عروس ومعتله بزوجها

[عروس ابريل 2012]

بنات انا عروس تو جديدده صار لي شهرين و زوجي معتله فيه :
1- بخيل يطفي الليتات والمكفيات بس يشغل مكيفة واضاءة الغرفه اللي احنا فيها
2- يتدخل في شغل البيت وترتيبه
3-عنيد وراسه يابس ويحب يمشي كلمته علي مع انه شخصيته ضعيفه
( بس يستقوي علي )
4-ماخذ بعمره مقلب ومغرور وصاير باتمان زمانه وكله صواريخ وانا مااتحمل الصواريخه
5-أول مايقعد من النوم يتغلق كله يعصب من غير لحد يكلمه
6-ألبس عنده واكشخ ولايهتم ماعنده احساس مع ان انا حلوه وكشخه كل من يشوفني يقول واي ياحظ زوجج فيج
7- ينام معاي مره وحده فاليوم اما المغرب أو الفجر
8- يتصيد اخطائي بس يبيني اهتم باكله وتنظيف البيت ولا مره قال لي لبسي هذا أو اللون هذا
9- دايم يهددني بالطلاق
10- كل سوالفنا عند أمه وامه حدهااااا حشريه وتدخل بينا
11-قزم وجيكر ومكرش
12- مهما اغريه وادلع عليه مايتأثر معقد ويحب كلمته ماتثنى
13- يسهر لساعه 5 الفجر على التلفزيون وانا بغرفة نومي مخليني بعدين يجي وينام معاي
وينام لساعه 7 المغرب
14- مايخليني اروح لاهلي الا الجمعه السبت ويبيني انزل لاهله 24 ساعه

تكفوووووووون قولوا لي شنو الحل والله تعبت معاه
والمشكله اني حامل

شلون اغير من شخصيته
شلون أأثر عليه
شلون اخليه يتعلق فيني
شلون اغريه احس انه طفل مايفهم مايهمه الا اكله والنظافه(مع انه منبع الوساخه) وامه

 

[مناير ...!]

حاولي تدورين ايجابياته

 

[(حكاية قلب )]

دام مو عاجبج لهالدرجة ليش تزوجتية وحملتي منه
خلآص هذا نصيبيج ارضى فيه

​

 

[قويت انسساه]

/-

آلله يعييينج .. بس نصييحه دامج حامل ..

ححآؤلي مممن نفسسج تغيرينه .. ؤآكسسبي خالتج

ترا اذا كسبتيها كسبتي زوجج ..

وآلله يسخخرهه لجج '،

 

[خوخة 90]

حبيبتي بالنسبه لشكله هاي من البدايه انتي رضيتي فيه
و بالنسبه حق الاشياء الثانية تقدرين تغيرينه و مع الايام بتاخذين عليه
قعدي معاه قعدة صريحة و فهميه ع كل شي و اخذيه ع قد عقله
و مثل ما قالو البنات كسبي امه بتكسبينه
و ارضي بنصيبج

 

[Tulips]

الله يعينج !!

 

[om . alzeen]

البخل على ليتات ومكيف مايعتبر بخل اتوقع حرص او تعود من اهله هالشي اذا قصر عليج بفلوس واكل وقتها حكمي اذا بخيل او لا

ينام معاج مره وحده تقدرين تحلين هالمشكله انج تسوين له حركات تلبسين لبس حلو << حركات مثلا تسوين له مساج ويوم تسوين اكل صيني وتلبسين لبس صيني ... الخ والبنات مايقصرون هني المواضيع هذي تارسه المنتدى

مكرش وقزم وجيكر >> هذا الشي اتوقع مو غلطه انتي لما وافقتي تتزوجينه اكيد شايفته او تعرفين شكله او ساله احد عن شكله ومانجبرتي على هالشي والجمال مو مهم كثر جوهر الشخص واخلاقه

انتي الحين حامل اتوقع هالضيقه الي فيج على هالاشياء شي نفسي طبيعي الحامل وباول الاشهر تكون دايما متنرفزه متضايقه من وضعها حاولي تستغفرين وايد وكل ماتضايقتي صلي ركعتين ربي بيهدي سرج

وحاولي تصلحين زوجج وتخلينه مثل ماتبين بذكائج الطلاق مو حل ترى توج باول حياتج

 

[لمى الهاجري]

امممممم شوفي في مثل يقول زوجج على ما عودتيه عوديه على طبايعج

 

[سارة ة]

اااااب

 

[Perfume]

