عشااا ولد خالتي ولقافتي !!!!!

[وجدان الحلا]

السلام عليكم

بنات امس صار لي موقف بايخ وقعد طول الليل ضايق خاقي

سلمكم الله البارحه بالليل عزمنا ولد خالتي بيتهم على عشااا>>>ساكن بعماره اجااار

المهم اول ماوصلنا عند الباب قطني ريلي وراح يصفط السياره<<<المصافط زحمه عرس مو عشا

اول مادخلت كان فيه ممر طويل وانا امشي ومعاي عيالي والا يطلع لي واحد الممر حيل ضيق اول ماشفته تخرعت جان اقول السلام ورد علي السلام

بعدين تحسفت شكو اسلم عليه ولما خلص العشااا وردينا البيت قلت حق ريلي

قالي

ماله داعي اللحين يفهم غلط يحسبج تبين منه شي منيه والا منااااك

انا انصدمت وقلت مو معقوله قالي لو انا مكانه جان افهم غلط

على فكره ترى انا بالرياااض والنااس اهنيه حيل نقادين

ادري السالفه عاديه بس مدري ليش متضايقه منها للحين

امانه بناات شرايكم هل اللي سويته غلط؟؟؟؟؟

 

[بتبوتااا]

مكبره السالفه حيل حبيبتي ؟!!

السلام لله ياقلبي ,,

 

[ماني من الناس]

ooooooooo

شصاير يعني انتي بس رديتي السلام

 

[Green 55]

السلام لله صح

بس اهي مره شكو تسلم ع ريال ما تعرفه ؟!

 

[om-3bood]

يا حياتي شدعوه
هونيها وتهوون
والله انا سواء اخترعت ولا ما اخترعت
آسللللللللللللللللللم

 

[أم توتو]

السلام لله بعد الواحد حرام يسلم الرسول قال :افشوا السلام بينكم لايضيق خلقج ماسويتي شي غلط

 

[فجر الجنوب]

مدري بس عادي ريحي عمرك

 

[الأميرة الحزينة]

مادري اشوفه موقف عادي مافيه شي

 

[Miss Chanel]

انتي اخترعتي وماكان قصدج
وبعدين الي تبي شي تهقين بتقول السلام ؟؟؟؟
انتي ماقلتي شي السلام لله ومو قصدج

 

[وجدان الحلا]

انا اقول عادي

بس جماعتنااا غيرررر مادري شلون يفكرووون

الله يطمن قلوبكم

 

[m&ms2]

عادي طاف لوول

 

[الوردة المكنونة]

عادي الموضوع انتهى انسي وعيشي حياتج لا تنكدين على روحج اهم شي ريلج تفهم الموضوع خلاص انسي

 

[برنسس كاتي]

عادي زي ما قالو السلام لله
الواحد لمن يدخل مجلس ولا مكان المفروص يسلم
شنو يفهم غلط يعني انتي ما اتضحكتي ولا تميعتي كلها سلام
ومعاج عيالج يعني نوعا ما ما كنتو بروحكم
لا تكبرين السالفة

 

[.،:"$الـعـوبــــة$":،.]

والله شقولك ،،
انا فيني طبع اي مكان ادشه لازم اسلم تعودت !
حتى بالسوق كل محل ادشه اقول السلام عليكم ،
تخيلي والكل يرد علي ،
الكاشيير الزباين اللي يشتغلون بالمحل !!
وشوفي عاد زوجي شلون يعصب !:bbbiu:
بس والله العظيم احاول اني مااسلم ، بس لازم اسلم !!:eh_s(16):
<< مهي بعيدة من ياسر عرفات الله يرحمه !:eh_s(22):​

 

[شذا الياسمين]

اذكر مرة كنت في المستوصف انا وزوجي ننتظر دورنا وزوجي جالس يمي ومر علينا واحد وقال "السلام" جان أرد ويا زوجي (والله لا شعوري) "وعليكم السلام " وبصوت عالي بعد ههههههههههه..
طبعا بعدين مابغيت الا عمري من زوجي ..
في البداية انحرجت والحين كل مااذكر هالموقف اضحك شكو أرد السلام هع ..

 

[ام هلال]

شكو تسلمين على ناس ماتعرفينهم..........لا وبعد رجال

عاد الله يعينج على القيل والقال

 

[وجدان الحلا]

والله يالعوووبه اني نفسج وزوجي نفس زوجج يعصب بس تعووودت مادري شلون اتخلص من هالسلام اللي ذابحني

ام هلال قلبتي علي المواجع عاد جماعتي اهم شي عندهم القيل والقال

 

[الغاليه ام احمد]

انا اشوف هالشي عادي

 

[نوووور الشمس]

اب

اب

اب

 

[jojo493]

عادي وراك مكبره السالفه
سلمتي ورد السلام عادي جدا ، وش يفهم غلط مايفهم غلط ..
ان فهم غلط فهذا يدل على ان تفكيره غلط .. ولا السلام سنه و رده واجب ، مافيها عيب اذا سلمنا

انا اسلم اذا دخلت محل وعادي جدا