحين..
والمشكله انه كبير ويترك اثر .. بدون والله ما اقرب له ..
المهم هالمشكله سال له اكثر من 5 سنين وغاثتني .. وامي حييل تخاف من سالفه علاجات الجلديه ..
بسبب وحده من معارفنا سوت علاجات للبشرتها قبل عرسها وبعد عرسها مسكينه سار فيها عقم وبصعوبه حمالها .. المهم انه امي حالفه ما تعالجني ..
بس اخوي اليوم الصغير اجرجني احراج ما بعده .. قال لي:eh_s(16)::eh_s(16):

قالي فلانه ( اللي هي انا) فلان ( اللي هو خطيبي ) شافج عدل ! قلت له ليش .. قال لانج ام الحب ,فيج حب ووايد واحمر .. يقولها وهو مكشر :eh_s(2)::eh_s(2)::eh_s(2):

وهو صغير برابعه ابتدائي :eh_s(11)::eh_s(11):
اخنقتني العبره .. وحلفت باجر اروح ادور علاج ..

بس مو عارفه ووين اروح .. ابي شي مضمون ..

ابي تنصحوني بدكتور مجربينه ..وثقه ..

واذا تعرفون عياده اسنان حق حشوات تجميله .. وتسوي لي ايتسامه هوليوديه نفس هيا شعيبي.. لا تقصرون معاي ..


عسي الله تساعدني الله يفرج عليها كل كرب ويسر كل امورها يارب

 

[فلونهـ~!]

رد: عروس ومتوهقه

ترا علي فكره هذا نك رفيجتي وانا بايقته طبعا بعد ما استاذنت منها
واعذروني على كثره البدليات .. خانقتني العبره :eh_s(2)::eh_s(2):

 

[عسل سل]

رد: عروس ومتوهقه

ماعندي فكره للرفع

 

[كريستال]

رد: عروس ومتوهقه

الله يعينج لازم علاج

واعذريني انا مب من الكويت ولاكنت بفيدج

 

[الدنيا لحظه**]

رد: عروس ومتوهقه

حياتي لاتضايقين ولا شي شوفي روحي الصيديله ومايكلفج 10 دنانير والله راح تدعيلي في كريم اسمه فوسدين والثاني رتن ايه خلطيهم وحطيهم مكان الحبه 3 مرات باليوم وسويلج منقوع مره وخليه بمرش بالغرفه حطي كل شوي واختاري مكياج يناسب بشرتج واستخمي غسول ماركه كوكو وانشالله تصيرين جميله الجميلات

 

[الحورية الصغيرة]

رد: عروس ومتوهقه

مشعل الغريب بالسلام واااااااايد أمين و ما يمدحه نفسه و قبل لا تسوين عنده أول شي ينصحج حيل بالحكومه و اذا ما أقتنعتي يسوي لج تجربه اذا عجبتج تكملين اذا لأ انتي حره

أنا سويت عنده تجربه ليزر نمش ب50 و النتيجه حلوه و ناويه أكمل عنده

و عندج منى الفارس نفس الشي واايد أمينه و لما رحت لها سيده قالت لي أنا ما اعالج النمش كان بالإمكان تقول بجرب عليج تقشير ما تقشير و تقولي بعدين لا ما ينفع إلا الليزر و نصجتني حيييييل بالحكومه بس أنا مسرفه و بعد الحنه مدحتلي مشعل الغريب
و أعتقد الحبوب ما ينفع معاها إلا الليزر

أنصحج بمشعل الغريب

 

[الحورية الصغيرة]

رد: عروس ومتوهقه

و من ناحيه إبتسامه هولوود ما أنصح فيها لانه أشوفها تجكر الوحده ما تحليها > رأي الشخصي

الحكمه وايد زينين و عنده بعد عيادة نيو سمايل بالسالمية

 

[الحورية الصغيرة]

رد: عروس ومتوهقه

ادري ثقلت عليج بس تذكرت شي

في دكتوره حيييل مشهوره عيادتها بالمنقف هذي بعدي عنها قدر الإمكان علاجتها اذا خليتها تسير البشره موووو شي

أخاف ما يسير أذكر إسمها اهني

 

[أم*سلمان]

رد: عروس ومتوهقه

آب

آب

لعيونج

 

[فلونهـ~!]

رد: عروس ومتوهقه

عسل سل, كرستال , الدنيا لحظه . الحوريه الصغيره , ام سلمان ,,
فديتكم بنات .. يزاكم الله خير ويسير لكم كل حياتكم يارب ..

الدنيا لحظه يا عمري ودي بحل جذري لكل حب الشباب اللي بجسمي .. لانه بكتوفي وبظهري .. مابي حل بس للويه ..ودي بعلاج من اساس
يفكني من كابوس حب الشبااب .. اللي سار عندي حب شياب ..

حوريه قلب قولي اسم الدكتوره واذا عندج ارقام ياليت تحطينهم ..

