عزمني على المطعم عشان يبشرني انه بيتزوج من المنحه

[دنيا رديه]

الله يكون بعونج حبوبه
بس مايصير تضيعين حقج او حق بناتج
اذا انتي راضيه انه حقج يضييع فكري بناتج

 

[ياشايل الظبى]

الله يصبر قلبج
واذا مافيه خير لج ولبناتج قلعته خير

 

[طير الحب]

بعد عمرى والله ما تستاهلين

بس الشكوى لله

وحاولى ما تكونينين ضعيفه جذيه عندج بنات راح يصيرون مثلج والدنيا الحين ما تبى جذيه

مو قصدى شى بس انت اخترتى هالشى لنفسج لا تفرضينه على بناتج

 

[shakshuka]

هذي اكيد وحدة من بنات بليس فارة مخة و
اذا انتي شايفة راحتج في بيتج ما يشوف شر خلج مع بنياتج مهما كان المره لي صارت علي ذمه ريال ولوهو ضلال بس محد له كلمة عليها لكن لا تصيرين سلبية قولي له ما تشوف شر لكن حقوقي اخذها انا بلغيك من حياتي لكن حقوقي المادية اخذها وصدقيني مرده لج بالعكس لا صار موذي ودج انه يفارج يمكن لا لهي يرحمج من غثاه ويالله تكون الثانية قويه وتطلع عيونه

 

[بخـــارى]

تدرين انتي باين عليج من ردودج وتوقيعج انج طيبه وربي راح ايوفقج ويرزقج من واسع فضله
عسى ربي يوفقج ويصلحلج بناتج
لاتخافين من شي او من المستقبل ربج اهوا الي كفيل فيهم والي خلقج مانساج
وتذكرين كلامه سبحانه وتعالى (( عسى ان تكرهوا شيئا وهو خير لكم))

دوم ذكري ربج واستغفريه
عسى ربي يبرد على قلبج ويفتح عليج ابواب الخير

 

[PuPa^^SWeeT]

رد: رد : عزمني على المطعم عشان يبشرني انه بيتزوج من المنحه

انتي قلتليله هالشي بعد بدافع عن رجوولته بقوولج كيفج


انا اقووولج فكة

ارتااحي منه و من بلاويييه

لايضيق خلقج

عندج بناتج بايي يمرر عليهم و يربيهم


ظ؟؟؟؟؟؟؟

ادري انه موقفه يحرر بس من طق الباب يااله الجوااب لاتزعليين

وبعديين الحيين عور قلبج رده ماعور قلبج على خياناته ؟؟؟

ريحي نفسيتج و جابلي نفسج

واذا الحيين يبي فراقج باااجر يركض عند باااابج

لاتزعلييين واستااانسي و عيشي حياتج

 

[ايمانو حلوة]

الله ياخذ هالرياييل اللي مايبين بعينهم

دام انج بدوية ووضعج صعب اذاتطلقتي خلج في بيتج وهو بلعنة تلعنه بالطقاق يطقه وربي بنياتج والله يعوضج فيهم يارب

 

[وآحشنــي زمآنـك]

أممممممم ..



حياتج كـ مطلقه أفضلج من هالحيااه ..




حقوقج تووصلج والبيت نصه لج ويصرف على بناته غضبن عنه ..

 

[al-musk]

الله يعوضج خير واذا انتي خيارج انج اتمين عنده وعلى ذمته وتربين بناتج ومابيقصر على البيت فبراحتج ومدامج مو مرتاحه معاه ففكه من شره واذاه

 

[الشقردية .com]

الله يعينج على هالردي وانتي والله فيج الخير الي ضحيتي بكل شيء عشان بناتج ولا هو موكفو عشرة الله يكون بعونج وانتي مالج الا الدعاء

 

[وعد2006]

بعد عمرى والله ما تستاهلين

بس الشكوى لله

وحاولى ما تكونينين ضعيفه جذيه عندج بنات راح يصيرون مثلج والدنيا الحين ما تبى جذيه

