عروض سفريات لامريكا

[ورده اوراد]

السلام عليكم
بسال عن عروض السفريات لامريكا وعن القروبات
1- شنو في عروض عند مكاتب السفريات
2- احسن مكتب جربتوا
3 - شغلات مميزه شريتها من السوق ومركات جديده

 

[ورده اوراد]

اب اب

 

[OutDoor]

سوق أمريكا مو مثل قبل ..... الحين كلللل شي يابو الكويت .... يعني ما في شي مميز و لا نشفي على البضايع مثل قبل

و أظل و أقول للبنات الي يطلبون عنواين شركات شحن ... عبالهم السوق هناك ابلاش أو واااو ... لا تخيلون و لا تبالغون .... الكويت أحسن على الأقل ما في تاكس ! و حتى اوروبا التاكس يردونه أما أمريكا لا .... يعني عن الخاطر اسم شريتي شي من أمريكا ... جناط و جواتي و ملابس أطفال غير جذيه ما في شي .... طبعا الملابس و الذوق الأمريكي حييييييل مختلف عنا يعني وايد سيمبل و ما يناسب ذوقنا

 

[ورده اوراد]

شكرا علي المرور
اب
اب
ابي عروض لسفريات

 

[ام مهاوش]

الصيف اللي فات كانو سفريات القايد مسوين قروب حق امريكا مدته 23يوم حق اورلاندو ونيويورك وكان سعر الشخص 1200دينار
وهالسنه انا دقيت عليهم بسأل اذا فيه قروب حق امريكا قالولي عندنا قروب حق امريكا تاريخ 28\6 ولي الحين ماحددو الاسعار ولا الولايات اللي بروحون لها اذا تبين تستفسرين اكثر دقي عليهم يمكن الحين حدوو جم السعر واي ولايات

 

[أم@الحلوين]

العروض شهر 5 تنزل

 

[fat]

انا دقيت على مكتب القايد قالو في رحلات بسعر 1470 بس انا ما جربتهم للامانه منو مجربتهم ودقيت على كذا مكتب مومسوين رحلات بس مكتب المستقبل مسوي وراح ينزلون عروضهم اول ابريل ورحلتهم نيويورك واورلاندو ولاس فيغاس ولوس انجلوس

بس انا اقترحت عليهم ان ينزلون رحله حلوة ومريحه ورخيصه تكون بس نيويورك وكاليفورنيا لاس فيغاس ولوس انجلوس انا بصراحه انا ابي رحله حلوة وابي اماكن بارده ما اايد فلوريدا لانها حاره ابي برااااااااااد

 

[fat]

والي حابه تروح معانه بنفس رحلتنا تكلمني علخاص وحاضر

 

[MaMa & P!nK]

السلام بنات انا العام رحت امريكا قروب مع سفريات القايد الرحله 21 يوم والولايات نيويورك اورلاندو لوس انجلوس لاس فيجاس والسعر كان 1350 للشخص والصراحه كانت رحله حلووووووووووه واتمنى اني اكررها واي استفسار انا حاضره

 

[OutDoor]

انا دقيت على مكتب القايد قالو في رحلات بسعر 1470 بس انا ما جربتهم للامانه منو مجربتهم ودقيت على كذا مكتب مومسوين رحلات بس مكتب المستقبل مسوي وراح ينزلون عروضهم اول ابريل ورحلتهم نيويورك واورلاندو ولاس فيغاس ولوس انجلوس

بس انا اقترحت عليهم ان ينزلون رحله حلوة ومريحه ورخيصه تكون بس نيويورك وكاليفورنيا لاس فيغاس ولوس انجلوس انا بصراحه انا ابي رحله حلوة وابي اماكن بارده ما اايد فلوريدا لانها حاره ابي برااااااااااد

يتروالي لو بس نيويورك و فيجاس و لوس أنجلوس بدون كاليفورنيا وايد أحسن ! بس فيجاس حارة فات نفس الكويت

 

[fat]

عطوني مقترحاتكم وخبراتكم يا بنات

 

[OutDoor]

