عزيمة ريــــوق , احتاج افكاركم و مساعدتكم

[بــــدره]

هاي بنات شلونكم

عندي ضيوف عالريوق بعد جم يوم , ودي بأفكار حلوه وفناتق و شغلات و حركات يديده ,, مابي اشياء تقليديه و عاديه


الي في بالي ألحين

ابي اقدم طبق اومليت بالبصل و الطماط و الكزبره

حلوم مشوي مع شرايح طماط و رشة زعتر

ودي اييب نخي و اشيل الماي الي فيه و احط معاه زيت زيتون و رشة بقدونس فريش و شوية كمون

ودي اسوي قرص عقيلي اذا مداني او اشتري جاهز

امممممم
شنو بعد


طبعا أكيد بحط خبز لبناني و خبز ايراني

و صحن خضره فيه خيار طماط نعناع تشكيلة زيتون

والمشروبات : شاي حليب بطريقتي العجيييبه

و بعد الاكل صحن فواكه مقطعه


مادري بنات احس محتاجه افكار اكثر مو عاجبتني المنيو مالتي ابي افنتق ساعدوني !!​

 

[لمن اكون]

سوي باندكيك
و روحي الشمالي اشتري بقصم ورهش والكيك والخ

وطريقة تقديمج خلييه سبشل

مثلا البيض المسلوق قصيه بنص
وشيلي الصفار البيض وحطي مكانه لبنه وجذيه

 

[غير كل الناس]

ان شاء الله البنات يفيدونج:eh_s(7)::eh_s(17):​

 

[جارة القمر]

تفضلي طلبك::

أفكارج حلوه حبيبتي


حطي تشكيلة جبن وزيتون وممكن تسوين شوربة عدس حلوه علي الريوق ودفي بالشتاء وحطي خيار وطماط وخس ونعناع
ممكن فول وحطي علبة اللبنه الصغيره

وجاي وحليب وعصير وخبز لبناني وخبز ايراني وممكن تحطين نسكافيه
http://www.q8yat.com/t990932.html


http://www.q8yat.com/t446176.html



http://www.q8yat.com/t991484.html



http://www.q8yat.com/t695106.html



http://www.q8yat.com/t461141.html




http://www.q8yat.com/t747524.html




http://www.q8yat.com/t826389.html



http://www.q8yat.com/t18475.html



http://www.q8yat.com/t156985.html



http://www.q8yat.com/t381562.html



http://www.q8yat.com/t941555.html




http://www.q8yat.com/t992446.html




http://www.q8yat.com/t711302.html




http://www.q8yat.com/t381631.html

 

[noynoy]

سوي فول
هذي طريقه وايد لذيذه
حمسي بصلتين بزيت زيتون على نار متوسطه بعدين ضيفي علبتين طماط معلب ماركه القائم لان الوحيد اللي مكوناته (طماط و عصير طماط) من غير حامض الستريك
المهم الطماط تقطعينه و تشيلين البذر منه و تصفين العصير ماله بعدين تحطين ثوم مدقوق و فلفل حار حسب الرغبه
تحطينقفشه صغيره كمون و كزبره و نص قفشه صغيره بابركيا و فلفل احمر حسب الرغبه و ملح و فلفل اسود
بعدين تحطين علبتين فول مغسول و شاخلته عدل من الماي
و تحطين ثلث ارباع علبه معجون طماط
و تحاولين تفتفتين الفول بالقفشه الخشب لما يصير شوي مهروس
و حطي فوقه زيت زيتون و قدميه
هالوصفه كل اللي ياكلونها تعجبهم


سوي مطاره حليب و هيل او جاي حليب او هوت جوكلت
طريقه الهوت جوكلت
علبتين كوبين حليب و كوب كريمه تغلينهم غليه وحده و تحطين عليهم نص قفشه صغيره فنيليا
و تكتينهم على نص كوب ككاو دارك تكون مقصصته صغار
خلطيهم و حطي السكر حسب ذوقج انا احط 4 قفشات او 3