مو قصدى شى بس انت اخترتى هالشى لنفسج لا تفرضينه على بناتج

لا مابي بناتي تضيع حقوقهم مثلي و مشكوووووره على التنبيه كلامج صحاني

هذي اكيد وحدة من بنات بليس فارة مخة و
اذا انتي شايفة راحتج في بيتج ما يشوف شر خلج مع بنياتج مهما كان المره لي صارت علي ذمه ريال ولوهو ضلال بس محد له كلمة عليها لكن لا تصيرين سلبية قولي له ما تشوف شر لكن حقوقي اخذها انا بلغيك من حياتي لكن حقوقي المادية اخذها وصدقيني مرده لج بالعكس لا صار موذي ودج انه يفارج يمكن لا لهي يرحمج من غثاه ويالله تكون الثانية قويه وتطلع عيونه

انا بعد كلامكم و كلامج قررت اني اخذ حقوقي كامله وكيفه



مشكووووورين حبيباتي على الردود اللي تبرد القلب كافي اني حاستكم خواتي

 

[جوك احلى جو]

انتي بذمتج راضيه بوضعج اذا ابوهم ماخذ فلوسهم عشان يتزوج فيهم اي اب صالح هذا واي زوج هذا اللي ماتبين تنفصلين عنه يا اختي علي الاقل عشان كرامتج الله ما حلل الطلاق الا عشان هالحالات ريال لاهو مقدرج ولا معززج ولا محترمج ومتحمله الضيم والظلايم وراضيه اسميحلي ستووب ووين اهلج شلون راضين بهالوضع علي بنتهم ومحد مبطل حلجه
وشنو يعني بدويه او حضريه الطلاق ابرك من اللي انتي فيه الناس مهي داريه بحالج وعذابج انتي اللي بتعيشين هالحال ولا اهم والزمن هذا ماكو شي والله ارمل مطلق مومتزوج ولا الزواج اهو الجنه !!الناس تفهم وواعيه

وبالنهايه القرار قرارج

والله يكتب لج الصالح من الامور

 

[وعد2006]

انتي بذمتج راضيه بوضعج اذا ابوهم ماخذ فلوسهم عشان يتزوج فيهم اي اب صالح هذا واي زوج هذا اللي ماتبين تنفصلين عنه يا اختي علي الاقل عشان كرامتج الله ما حلل الطلاق الا عشان هالحالات ريال لاهو مقدرج ولا معززج ولا محترمج ومتحمله الضيم والظلايم وراضيه اسميحلي ستووب ووين اهلج شلون راضين بهالوضع علي بنتهم ومحد مبطل حلجه
وشنو يعني بدويه او حضريه الطلاق ابرك من اللي انتي فيه الناس مهي داريه بحالج وعذابج انتي اللي بتعيشين هالحال ولا اهم والزمن هذا ماكو شي والله ارمل مطلق مومتزوج ولا الزواج اهو الجنه !!الناس تفهم وواعيه

وبالنهايه القرار قرارج

والله يكتب لج الصالح من الامور

حبيبتي انا اهلي مستحيييل اقوللهم لان صارت مشاكل شكثر بين ابوي وخواني معاه و هو للاسف كان لسانه طويل مع ابوي ولا احترماه
عشان جذي خلاص توووووبه اقولهم شي

 

[الغاليه ام احمد]

الله يصبرج ويعينج زين انج قعدتي على بناتج وبيتج

 

[نشيج الروح]

يعني إذا مو مطلقة معلقة الله يهدييييج ..... حبيبتي المفروض ما تقولين له مابي يوم هني وهناك ... دامج راضية على زواجه جان قلتي له على راحتك وحط ببالك العدل يا قلبي لا تنساه .....>>> أنتي حسستيه أنج ماتبينه وهو بيزة ما يسوى لأن الحريم عادة يغارون .... فهو رد هالشي بالمثل ... والصراحة شي حلو أن يوديج مطعم ويقولج ....المهم الحين مالج إلا الدعاء... وإذا كنتي مظلومة فدعاء المظلوم مستجاب ... وعيالج ديري بالج عليهم

 

[عذبه الصوت]

الله يعين ويصبرج ان شاءالله حبيبتي

 

[ليلو جبريت]

بصراحه جليل حيه الله ينتقم منه
قهرني

 

[بنت الفوزان]

الله يهديه

 

[البسمه العذبه]

الله يعينج امحق غداء ​

 

[غلاي غير]

حسبي الله ونعم الوكيل