مشكوورين بنااات وجراكم الجه يارب ..

 

[ضنـآني الشوق]

رد: عروس ومتوهقه

آآب

 

[در صافي]

رد: عروس ومتوهقه

روحي حق دكتور ايمن علوان عيادته بالفروانيه كل عايلتي تراجع عنده و ماتبي خاص روحي مركز اسعد الحمد منطقه الصباح الصحيه عند دكتور شمايل السنافي بس لازم تكلمينها بتويتر اذا مو تابع للعاصمه علشان تتدخلين عليها

 

[ديانا سبنسر]

رد: عروس ومتوهقه

التقشير لحالتج ماينفع ؟

 

[دلال و غلا]

رد: عروس ومتوهقه

خالتي اذكر كانت تعاني من حبوب و هم نفسج طلعت لها بعد الثانويه وكانت الحبوب حمر و اللي تروح يصير مكانه حفره
و لمن ملجت سوت تقشير بالحمضيات او شي جذي المهم ولازم تقعد فتره بدون مكياج و تداوم ع كريم عطوها اياه
و طبعا سوت التقشير قبل عرسها بفتره طويله لان يبيله التزام و تصير البشره تتقشر واهي اذكر اخترعت لان بشرتها صارت تتقشر بس قالو لها عاادي وتصير البشره حساسه عن الشمس بس النتايج فضيييعه صارت بيبي فيس

 

[حلا النواظر]

رد: عروس ومتوهقه

روحي دلال التركيت
والله بنت عمي وجهها ماتشوفين ملامحها من الحبوووب غبت فتره شهرين ماشفتها
عقب والله مرااايه صار ماشاء الله
وعند دلال

 

[PuPa^^SWeeT]

رد: عروس ومتوهقه

انا كنت نفس مشكلتج


بس عالجتها و انا بالجامعة


و طبعا يبيلها مداراة البشرة



رووحي طبيب جلدية

يوصفلج اول شي كريم ينشف الحبوب و ينظف البشرة


بس اتخلصين من هالعلاج

اتردين مرة ثانية تاخذين كريمات اتشيل الاثر




اذا اتحبين اعطيج اسم الدكتورة بالخاص



انا سويت جذي


و الحمدلله الحيين حتى ما احط فاونديشن لانه بشرتي صارت احسن بوايد من قبل

 

[ملكية قدساوية]

رد: عروس ومتوهقه

انا كنت اعاني نفس حالتج بس الف الحمد الله بعد ما كليت حبوب الروكتان نسيت شي اسمه حب شباب
لككككككككككن هالحبوب وايد وايد خطيره يعني لازم كل شهر اتسوين تحاليل ..

انا كل شهر اسوي تحاليل بالمستوصف واشوف لانه هالحبوب تاثر على الكليه والجبد ..
وعلشان جذي لاااااااااااازم تشربين ماي واااااااااايد وااااااااايد وبس راح تقولين حق الحب باي باي ..

وعلى فكره انا كنت اعالج عند عيسى بشور وقالي عن هالحبوب وعطاني مقشر رتن اي والدوكين حق الآثار
وما قدرت اتحمل هالكريمين لانه وايد يقشرون الويه مع اني الحمد الله مافيني اثار وايد خصوصا اني كلللللللش ما اتعبث بالحبه ..
وناويه احط هالكريمين قبل عرسي لانه يشيل لي المسام ..

المهم قرقت وآيد ما عليه ^^
نصيحه اخذي هالحبوب بسسسسسسس قبلها سوي تحاليل واذا ان شاء الله ما فيج شي اخذي الي قوتها 10 واكليها ودايما اهتمي انج تشربين مآي وااااااايد واااااااااايد ودايما ترطبين كل جسمج ويهج لانها تنشف حيييييييل وحتى شفايفج راح يجفون وكل يوم بليل حطي عليهم فازلين وهم مو شرط الليل يعني اذا كنتي فاضيه حطي فازلين علشان شفايفج ما تتقشر وايد خصوصا اول الايام ..

 

[أحلى قصة]

رد: عروس ومتوهقه

واي نفس المشكله عندي وان شاء الله ناويه اتعالج مشكورين كفيتوا وفيتوا

 

[فلونهـ~!]

رد: عروس ومتوهقه

روحي دلال التركيت
والله بنت عمي وجهها ماتشوفين ملامحها من الحبوووب غبت فتره شهرين ماشفتها
عقب والله مرااايه صار ماشاء الله
وعند دلال

الف شكر حلا , بس وين هالدكتوره وله هذا اسم العياده؟؟ اذا في مجال حطي رقمها :eh_s(17):

 

[فلونهـ~!]

رد: عروس ومتوهقه

التقشير لحالتج ماينفع ؟

هلا ديانا :eh_s(17): اتوفع التقشير ينفع بعد ما افتك من مشكله الحبوب نهائيا