سوي بيض بالفرن اللي اهيا الفرتاتا

طريقتها تحمسين بصل و مشروم و طماط و فلفل اخظر بشوي زبده و زيت ذره و ملح و لما يذبلون شوي تحطين فلفل اسود و البيض و تخلينها لما تجمد الاطراف و من تحت بعدين تدخلينها الفرن لما تستوي ثلاث ارباع سوا حطي فوقها جبن مبشور تشدر و رديها الفرن لي يسيح بس حطي بالج لازم تكون يده المقله حديد و مو بلاستك عشان ما تذوب عليج


سوي فرنتش توست طريقته نص كوب حليب نص كوب كريمه قفشتين شكر 3 بيضات رشه ملح تخلطينهم و تغطسين بريوش مقطعته شرايح فيه تسخنين مقله على نار متوسطه و تسيحين عليها زبده تحطين البريوشه و لما تتحمر من تحت قلبيها
و خليها تتحمر الصوب الثاني و حطيها بصنيه فرن عشان تكمل سوا بالفرن و كرري العمليه لما تخلص الكميه
رشي الفرنتش توست بسكر بودره و حطيه فوقه فراوله شرايح صوص ككاو (صوص الككاو كوب كريمه بجدر يغلي حطيها على ككاو مقطع صغار تقريبا نص كوب و 3-4 قفشات سكر) سويه مببجر و حطيه بالثلاجه يجمد شوي لان حزتها بيكون سائل وايد

او سوي بان كيك بس ماعرف طريقه مضبوطه

حطي بلاتر في انواع اجبان و لبنه و زيتون و زعتر و قيمر و عسل

حطي سله في انواع الخبز و الصمون و الكرواسون

حطي نخي و باجيلا اذا يحبون

 

[ليمون ونعناع]

البنات ماقصروا

اذا تحبين فول

استخدمي الفول المدمس بالخلطه السريه معلبات
مايبيله تصفينه من ماي ولا تدقينه جاااهز للاكل بس انا احب احط بصل وطماطم بالمقله لين يذبل بعدين اضيف الفول مع زيت زيتون او عصير ليمون عجييييب

البيض
عندي كذا طريقه
بيض مع فلفل اخضر وطماط مفروم وحبه بركه مع جبن موزريلا

او بيض مع زعفران وااااو مجربته بمطعم بمجمع اولومبيا

بيض مع صلصه ماجي وجبن سلايدات خلطه من تاليفي

 

[بــــدره]

مشكوووورين بنات تسلمون
خذيت منكم جم فكره و ان شالله برجع و بحط لكم الي استقريت عليه

 

[حــور العيـون]

سوي مطاره شاي و مطاره حليب بالهيل و الزعفران , و عصير برتقال فريش

اخذي آش ايراني من راعي النخي و الباجله بس حلاته تاخذينه نفس اليوم الصبح لان لمن يبرد يصير مو وايد حلو

سوي بان كيك ,, العلبه جاهزه و موجوده بالجمعيه قسم خليط لكيك الجاهز , و لاتنسين الصوص ماله ( شراب كراميل )

تقدرين تسوي كلوب ساندويش ( عجييبه ) و الطريقه : توست و شريحه ديك الرومي مدخن , شرايح طمام و خس , جبن سلايس , خردل ( ماسترد ) و بزياده بعد حطي مخلل الشرايح اللي يكون مخصوص حق الهمبرقر

و بعد في شغله ثانيه انا دايما اسويها و تطلع حلوه ,, طريقه يديده لتقديم الجبن
ان تاخذين جبن ابيض اللي بالكيلوات , فرضا جبن السعودي , و تقطينه مربعات صغيره و بعد تقطعين مربعات صغيره طماطم ,, و شرايح زيتون اخضر او اسود و رشه زعتر ( الزعتر على راحتج ,, حطي الكميه اللي تبين و تذوقي , سواء 1 او 2 ملعقه كبيره ) و اخر شي شويه زيت الزيتون و تخلطينهم مع بعض كلهم , بس خلطي شوي شوي عشان الجبن لا يتفتت


انا غرامي عزيمه الريوق من جذي احب ابدع و اسوي شغلات يديده و دووم نتيمع عالريوق انا و رفيجاتي

 

[جارة القمر]

مشكوووورين بنات تسلمون
خذيت منكم جم فكره و ان شالله برجع و بحط لكم الي استقريت عليه

بالعافيييييييييييييييية:eh_s(7)::eh_s(17):