عرووس بطة

[m.a.a.m]

قوة بنات شلونكم شخباركم ابي مساعدتكم بليييييز انا عروس بطة حيييل :eh_s(16):
اخذت زوجي عن حب :eh_s(22):المهم اهوا يبني متينه ولا في وقت اضعف ولا ادش نادي ولا اسوي
رجيم :eh_s(2): لان عرس بيكون انشالله اذا الله كتب شهر 5 ولا 4 حدي متخربطه مادري شسوي
انا طلعت جم موديل من النت عجبني وابي خياط زيين لان محلين من مخايطة البلوكات خروبو الهدوم فبليييز ساعدوني ما في وقت والاخ مستعيل لوحاصله شهر 3 مايقول لا :eh_s(11):​

 

[/كلي تعب/]

يمديج ان شاءالله
ناس اضعفوا بشهرين
بس لازم قاسي
روحي لدكتور مختص
وهالله هالله بالرياضه
مشي مايقل عن 3 ساعات
موفقه

 

[katkoota90]

روحي حق د. طالب الشمري
يضعفج 10 كيلو ب اقل من شهر

بس هذا يعتمد على ارادتج !!


موفقه حبيبتي الله يهنيج

 

[ليالي العيد]

نااس تبي تمتن وناس تبي تضعف ومحد عاجبه جسمه >>
الله يوفكم ويتتملج على خييير

 

[miss_Ba6oOo6a]

بطة اشكثر يعني
عادي الجسم مو مقياس كل مكان يسوون للمقاسات الكبيره حديي قياسج واحنا ما نقصر معاج
حتا نفانيف العروس اجري يسوعون ويعدلون اي قياس والمشاغل متروسه

 

[<miss botamba>]

بشهر تقدرين تضعفين 12 كيلو

واذا تبين خياط زين شوفي فاطمه ستايل شي جذي اسمه مال المصممه فاطمه السالم

 

[ạ7ạśêś ~]

يبا سوي رجيم حتى لو ريلج يقول لج ما يابي .؟
هذا ل نفسج مو له حرام ملابس تجهيز ما تفرحين فيه
يمدي سسسسسسوي رجيم ومششي .؟
والله يوفقج

 

[m.a.a.m]

اليوم رحت اسوق امبيييه ماكو شي قدي والله قمت ابجي وكله الي قدي جنه موديل امي العودة:eh_s(16):ووزني 100 بضبط امي معصبة مني والاخ يزف بالفون يقولي لا تضعفين

 

[ريناداا]

لازم تضعفين

سوي رجيم


انا اعرفلج اخصائية تغذية شاطره بالحكومه


اما عن ريليج قوليله ان وزنج راح يسبب لج ضغط و سكر وقلب و صعوبه في الحمال و الولاده


اذا يحبج صج راخ يخاف عليج

 

[$حبيبة عبودي$]

من صجج مالج شغل فيه اضعفي حبيبتي راح يعجبه صدقيني

 

[Janna-q8]

شربي ماي وايد يغثج ما يخليج تاكلين و مفيد الماي

 

[عباير ديزاين]

حبيبتي عن تجربة اول شي يقول يحب المتن بس صدقيني تالي بيحن عليج ضعفي .. علشان نفسج عندج مجال سوي ريجيم ومشي وبتنزلين انشالله

 

[نـــــــــــونه]

الله يكوون بعونج
شكثر اكو ريايل يحبون المتاان​

 

[أحلى عروس 2012]

ياحلات البطات يهبلون
بس حمدي ربج ان ريلج يبيج متينة
بس نصيحتي ضعفي المتن موزين لصحتج

 

[طالبة1990]

ماركس اند سبنسر

دبنهامز

نيولوك


هالمحلات تحصلين قياسات كييره

وممكن تطلبين من النت من مواقع اجنبية


وفي محلات ب ليلى جاليري تبيع فساتين عرايس سهل تعديل قياسها

اللي تكون من عند الظهر نفس الربط

وموديلاتهم ناعمة تصلح للمتان

و حاولي تنزلين شوي من وزنج

حسب قدرتج

وهمن ريفا وانوتا تحصلين عندهم قياسات كبيرة

 

[أم برهوم]

اول شي الله يوووفقج ويهنيج وعسى الله يسخره لج ياارب ويجمع بينكم على خير

يمكن يكوون ردي متأخر لآن الموضوع من زمان بس قريته وحبيت ارد عليج

نصيحه مني لج ماعليج منه يقولج ابيج متينه الحين يقولج ابيج متينه بس
بس لما تضعفين يقولج اي جذي احلى

بسس نصيحه ضعفي حتى لو تضعفين شوويه

والريال لاتقولين له ان بتسوين رجيم انتي سوي ولاتقولين

واذا قالج ليش ضعفتي قولي من محاتات العرس


بس نصيحه ضعفي لان المتن موزين وحتى انتي بتتضايقين اذا لقيتي
شي حلو بالسوق ومالقيتي قياسج بتنقهرين

والعروس الصراحه حلاته ماتكون متينه وايد
لان فكري بشكلج على النفنوف الابيض بيطلع موحلو الصراحه
وحتى على البدل
وانتي فكري باجر وارج حمال لان في بعض الحريم اذا حملوا
يمتنون حيل فديري بالج
يمكن كلامي شوي يقث بس والله لنفسج ضعفي عشان انتي ترتاحين

وتقبلي مروري
​

 

[bobo lover]

في محل ايفانز بالافنيوز وجمعية الخالدية تخصص قياسات كبيرة
نصيحة والله ضعفي، شتبين بالمتن؟
لا تعلمين ريلج انج مسوية رجيم وضعفي خلال شهرين، في مجال تضعفين 15 كيلو لان وزنج كبير
اشتركي بدايت كير اذا تحبين العيوش وما تحبين تحرمين نفسج من الاكل
واذا عندج ارادة روحي لاختصاصي تغذية وبتضعفين ولازم رياضة ولا جسمج بيترهل

 

[((غلاي))]

اول شي الله يوفقج ان شاء الله
ثانيا تو الناس على عرسج تقدرين تنزلين عشره او 15 كيلو

انا اقول ضعفي اشوي حرام
مالج دخل بكلامه باجر يغير رايه

 

[معزوفة عشق&]

حبيبتي عن تجربه اذا تبين تنحفين امشي يوميا مايقل عن ساعتين + كثري من شرب الماء + خففي من وجبات الاكل قد ماتقدرين وقوي عزيمتك وان شاء الله بتطلعين اححلى عروووووس
^_*

 

[لمى الهاجري]

خلاص ريلج دام عاجبه لاتضعفين