عروس ومحتارة بعطر ليلتي ،، خبيرات العطور تعالوا (بالصور) ،،

[هزني الشوق؟]

.
.
.
.
.​

السلام عليكم ​

بنات اانا احب عطوري تكون قمة الانوثه
والنعومه وماحب العطور الثقيلة كلش :eh_s(4):​

انا محتارة بين هالعطور لليلة الدخله
شنو الاحسن واذا في احسن منهم
رشحولي بليز ولاتبخلون علي :eh_s(11):​

​

شانس الوردي​

​

شانيل مدموزيل​

​

عطر استي لودر برايف كوليكشن​

​

​

اخر عطرين اخوي نصحني فيهم : لانكوم تريزور نعوووم ​

وعطر شوارفسكي وكلهم يجون مع طقم لوشن وجل شاور​

اكيد بتقولون ماتصلح لليلة الدخله بس مع البخور​

ودهن العود احس بيطع مكس حلو ولا شرايكم :eh_s(1):​

ابي رايكم بليز شنو الاحسن
واذا في احسن منهم رشحولي بليز ولاتبخلون علي :eh_s(11):​

.
.
.
.
.​

 

[لجين العبرات]

كل اللي حطيتهم حلوووين بس انا احب كوكو شانيل اكثر شي
شوفي اراء البنات والاكثريه وذوقج طبعا وصاجه مع البخور ودهن العود بيطلع روووعه
وألف ألف مبروك ياقلبي :eh_s(17):

 

[ZahratAlLaylak]

أنصحك بالعطر هذا من شانيل كله أنوثة و طبعا الناس أذواق

 

[ام الدرر]

انا رايي تختارين شي جديد ومميز مو مالوفة ريحته
روحي محلات العطور وشمي
وخليها تحط لج تستر او ترش لج على ورقة وكتبي الاسامي على كل ورقة
وخليهم وياج يوم او يومين وعقب اختاري
اذا انت من الكويت
روحي مجمع امنية بالسالمية في محل اسمه عطور سجى
نفس عطور الجزيرة تحتارين شتاخذين من كثر ماهم عجيبين
والف مبروك مقدما​

 

[krkooora]

حلات العروس ريحتها خنينه بخور و دهن العود و هالسوالف و تاتش خفيف عطر فرنسي لا تفكرين بالفرنسي وايد ركزي على البخور و العود اهما الاهم

 

[نورالدنيا***]

عطر كوكو شانيل عطر العرايس ثابت ومميز حطية مع البودي لوشن ماله ودهن عود كمبودي وتبخري وشوفي شلون ريحتج تينن ومبروووووك ياعروسه

 

[ضحاوي الديره]

اممممممم انا مزاجي عطور ثقيله وقوووووويه حيل مثل مارتن ميكاليف واستي لودر وود مستيك وميرور وزين شيسيدو واينجل شليزر

بس بما انج طلبتي رايي بهالعطورات انا اقول اختاري شانيل شانس او الووور هم بعد من شانيل
بس مو تحطينهم بروحهم لا
لي خلصتي شور وجسمج بعده رطب حطي مسحات من مسك العرووس من القرشي
ولي بغيتي تتعطرين حطي اول شي دهن عود بأماكن النبض وارشح لج دهن عود فاطمه من امل الكويت خيااااااال شوي عليه
ورشي عطر اسيل من امل الكويت ريحته ع عوووود يهبل وتبخري ببخور خشب عود
وااااااخر شي رشي عطرج الفرنسي اللي تختارينه



،
،
،

 

[om MaRyooM]

كوكو شانيل راقي وذرب

ولاتخنقين نفسج بالعطر

رشة خفيفة تفي بالغرض

ومبروك حبيبتي

 

[MiSS B.K]

ااااااب

 

[وردة الدوحه]

36oor le sweet ymoton feha elryaeel

 

[هامورة]

حلات العروس ريحتها خنينه بخور و دهن العود و هالسوالف و تاتش خفيف عطر فرنسي لا تفكرين بالفرنسي وايد ركزي على البخور و العود اهما الاهم

اتفق معاها لكن مايمنع فرنسي ويكون مادموزيل كله رقي وريحته تميزج:eh_s(22): الف مبروك