حبيبتي اول شي في نقطة ماعجبتني تقولين قزم وجيكر حرام عليج ترى اهوا ما خلق نفسه واذا ما كان عاجبج ليش وافقتي عليه ؟؟
نقطة البخل ماقدر احدد اهوا بخيل او لا يعني هل حكمتي عليه بالبخل من هالتصرف بس والا في اشياء ثانية بعد
العناد عااادي في بداية الزواج بعدكم ماتفهمون بعض ولما اهوا يشد انتي رخي
مغرور وصواريخ مشيها انتي بعد صروخي عليه لووول ماشوفها مشكلة الريال يحب يبين نفسه قوي ومايخاف شي
يقعد من النوم معصب هم عادي في ناس طبعهم جذي انتي حاولي ماتحتكين فيه حزتها
ينام معاج مرة في اليوم مشكلة !!!!! حبيبتي مرة في اليوم شي طبيعي واذا قصدج مرة في الاسبوع هم طبيعي الناس طاقات
باقي السوالف قعدي وتفاهمي معاه عليها قوليله مايصير كل مشكلة تصير تهددني بالطلاق ترى الطلاق مو لعبة ومو كل شي تدخل اهلك فيه خل مشاكلنا بيننا والبيوت اسراااار
ووظحي له انج تحبين يمدحج لو تكشخين ويبين رايه بشكلج
وبالنسبة للزوارة حبيبتي يومين بالاسبوع كافي انا ازور اهلي يوم بالاسبوع واذا كنت فاظية امرهم يوم ثاني وقوليله مايصير اظل عند اهلك ٢٤ ساعة هم اهما لهم حياتهم ويبون ياخذون راحتهم وانا بعد ابي انظف بيتي واكشخ لك مايصير تيي والبيت وصخ
حبيبتي بالتفااااهم والكلمة الحلوة كل شي يصير

 

[الأميرة جوري]

مع التعويد بيتعيروارضي بقسمه ربج لج

 

[بنوته ستايل]

اتوقع توقيعج هو السبب والله اعلم..

 

[Gifts&Occaions]

الله يعينج

 

[mi corazon]

لحظه .. شنو ينام معاي مره وحده باليوم؟

مؤ هذا الطبيعي؟ ولا لازم اكثر من مره فهميني

وتشتكين انه ما ينغري وبعدين تقولين جيكر يلوع الجبد!!!!! حددي شنو تبين

ماودي اعلق بغير أني انصحج تدعين ربج يحببج فيه ويجمله بعينج لانه نصيبج

والله يهديج ويهديه

 

[ام حسون24]

وييييي ما خليتي شي


 

[Patcholli]

واضح وضوح الشمس ان انتي مو متقبله هالانسان لا بشكل ولا بتصرفات

تبينه يلزق فيج ويدلعج ويحبج ويطيرج بالسما وبنفس الوقت انتي تقولين عنه قزم ومكرش وجيكر

مايصير اختي

ترى البني ادم يحس حتى لو خشيتي هالشي بقلب صدقيني يبين اذا انتي مو متقبله شخص او لايعه جبدج منه بيحس

غيري نفسج عشان اهو يتغير ..

والريال يبي دلع وريج حلو واهتمام مو بس كشخه ولبس وليالي حمره وانتي نفسج شينه معاه

اهم شي عند الريال الريج الحلو والدلع والابتسامه واهم من الشكل واللبس ^_^

لبس بدون نفسيه حلوه ماينفع وما يسوي بيزه

اما لو نفسسيتج حلوه صدقيني لو بالبجامه بتعجبينه وبيلزق فيج

 

[ام حسون24]

بنوته ستايل

 

[Um Tuki]

دام انتي حامل مافي حل تحملي


هذي نتايج التسرع

 

[مـس مـطـيـر]

م عندج سالفه

انتي بانيه توقعات خياليه و انصدمتي بالواقع

و ترا عادي دايم اول شهور الزواج جذيه مافيه انسجام للحين مافهمتوا بعض

شيلي التفكير الخيالي و ردي للواقع حبيبتي

 

[ạ7ạśêś ~]

.:



ليششششششش ما تقدرين تقولينها ما احببببببببببببببببه.؟؟؟؟؟
واضح ي قلبي ما تحبين ريلج الوحده لم تحط لج ارقام وتحسب كل غلط منه واحده ما تابي
يكون لها بيت وريل.؟
ما ذكرتي يصلي .؟ خايف ربه .؟ واصل مع امه .؟
ذكرتي شي لي تشوفينه بعيونج .؟؟؟؟؟ او بقلبج
ي قلبي انتي الحين حامل وتوج بسسسسسسسسم بالله ما صار لج شهرين..؟
وتابين تسوين كل شي
فكري فيها ان ابو ولدج قولي ابي اشوفه احسن ناس حاولي غيري ل نفسج مو لـ تحكم .؟
غيره لج نفسج ولـ ولدج وهم ارد اقول توووووووج بعد جم شهر لم يحبج بيتغير او
لم تحبينه انتي .؟
وعسى الله يهدي الكل