عسى اللي تدش وتطمني الله يرزقها ولاده سهله مثل شربة الماي

[روحي وجروحي]

السلام عليكم حبيباتي

بنات انا والده صارلي شهر و3اسابيع بعمليه قيصريه بس
من امس ينزل علي افرازات صفره مع خيوط دم بس شوي ويوقف وحتى اليوم نزل معاي نفس الشي ووقف يعني باجي على دورتي 3ايام ياربي بنات صج صج خايفه واحاتي للعلم هذي العمليه الثالثه مادري عادي ولا لآ
والصلاه شلون عليها يعني اصلي عادي وانا احس بأعراض الدوره يعني الم الصدر والظهر بس عالخفيف
طمنوني الله يطمنكم

 

[♥ ݤليے ﻁﻔووله ♥]

مادري والله ان شالله البنات يفيدونج ..
دخلت طمعانه بولاده مثل شربت الماي لوووول ولا انا عليميه

 

[ftana]

لوووول انا نفس الي فوق عليميه بعد بس طمعت بالولاده اللسهله والدعوه الحلوه
انشالله البنات الي بعدي يفيدونج

 

[معلمة الاجيال]

^^^^^
^^^^
^^^
^
وانا مثلهم لووووووووووووووووول
بس اب لعيونج

 

[~LiBrA~]

حبيبتي اكيد هذي دورتج وحتى لو كان موعدها بعد 3 ايام مو شرط يمكن تكون مجدمه لان تتخربط بعد الولاده


لا تحاتين شي ما شالله انتي هذي ثالث عمليه المفروض خبرة الحين

انشالله ماعليج الا العافيه بس تدفي عدل عشان تنزل دورتج


واذا كلش كلش حايفه روحي حق دكتورتج الي ولدتج سأليها

 

[MzOoOn 22]

وآنا مثلهم طمعت بالدعوه الحلوه ..

والله مادري اب لعيونج

 

[أم حورية]

حالي حال اللي فوقي طمعانة بولادة سهلة ههههه

ما حبيت اطلع من غير رد ومادري اذا له علاقة بالولادة القيصرية ولا لأ

بس انا كان يصير معاي جذي لما كنت ارضع كانت ما تنزل علي الدورة عدل ساعات مثل ما قلتي وساعات دم خفيف

يعني عندج كذا احتمال يمكن من الرضاعة ويمكن هذا وصخ بالرحم ويمكن عندج التهابات

روحي جيكي عند الدكتورة هي اللي تقدر تحدد حالتج ومحد بيفيدج غيرها

والحمدلله على سلامتج حبيبتي *

 

[ام عفاف الكويت]

انا بالعمليه الثانيه جذي
وقالوا لي اخت النفاس

 

[بنتي نور عيني]

حبيبتي
هذي علامات قرب نزوول الدوره او علامه التبويض لان التبويض مرات ينزل معاه دم بس قليل

وان شا الله مافيج شي
تطمني

 

[أم حورية]

ونسيت اقولج الاحتمال الاخير يمكن تكومين حامل اذا ما كنتي تاخذين موانع لان احيانا تصير

بس الاغلب بسبة الرضاعة اهي اللي تخسبق الدورة وما تنزلها عدل

سوري حيرتج بس هذي احتمالات لازم تنحط بالاعتبار بس روحي الطبييب احسن حبيبتي

 

[$حبيبة عبودي$]

والله ماعندي فكره بس يمكن اخت النفاس صج ..

 

[الحالمه]

آنا مثلهم طمعت بالدعوه الحلوه


وأتوقع هذي يسمونها أخت النفاس
أكلي وتدفي عدل وأشربي دواء القهوه وتمره برشاد
والصبح حليب مع فلفل أبيض روووووووووعه وينظف من قلب

 

[yasmeen_q8]

راجعي دكتور افضل وشوفي هذا شنو وبالنسبه للصلاة سئلي شيخ افضل دقي على دار الفتوه والتشريع

وان شاء الله الله يرزقني بولاده سهله

 

[العفاسيه]

هذا بقايا دم نفاس مانظفتي ويمكن دوره بس روحي لدكتوره احسن
كنت مثلج استمر معاي حتى بعد الاربعين لفتره لين رحت لدكتوره *ناسيه شنو عطتني ووقف

 

[روحي وجروحي]

بنات مشكورين حبايبي بس انا ماارضع وشنو اخت النفاس انا خلصت النفاس تقريبا من اسبوعين اي ونسيت اقولكم انا كانت معاي حكه حيل قويه تختفي وترجع بس الحين عادي خفيفه الحكه
اذا تقصدون باخت النفاس الدم اللي ينزل عقب الاربعين انا جاني ب1 تسعه يعني الحين قربت تنزل مادري حيل حيل محتاره

 

[nadoo]

راجعي الدكتور النسائيه احسنلج

 

[.. مـــلاكـ ..]

مآ عندي فكرة

فوووق

 

[دنيتى زوجي M]

اب والله مادري حبيبتى

 

[uM-ThNaYaN]

انا مابي افتي بس اتوقع دورتج يايه مبجر :× انشالله ماكو شي حياتي :*

 

[برينسيسا]

هذي اكيد بدايت الدوره لان عادي تقدم الدوره طبيعي ياقلبي لاتحاتين