 

[dana1985]

اول شي مبروك.والله يتمم عليج
وانصحج بكوكو شانيل عجيب

 

[$الاميررة$]

كل اللي حطيتهم روعه اخر عطرين عندي احس يصلحلج لانكوم لانه حده ناعم مثلما تحبين بس لو كنت مكانج افضل اختار عطر قوي مثل عطورات الجزيرة لانه يوم مميز ولازم تلفتين نظره بريحه غريبه مو مألوفه الله يتمم عليج حبيبتي​

 

[أسم والسلام]

وأنتي مغمضه شوارفسكي جديد مميز فوااااااااااااااح هالحين أناااااااااااااا راشه منه وثابت بعد هذا أن كنتي تحبين ريحة الورد

 

[:حضرية واجد:]

نصيحة توني مجهزة مع اختي و انا وحدة من اشوف العطر استخف لوووول فمفترة عدل مدل بدبنهامز و فافا و طبعا من خبرتي اشوف ان من ارقي العطور الي حسيتها تناسب العرايس و بس :

1- عطر ميد نايت البنفسجي يجنن
2- برايفت كولكشن ايستي لودور مو تاخذين العنبر اخذي الثاني نسيت اسمه اهما عطرين بس الثاني خيالي و غالي حيل
3- عطر جادور القديم
4- سينما القديم
5- اورغانزا من جيفنشي

و عطر اخير اذا تحبين ريحة الحلاو و التوت انصحج تاخذين كولكشن من فيكتوريا سيكرت عجبني عطر واحد ذرب مت عليه و ناوية عليه قريب المعاشات =9 شكل العطر فيه مضخة سودا نفس الهرن لووول اهيا الي تبخ العطر مميز حيل حلاو على توت انثوي موت و نسيت اسمه سامحيني زهايمر بس اهو معروف هالعطر عندهم يجنن حيل

البخور تبخري بعود مبخر من اجمل و حطي مسك العروس ع اماكن النبض و استغرب من البنات الي يقولون حلاته دهن عود!! و لا تكثرين فرنسي !!
من صجكم بنات اصلا لا تحطين دهن عود كلش كلش اكبر غلط ريحته تبط الراس و تنفر و لا تجي وحدة تقول الاس اذواق معروف دهن العود مهمن كانت ريحته حلوة يبط الراس بعد مرور وقت معين و يضيع ريحة العطر الفرنسي و ثقيلة انتي مو رايحة زوارة حياتي ديري بالج من هالنقطة ..!!

و الف الف مبروك لا تنسين الخمرية و نصيحة جربي خمريات الروقي انصدمت من ريحتهم و سعرهم برخص التراب ما صدقت
4 خمريات ب5 دنانير هذا عرضهم مو خسرانة شي اذا ما عجبوج لانهم حيل رخاص بس بيعجبونج موت شنو خيال ريحتهم جربي خمرية نيران ريحتها خيالية و تلصق بالشعر حتى لو دهن شعرج ريحتها تفوح حييييييل و هالخمرية بصراحة اغراء حيل انثوية و اتمنى اكون فدتج
بالتوفيق يا حياتي انتي ..

برؤب

 

[ام الحلوااات]

عــطـــورااات شـــانـــيــــل حـــلــــوة وااايــــد وثـــابــتـــه
وخــاصـــه كــــوكـــو شـــانــيــل وشـــاانــص
وآلـــووور قـــــوووي وثـــابــت
لانـــكــــوم حـــلـــــو وهـــااادي
وشـــوااارفــســـكــــي رااايــــق رااايـــق
واللــــه يـــوفــقــج ويــســعــدج

 

[(لندنيه)]

لاتكون الجديد حده قوي شربته حيل حلوووووو وأكيد شانيل للعرش ومجموعه كامله انتي عروس

 

[(لندنيه)]

استغفرالله خوووش بدليات لانكوم عجيب حيل حلو وريحته قويه اللي اقصده الجديد شانيل للعرس وااااو

 

[جيجي-جيجي]

جانس شانيل وبس

 

[هزني الشوق؟]

تسلمووووووووووووون بنات ماقصرتوا استانست حيل بالردود ومنكم نستفيد