بنات انا عروس تو جديدده صار لي شهرين و زوجي معتله فيه :
1- بخيل يطفي الليتات والمكفيات بس يشغل مكيفة واضاءة الغرفه اللي احنا فيها
2- يتدخل في شغل البيت وترتيبه
3-عنيد وراسه يابس ويحب يمشي كلمته علي مع انه شخصيته ضعيفه
( بس يستقوي علي )
4-ماخذ بعمره مقلب ومغرور وصاير باتمان زمانه وكله صواريخ وانا مااتحمل الصواريخه
5-أول مايقعد من النوم يتغلق كله يعصب من غير لحد يكلمه
6-ألبس عنده واكشخ ولايهتم ماعنده احساس مع ان انا حلوه وكشخه كل من يشوفني يقول واي ياحظ زوجج فيج
7- ينام معاي مره وحده فاليوم اما المغرب أو الفجر
8- يتصيد اخطائي بس يبيني اهتم باكله وتنظيف البيت ولا مره قال لي لبسي هذا أو اللون هذا
9- دايم يهددني بالطلاق
10- كل سوالفنا عند أمه وامه حدهااااا حشريه وتدخل بينا
11-قزم وجيكر ومكرش
12- مهما اغريه وادلع عليه مايتأثر معقد ويحب كلمته ماتثنى
13- يسهر لساعه 5 الفجر على التلفزيون وانا بغرفة نومي مخليني بعدين يجي وينام معاي
وينام لساعه 7 المغرب
14- مايخليني اروح لاهلي الا الجمعه السبت ويبيني انزل لاهله 24 ساعه
تكفوووووووون قولوا لي شنو الحل والله تعبت معاه
والمشكله اني حامل
شلون اغير من شخصيته
شلون أأثر عليه
شلون اخليه يتعلق فيني
شلون اغريه احس انه طفل مايفهم مايهمه الا اكله والنظافه(مع انه منبع الوساخه) وامه
يطفي الليتات والمكيفات اللي اهو مو بحاجه لها هذا شيء زين (إن الله لا يحب المسرفين) هذا مو بخل !
ماكو رجال ما يتدخل بشغل البيت وترتيبه , هذا بيته مثل ما اهو بيتج ! وله حق يرتب البيت بالطريقه اللي تعجبه !
عنيد وراسه يابس ويمشي كلمته هاذي مو مشكله ! لازم الرجال يمشي كلمته على المره ! الرجال قوامون على النساء !
يقط صواريخ لو اني منج استانس عادي
أغلب الرقاله كدا
أنا اذا قعدت من النوم أعصب حتى لو ما كلمني أحد ! هذا شيء طبيعي عند غالبية البشر , يعني توه قاعد من النوم تبينه يفرفش ويضحك
تلبسين وتكشخين وما يهتم , وتقولين قزم وجيكر ومكرش ؟! هني ستوب اذا مو عاجبج ليش تكشخين له ؟! وأنا ملاحظه وسوري بهالكلمه انج شايفه نفسج وفيج غرور علشان جذي مو عاجبج ولا شيء بزوجج !!
ينام معاج مره باليوم كافي بعد مو حلاو يا الطماعه
تقولين يتصيد أخطائي ؟ معناته عندج أخطاء صححي أخطائج :rerrerek: وأكيد يبي أكله جاهز ويبي يقعد بمكان مرتب هذا الشيء الطبيعي
دايما يهدد بالطلاق ؟ هذا يدل على انه زهقان وضعيف ومو قادر عليج علشان جذي يريح راسه ويطلق , ومو مستعد يعدل فيج , الرجال دايما يدور على الطريق السهل فإذا لقاج ما تسوين اللي يبي وتعاندينه يختار طريق الطلاق وبسهوله ويتزوج ويريح راسه , وأكيد بيسمع من ربعه نصايح والكل بيعرض له من البنات
كل سوالفكم عند أمه وأمه حشريه ؟ يعني اذا في شيء خطأ أو تقصير منج عدليه علشان محد يتدخل فيج حتى لو كانت أمه حشريه ! إذا كنتي سنعه وعرفتي تكسبينه وتكسبين أمه ما راح يشوفون أخطائج , حاولي تتقربين منهم لأن الحرمه اذا خسرت أم الزوج مستحيل تتوفق بحياتها ومستحيل يحبها الزوج إلا إذا كان سفله !
قزم وجيكر ومكرش هالشيء ما يجوز تقولينه ! هذا شريك حياتج وانتي قبل لا تاخذينه شفتيه بالتأكيد ! حرام تظلمين شخص علشان شكله ! الرجال بأفعاله وتعامله مو بشكله !!!!! وياما بنات تزوجوا ملك جمال وشافوا الضيم وبعدها تزوج الجيكر وعاشوا ملكات
احمدي ربج يخليج تروحين الجمعه والسبت لأهلج ومو كافيج !! أجل اللي أهلها من ديرة ثانيه شتقول ؟! واللي زوجها ما يخليها تنام عند أهلها كلش شتقول ؟!
أحس تبالغين يقولج تنزلين 24 ساعه عند أهله ؟! شدعوه مو لهالدرجه الظاهر انتي تعبانه من الحمال الله يهون عليج , ويمكن يبيج تستانسين عند أهله وتغيرين جو ليش ما تحسنين النيه بزوجج
حبيبتي كل اللي ذكرتيه سيئات زوجج بس ما ذكرتي ولا حسنه له ! وتوقيعج وضح كل شيء الله يهديج , اذا تحبين ومو عاجبج زوجج ليش تاخذينه وتظلمينه معاج وتظلمين نفسج !
اقري هالحديث عددددددددددددددل
عن ابن عباس - رضي الله عنهما - قال: قال رسول الله - صلى الله عليه وسلم -: "أُريت النار، فإذا أكثر أهلها النساء يكفرن قيل: أيكفرن بالله؟ قال: يكفرن العشير، ويكفرن الإحسان ، لو أحسنت إلى إحداهن الدهر ثم رأت منك شيئا قالت: ما رأيت منك خيرا قط". متفق عليه.
العشير: الزوج.