فات ترا اذا تبين رحلة رخيصة ( لوس أنجلوس - فيجاس - نيويورك ) ما يصير ..... لأن السكن و المواصلات و الأكل أغلى بنيويورك و لوس أنجلوس من أورلاندووو إلا اذا السفريات بيحطونكم بموتــــيل أو فندق نجمة وحدة انتبهي .... يعني أورلاندو اذا شيلتيها ما راح تجدم و لا أتأخــر الغلا من لوس أنجلوس و نيويورك

 

[MaMa & P!nK]

بنات احنا صج رحنا اربع ولايات بس الصراحه التنقل تعب خصوصا اللي معاهم صغار من نيويورك لي اورلاند جنه ٤ ساعات بالطياره وبعدين هم طرنا مناورلاندو لي لوس انجلوس تقريبا اربع ساعات او اكثر وبعدين رحنا بالباص من لوس انجلوس لي لاس فيجاس ٣ ساعات وبعدين بالطياره من لاس فيجاس لي نيويورك جنه ٥ ساعات وغير الطيران من الكويت لي امريكا واذا في ترانزيت بعد بتلوع جبودكم من القعده ومن الطيارات بس وناسه وكانت ايام حلوه

 

[مرمر]

يتروالي لو بس نيويورك و فيجاس و لوس أنجلوس بدون كاليفورنيا وايد أحسن ! بس فيجاس حارة فات نفس الكويت

حبيبتي ولاية كاليفورنيا اهي لوس انجلوس وسان دييغو وسان فرانسسكو يعني كلهم تبع ولاية وحدة مافي مدينة اسمها كاليفورنيا

ولاس فيجاس الناس تروح لها تتفرج علي الفنادق والعروض يعني الطلعه كله بليل الي الفجر
والصبح ينامون الي وقت متاخر ويتمشون بالاسواق وكلها مسكره يعني براد

 

[fat]

عليج بالعافيه وحمدلله على سلامتج حبيت اعرف عن سفريات القايد زينين وشسم القايد وكان زين وياكم :bbbiu:

ووين ودوكم شنو الرحلات يزاج الله خير ابي نصايحج لان اول مره اروح امريكا


احنا كلنا كبار الحمدلله يعني ان شاء الله مافي تعب بس ابي احلى الاماكن واحلى المجمعات وشنو الشي المميز الي شريتيه

 

[fat]

انا ناويه اروح مع المستقبل بصراحه مجربتهم بس اذا القايد زينين ورحلتهم حلوه ليش لاء

 

[fat]

وشلون علفيزا وين سويتوها

 

[OutDoor]

حبيبتي ولاية كاليفورنيا اهي لوس انجلوس وسان دييغو وسان فرانسسكو يعني كلهم تبع ولاية وحدة مافي مدينة اسمها كاليفورنيا

ولاس فيجاس الناس تروح لها تتفرج علي الفنادق والعروض يعني الطلعه كله بليل الي الفجر
والصبح ينامون الي وقت متاخر ويتمشون بالاسواق وكلها مسكره يعني براد

حبوبة أنا أدري بالهشي ... أنا من سنيييين و أنا أروح هناك بس حبيت أتغشمر مع فات ! لان صاحبة الموضوع فات اهي المضيعة و لا تعرف وين الله قاطها .... اقري كلامها قبلي و بتشوفين منو حديث روحة لأمريكا

و لاس فيجاس قلت حارة ... لأني كنت أقارنها بكاليفورنيا ...

 

[OutDoor]

انا دقيت على مكتب القايد قالو في رحلات بسعر 1470 بس انا ما جربتهم للامانه منو مجربتهم ودقيت على كذا مكتب مومسوين رحلات بس مكتب المستقبل مسوي وراح ينزلون عروضهم اول ابريل ورحلتهم نيويورك واورلاندو ولاس فيغاس ولوس انجلوس

بس انا اقترحت عليهم ان ينزلون رحله حلوة ومريحه ورخيصه تكون بس نيويورك وكاليفورنيا لاس فيغاس ولوس انجلوس انا بصراحه انا ابي رحله حلوة وابي اماكن بارده ما اايد فلوريدا لانها حاره ابي برااااااااااد

أعتقد واضح كلامها فوق ....

 

[fat]

هههه تمونين يا outdoor