عسى الله يرزقها اللي تتمنى اللي ترد علي

[ريـــ205ـــم]

السلام عليكم بنات

صباح الخيييير

شلونك يارب تكونون بأحسن حال :eh_s(15):

( موضوعي بختصار ويارب القى الحل عندكم)

بنات انا سويت حااادث قبل اسبوعين والسياره اعدمت بس الحمدلله انا ما فيني اي شي

والحين ابي اخذ سياره اجر تملك او اجر عادي

بس المشكله ما عندي ليسن ولا تقولون ليش...؟ ماعمري فكرت :bbbiu: اطلع ليسن

واسوق لي تسع سنين اسوق وعمري ما تخالفه علي عدم حمل رخصه القياده ّ<<<<<<<<< قالت قصه حياتها

واللي تشوف حل لمشكلتي عسى الله يستر عليها ويوفقها يارب وويرزقها ويفرج همها :yaaaaaarb:

<<<<<<<<< شنو مشكلتي شتبيني خلصينا

طولوا بالكم علي ولا تلومني مطلقه وعندي جهال وما عندي سياره اخلص اشغالي ومراجعتي والمدرسه بصوب
وتعبت حيل :eh_s(11):

اللي تعرف شركه او مكتب يعطوني سياره اجر تملك بدون ما يطلبون ليسن او يعطوني سياره علي معاش مساعدات الشؤان او اللي عندها سياره وتبي تفتك منها وتحول القسط علي بس عن طريق محامي عشان راح يطلبون علي كفيل لاني اخذ مساعده من الشؤان

تكفون بنات ساعدوني واللي تحل مشكلتي بدعي لها بكل صلاه وبقيام الليل لاني صج انكسر ظهري بدون سياره



سمحوني دوختكم وتحملوني

اختكم ريـــ205ـــم
:eh_s(8):

 

[ريـــ205ـــم]

مشكلتي والله شلون حطينه منقووووووووول

 

[وآحشنــي زمآنـك]

الله يعينج ..



وماااعندي فكره لحل الموضوع ..

 

[أم عبش]

حمدلله على سلامتج ... والله فيه بحولى شكثر تاجير سيارات وقوليلهم قصتج والله يساعدونج الله يفرج همج ويكون الله بعونج يا اختى

 

[كتكوته ورديه]

والله ما ادري حمد الله علي سلامتج بس ليش ما تاخذين ليسن

 

[dnyay_mll]

الله يعينج حبيبتـي ويفرجها عليـج

 

[ام الدرر]

((منقول يعني نقلته المشرفة للقسم المناسب ))
خطاج السو ياقلبي
وعسى الله يسخر لج من يساعدج
طلعي اجازة وافتكي ​

 

[كلنا عشاق لكن]

خطاج السو والسيارة بدالها سيارة
شوفي الله يسلمج
فية مكاتب إتبيع لج السيارة اللي تبين والقسط 50 شهريا
سواء معاشج شؤون أو شنو ماكان من غير كفيل ومن غير مقدم وإشروط :eh_s(15):
واحد منهم بشارع وارة والباجين بالصناعية وكلهم بالجهرا
وعندهم من الهمر لآخر شي بخيالج وأغلبهم 2010
بس يبون شهادة راتب تاخذينها من البنكــ بثواني
والحين المطلقة يحق لها قرض الــ70 ألف بس سئلي الشؤون بدال لاتقاسطين كذا جهة
وبنكــ الخليج بعدلو راتبج من250 وفوق يعطيج من 00 إلى 70 تشترين لج بيت بإسمج وسيارة
وبالمرة إتحطين لج مؤسسة إصغيرة
ويارب يكون بعونج
​

 

[كارلوفي فاري]

اب اب

 

[**سهام**]

أختي انتي فاهمة غلط
بأمكان أي شخص أن يتملك أي عدد من السيارات حتى لو ما عنده رخصة قيادة
يعني ممكن يعطيها لولده أو لسايق يشتغل عنده مثلا ومو شرط هو اللي يسوقها
يعني انتي تقدرين تشترين أي سيارة بأي طريقة كانت وبدون ما يطلبون منج الليسن
واللي أعرفه أن مكاتب التأجير تتعامل بالبطاقة المدنية ماني متأكدة اذا يطلبون الليسن أو لا
والله ييسر أمورج
​

 

[الصداقه]

والله صراحه ماعندي معلومه والحمد الله ع سلامه واله يكون بعونج